Ja kush është efektivi i plagosur sot me arme teksa ndiqte një të dyshuar

Edlir Alleshi është efektivi i repartit “Shqiponja”, i cili u plagos me armë zjarri pasditen e sotme teksa ndiqte një të dyshuar për armëmbajtje.

Alleshi u plagos me një plumb në bark nga autori pranë zonës së Kinostudios në kryeqytet.

Sakaq, në ndjekje të personit të armatosur janë venë shërbimet e tjera të Forcave “Shqiponja”, Patrullat e Përgjithshme, dhe Njësitë Speciale Operacionale, janë bllokuar hyrje-daljet e të gjitha rrugëve, dhe vijon kontrolli për kapjen e personit të armatosur.

Plagoset efektivi i policise, autori po ndiqej nga një patrullë, qëlloi ndaj policisë 

Një efektiv i repartit “Shqiponja” është plagosur me armë zjarri pasditen e sotme në Tiranë, ndërsa janë zbuluar detaje rreth ngjarjes së rëndë.

Mësohet se një patrullë e Forcës së Posaçme “Shqiponja ka marrë informacion për një person që qarkullonte me armë zjarri, të cilin më pas e kanë ndjekur.

Sipas njoftimit të policisë personi i armatosur ka hapur zjarr në drejtim të Forcave “Shqiponja”, dhe si pasojë është plagosur efektivi Edlir Alleshi, i cili dyshohet se ka marrë një plumb në pjesën e barkut dhe më pas është dërguar me emergjencë në spital.

Sakaq, në ndjekje të personit të armatosur janë venë shërbimet e tjera të Forcave “Shqiponja”, Patrullat e Përgjithshme, dhe Njësitë Speciale Operacionale, janë bllokuar hyrje-daljet e të gjitha rrugëve, dhe vijon kontrolli për kapjen e personit të armatosur.

Njoftimi i policisë:

Tiranë/Informacion paraprak

Në lagjen “Kinostudio”, në rrugën “Hysen Xhura”, shërbimet e Forcës së Posaçme “Shqiponja” pasi kanë marrë informacion për një person që qarkullonte me armë zjarri, janë vënë në ndjekje të personit të dyshuar.

Gjatë ndjekjes, personi i armatosur ka hapur zjarr në drejtim të Forcave “Shqiponja”, dhe si pasojë është plagosur një prej efektivëve, inspektor E. A., i cili është dërguar menjëherë në spital për ndihmë mjekësore.

Në ndjekje të personit të armatosur janë venë shërbimet e tjera të Forcave “Shqiponja”, Patrullat e Përgjithshme, dhe Njësitë Speciale Operacionale, janë bllokuar hyrje-daljet e të gjitha rrugëve, dhe vijon kontrolli për kapjen e personit të armatosur.

Seanca në Këshillin e Sigurisë në OKB, Rama debat me delegacionin rus

Kryeministri shqiptar Edi Rama mbajti fjalën e tij në Këshillin e Sigurisë në OKB. Rama u ndal tek rreziku bërthamor që sjell agresioni rus në Ukrainë. Sipas tij, kjo luftë nuk është diçka që kërcënon vetëm botën perëndimore pasi shumë jetë të pafajshme po humbasin dhe kërcënimi është i madh për të gjithë botën.

Edi Rama: “Një agresion në zemër të Evropës nuk është vetëm e Evropës sic disa mendojnë apo thonë. Ciniket mund të thonë që ky është një problem që i ka rënë për hise perëndimit demokratik që të merret me të. Madje mërmërisin se çfarë ka bërë do të të bëhet, duke nënkuptuar se është një hak i natyrshëm.

Kështu është vërtetë? Ju ftoj të mendoheni dy herë.

Ndërkohë që flasim më shumë se 26 mijë civilë kanë vdekur, nesër numri do të jetë më i lartë dhe do të rritet për aq kohë sa do vazhdojë kjo luftë. Duke pasur parasysh vringëllimën e pajustifikuar bërthamore që vjen hera herës nga nivele të ndryshme të Kremlinit, kemi të drejtë të  trembemi që një ditë larg qoftë kjo çmenduri të shndërrohet në diçka më të keqe. Është e po aq e paimagjinueshme një luftë sot sa ishte  një lufte dje”, tha Rama.

Gjithashtu kryeministri përmendi edhe pavarësinë e patjetërsueshme të Kosovës që mbrohet nga Gjykata Ndërkombëtare Penale. Sipas Ramës, Rusia dhe vende të tjera kanë dashur gjithmonë ta keqpërdorin lindjen e republikës së Kosovës. E vetmja rrugë drejt paqes është Karta e Kombeve.

