Përdhunimi i 18-vjeçares shqiptare nga vëllai i njerkës së saj 33-vjeçar vijon të jetë në vëmendje të mediave greke.Abuzimi seksual ndaj 18-vjeçares bëri që babi i saj Fatmir Terollari 50-vjeç të vriste kunatin e tij një javë më parë. Sot Terolli është liruar nga burgu për tu lënë në arrest shtëpie.
Ndëkrohë që pas vendimit për lirimin e 50-vjeçarit mediat greke kanë zbardhur dëshminë e dhënë nga 18-vjeçarja ën polici.
Ajo ka rrëfyer se në momentin e parë që i ka treguar babait të saj mbi përdhunim, ky i fundit e ka përqafuar dhe i ka thënë asaj që të denoncojë te një avokat këtë që ka ndodhur.
“Fillova t’i them babait se dikush më ngacmoi që në moshën 9-vjeçare dhe se përdhunimi filloi në moshën 12-vjeçare. Unë shpërtheva në lot. Babai më përqafoi. Ai reagoi shumë gjakftohtë dhe më tha se do të jetë pranë meje. Më tha të gjeja guximin të shkoja te një avokat për ta denoncuar”, ka dëshmuar vajza.
Sa i përket shantazhit të vazhdueshëm që i bënte përdhunuesi, vajza tha se 33-vjeçari i kërkonte para duke theksuar se i duheshin.
Ajo ka treguar se 33-vjeçari i ka marrë 1 mijë euro që kishte në çantë, dhe se ajo kishte frikë vazhdimisht mos ai i bënte keq babait të saj dhe motrave.
“Më tha se i duheshin para se kishte nevojë. Në çantë kisha 1000 euro që më kishte dhënë babai në mëngjes për qiranë. Duke u kthyer në makinë, ai më tha se i kishte marrë nga çanta ime dhe nuk do të më shqetësonte më. Iu luta të mos bënte asgjë me videon. Të nesërmen kuptova se kishte lënë rreth 150 euro nga paratë që kisha në çantë. Kisha frikë prej tij. Kisha frikë se ai do të më dëmtonte mua, motrat e mia, babain tim”, vijon në dëshminë e saj 18-vjeçarja.
Vajza aktualisht është studente në një qytet të Greqisë. Babai i saj i dha vajzës paratë për të paguar qiranë e banesës. Të dielën e kaluar, pronarja e saj i tha se qiraja ishte e vonuar dhe pikërisht atëherë filloi të shpaloset lëmshi i tmerreve.
Babai im u informua nga pronarja se unë i kisha borxh 4 qira në shumën 1040 euro. Babai më kishte dhënë këto para, por unë nuk i kisha paguar. Të nesërmen në mëngjes erdhi babai për të më takuar. Në fillim nuk doja t’i tregoja. Por më vonë, ia shpjegova të gjithë historinë që në fillim. I kërkova të qëndronte i qetë dhe vendosa t’i zbuloja se çfarë më kishte ndodhur shumë vite më parë.
Fillimisht ajo nuk përmendi emrin e vëllait të njerkës
“Më pyeti se kush ishte por nuk pata guxim t’i tregoja. Avokati më tha të filloja të shkruaj atë që më kishte ndodhur. Kam vizituar një specialist. Babai ishte gjithmonë pranë meje, duke qarë, duke ndier keqardhje për atë që më ndodhi. Ai donte të më mbronte, më përqafoi, më puthi. Ai këmbënguli që unë t’i tregoja se kush është”, ka rrëfyer vajza.
18-vjeçarja ka shkruar në një fletore gjithçka që ka ndodhur që nga ngacmimi i saj i parë seksual. Të martën në mëngjes ajo i tregoi babait të saj emrin e dhunuesit.
“Babai im vazhdimisht qante dhe fajësonte veten për atë që më ndodhi. Më erdhi keq për të dhe i thashë se është vëllai i njerkës sime, gruas së tij të dytë. Me të dëgjuar këtë, ai u trondit. Atëherë ai insistoi edhe më shumë që të vazhdoja me rrëfimin. I kërkova kohë për të folur me psikiatrin dhe dukej se ishte dakord. Mësuesja ime erdhi në shtëpi dhe i kisha treguar më parë se çfarë po ndodhte, por jo në detaje rreth një vit më parë, kur i kisha thënë edhe motrës sime. Në zyrën e avokatit, babai dukej i shqetësuar, i shqetësuar, i mërzitur. Nuk e kisha parë kurrë më parë kështu”, është shprehur vajza.
Pastaj më thotë “E godita, nuk e di nëse ka vdekur”. Nuk më tha se kush por e kuptova se kë donte të thoshte. Pata një sulm paniku. Nuk mbaj mend shumë. Mbaj mend që babai im ka marrë Policinë dhe i thotë “kam goditur dikë, është makinë e argjendtë, nuk e di nëse ka vdekur apo është gjallë”. Për 10 minuta do vij të dorëzohem”.
Vajza tha se dhunimi i fundit ndodhi dy muaj më parë në një shtëpi në Volos . “Më duhej ta takoja sepse më thoshte se nëse nuk e takoja, do të dërgonte një video që kishte në celular me mua dhe atë. Hyra në makinën e tij dhe në një moment dola nga ajo sepse ndjeva se nuk doja të kisha kontakt të ngushtë me të. I kërkova të mos më shqetësonte më dhe më tha “ok, kjo do të jetë hera e fundit”, tha 18-vjeçarja.