Edi Rama: “Më lejoni t’ju tregoj shembullin e Ballkanit Perëndimor, ata që kanë parë luftën si rrugë për arritjen e objektivave të tyre, në fakt janë penduar. Rusia dhe të tjerë janë përpjekur ta keqpërdorin lindjen e republikës së Kosovës, për të justifikuar ëndrrat e tyre neoimperiale. Pavarësia e Kosovës që është sanksionuar nga Gjykata Ndërkombëtare Penale, e cila nuk mund të shërbejë si pretekst për rrëmbim territoresh.

Nëse paqja në rajonin tonë është e prekshme, kjo ka të bëjë me mësimet e nxjerra nga e shkuara. Duke ecur përmes bashkëpunimit dhe jo duke krijuar barriera. Karta e Kombeve të bashkuara na bën thirrje për të jetuar në paqe. Shqipëria e ka bërë zgjedhjen e saj, të ngrihet për paqen, të qëndrojë krah të agresuarit dhe jo agresorit, faleminderit”, është shprehur Rama.

Plagoset nga plasja e një fisheku 33-vjeçari

Një 33-vjeçar nga Saranda është plagosur nga plasja e një fisheku, teksa po punonte në tokën e tij. Mësohet se i plagosur ka mbetur Hekuran Murto.

Njoftimi i policisë:

Rreth orës 14:15, në spitalin e Sarandës, është paraqitur për mjekim, shtetasi H. M., 33 vjeç, banues në Delvinë, i cili dyshohet se është dëmtuar në pjesën e krahut, si pasojë e plasjes së një fisheku, gjatë kohës që ky shtetas ka qenë duke punuar tokën e tij.

Grupi hetimor po punon për të zbardhur rrethanat e ngjarjes.

Operacioni policor “Aksi “ne Fier, prangoset 24 vjecari

DVP Fier

Finalizohet operacioni policor i koduar “Aksi”, kundër veprimtarisë kriminale të transportimit të shtetasve të huaj, kundrejt pagesës, për kalim të paligjshëm të kufirit.

U kap në flagrancë teksa transportonte kundrejt 500 eurove/person, 8 emigrantë nga Nepali, vihet në pranga 24-vjeçari.

I arrestuari, i kërkuar nga Policia e Vlorës për të njëjtën veprimtari kriminale të kryer rreth 1 muaj më parë.

Sekuestrohen automjeti tip “Benz” me të cilin transportoheshin 8 shtetasit, dhe 7 celularë.

Si rezultat i administrimit të menjëhershëm të informacioneve të siguruara nga inteligjenca policore, se një shtetas po transportonte emigrantë që synonin të kalonin kufirin ilegalisht, specialistët e Seksionit për Hetimin e Trafiqeve të Paligjshme dhe ata të Seksionit Operacional, të DVP Fier, në bashkëpunim me shërbimet e Komisariatit të Policisë Lushnjë, organizuan dhe finalizuan operacionin policor të koduar “Aksi”, si rezultat i të cilit u vu në pranga shtetasi K. P., 24 vjeç, banues në Korçë.

Shtetasi K. P. u kap në flagrancë, në aksin rrugor “Lushnjë-Rrogozhinë”, teksa drejtonte një automjet tip “Benz”, me të cilin transportonte 8 emigrantë nga Nepali. Nga veprimet hetimore dyshohet se 24-vjeçari po i transportonte këta shtetas, drejt Shkodrës, kundrejt shumës 500 euro/person, në mënyrë që ata të kalonin kufirin, në kundërshtim me ligjin, drejt vendeve të BE-së.

Gjithashtu, nga verifikimet rezultoi se 24-vjeçari ishte i kërkuar nga Policia e Vlorës, pasi më datë 29.08.2023, në fshatin Vrion, ka braktisur automjetin tip “Range Rover” me të cilin transportonte emigrantë, me qëllim kalimin e kundërligjshëm të kufirit.

Automjeti tip “Benz” u sekuestrua me cilësinë e provës materiale, së bashku me 7 celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Prokuroria e Posaçme kërkon 13 vite burg për 5 ish-zyrtarët e bashkisë Dimal

SPAK jep pretencën për dosjen e bashkisë Dimal, teksa kërkon 13 vite burg në total për 3 ish-zyrtarët e bashkisë dhe 2 përfaqësues të një firme private.

Arben Guraj, Përgjegjës i Sektorit të Shërbimeve, Altin Pali, drejtor Urbanistike, Valentina Jançe, ish-shefe e Urbanistikës, Vait Koshi, administrator i një shoqërie tregtare dhe Arjan Demiraj, inxhinier pranë kësaj kompanie, akuzohen për për korrupsion, shpërdorim detyre dhe ushtrim të ndikimit të paligjshëm.

Konkretisht:

Arben Guraj 4 vjet burg/ 2 vite e 8 muaj burg, me gjykim te shkurtuar

Altin Pali 3 vite burg/ 2 vite burg , me gjykim të shkurtuar

Valentina Jançe 3 vite burg/ 2 vite burg/ pezullim, shërbim prove

Vait Koshi 18 muaj burg/ 12 muaj burg, me gjykim të shkurtuar

Arjan Demiri 1 vit burg/ 8 muak, me gjykim të shkurtuar

Celet ne Fier Edicioni i 14 i “Focus Award”

Festivali dhe Konkursi Ndërkombëtar i Fotografisë “Fokus Award”, i cili organizohet prej gati dy
dekadash në qytetin e Fierit – duke arritur tashme në edicionin e tij të 14-të

– Ju fton në Ceremoninë
e Dhënies së Çmimeve ditën e premte, datë 22 Shtator 2023, ora 18:00. Fokus Award është jo
vetëm festivali më i madh dhe i rëndësishëm por edhe më jetëgjati ndër festivalet e fotografisë në
rajon. Festivali organizohet me mbështetjen e Ministrisë së Kulturës dhe Bashkisë Fier dhe mbledh
rreth tij qindra fotografë profesionistë dhe të apasionuar rreth fotografisë duke krijuar tashmë një
komunitet të konsoliduar dhe një vemendje ndërkombëtare reth tij.
EKSPOZITA: Festivali shtrihet në kohë dhe qytete të ndryshme duke filluar me qytetin e Vlorës, ku
në datën 20 Shtator 2023 në orën 18:00 pranë “Alpha Gallery” çel dyert ekspozita tematike “Life”.
Festivali ka marrëdhënie konkrete me simotra të saj në rajon dhe botë, marrëveshje bashkëpunimi
me organizata të ndryshme si FIOF – Fondi Ndërkombëtar i Fotografisë Italiane apo Fotometria në
Greqi me të cilët shkëmben projekte, ekspozita dhe realizon kështu një prej objektivave të tij
kryesorë i cili është ndërkombëtarizimi i fotografisë shqiptare. Në këtë prizëm, në datën 21 Shtator
2023 pranë Parkut Arkeologjik të Apolonisë , salla “Trapezeria”, çelet ekspozita me Ambasadorët e
Fotografisë Italiane në Botë dhe në datë 22 Shtator 2023, në hollin e Tetrit Bylis në Fier, ku edhe do
të mbahet Ceremonia Festive e Çmimeve 2023, do të ekspozohet një shfaqje me 27 autorë italianë
me titullin “Ri/Svegli – Ri/Zgjime”. Në Galerinë “Vilson Kilica” të qytetit të Fierit, në datën 22
Shtator 2023, në orën 18:00 çelen ekspozitat tematike “People”, “Land” si edhe ajo me temën
kryesore të konkursit, “Gjërat Kanë Ndryshuar?”. Më pas, Tirana do të jetë destinacioni tjetër në
tetor me ekspozitën “Press Photo” e më tej Elbasani në datat 11 dhe 12 Tetor 2023 me një
përzgjedhje fotografike nga Edicioni i 14të për të vazhduar akoma më tej në Itali, në Barletta dhe
“Orvieto Fotografia” në mars të vitit 2024. Pra, ky edicion i festivalit sjell mbi 7 ekspozita
tematike dhe shumë të tjera speciale për publikun shqiptar dhe atë të huaj.
TEMA KRYESORE: Festivali Ndërkombëtar i Fotografisë “Fokus Award”, për të 14 edicion sjell
për publikun fotografinë autoriale bashkëkohore bazuar në një arketip ku koncepti, ideja, tema –
bazuar në njësinë tezë kuratoriale – janë baza e përzgjedhjes së imazheve. Një paradigmë tashmë e
përmbysur kjo – jemi fiks në momentin e kalimit nga epoka ku dukej sikur “fotokamera nuk
gënjente kurrë” në atë ku imazhet – edhe realiste mund të krijohen pa përdorimin e një aparati
fotografik. Duket ironike edhe shprehja e Diane Arbus se “ka gjëra të cilat është e pamundur të
shikohen përpara se ajo t’i fotografonte”. “Gjërat kanë ndryshuar”

  • këndonte hidhesisht Bob Dylan
    dhe ne nuk duam aspak ta fshehim këtë gjë, përkundrazi, duam t’i dedikojmë temën kryesore të
    festivalit. Nuk është një sfidë mes nesh dhe makinës – “Fokus Award” me fotografitë tuaja kërkon
    të bëhet manifest i një rezistence artistike e cila e kapërcen këtë ndryshim duke e vënë në dyshim
    këtë destruktivitet të imazhit fotografik. Ekspozitat sjellin fotografi të cilat jo vetëm shfaqin
    vizionin e fotografëve mbi këtë ndryshim epokal por njëkohësisht rivendosin në botën e imazhit një
    hierarki, në majë të së cilës qëndron mendimi dhe inteligjenca njerëzore, nuhajtja dhe ndjeshmëria e
    fotografit. I cili duhet të vazhdojë ndërkohë që të tregojë botën dhe konditat e njerëzimit në mënyrë
    të përgjegjshme, të ekuilibruar, pra me autoritetin e tij, si artist. Me këtë teme dhe sfidë epokale,
    Fokus Award përball publikun me shqiptar një përzgjedhje prej 183 artistësh nga 25 vende të
    ndryshme të botës. Mbi 395 artistë nga e gjithë bota kanë aplikuar më parë për konkurset e
    festivalit.
    ÇMIMET FITUESE: Fituesi i Çmimit “FOKUS AWARD 2023” për Temën Kryesore “Gjërat kanë
    Ndryshuar” përfiton një vlerë monetare prej 1000 Euro. Fituesi i Cmimit “PRESS PHOTO 2023”
    përfiton një vlerë monetare prej 1000 Euro. Fituesit e Çmimeve “Land”, “People” dhe “Life” përfitojnë
    një vlerë monetare prej 500 Euro.
    ORGANIZUAR NGA: “Qëndra Albania Fokus” / Me mbershtetjen Financiare të: Ministria e Kulturës e
    Shqipërisë, Bashkia Fier, BenArt Print, Nikon, Zgatar Electronic / Ne partneritet me Galerine e Artit
    “Vilson Kilica” Fier, FIOF, Fotometria, “Alfa Gallery” Vlorë, Teatri “Bylis” Fier, Shoqata Antik dhe
    EJAlbum / Drejtor Artistik: Arben Alliaj / Manaxher: Saimir Ahmeti / Juria e konkursit: Maria Lanotte,
    Ardian Isufi, Genti Skullaku, Jetona Koçibelli, Agron Dragaj, Achilleas Tziakos. Bordi Kuratorial:
    Burim Myftiu, Osman Demiri, Elton Koritari.
    Organizatorët dhe Bordi Kuratorial i Festivalit “Fokus Award 2023” kanë nderin dhe kënaqësinë t’Ju ftojnë
    në hapjen e ekspozitës dhe në konferencën e organizuar për shtypin në fillim të saj. Fokus Award, në
    përfundim të hapjes së ekspozitës, organizon Ceremoninë e Dhënies së Çmimeve pranë Teatrit Bylis, në orën
    20:00 në një mbrëmje festive me artistët pjesmarrës, personalitetet, gazetarët dhe artdashësit e shumtë. Të
    ftuar në koncertin festiv janë artistët Redon Makashi, Aleksandër Gjoka, Egzona Ademi dhe Elton Deda.
    Për informacione të mëtejshme apo për materiale shtesë mund të kontaktoni me zyrën tonë të komunikimit
    në kontaktet e mëposhtme. Një press kitt me materiale dhe informacione rreth ekspozitës mund të shkarkohet
    edhe në këte link: www.fokusaward.com
    Kontakte: Email: info@fokusaward.com / Tel. +355693949167 / Tel. +355696472272
    Ju mirëpresim

Daily Express dokumentar trafikimit: Shikoni si bandat shqiptare mburren për bëmat e tyre

Një ekip hetimor i fshehtë i Daily Express ka ekspozuar një bandë kontrabandistësh njerëzish.

Trafikantët e njerëzve janë kapur duke u mburrur para një ekipi të fshehtë të Daily Express për drejtimin e kalimeve vdekjeprurëse me varka të emigrantëve nga Shqipëria në Mbretërinë e Bashkuar. Gazetarët në këtë dokumentar të ri, që pason artikullin e disa ditëve më parë ku jepnin rezultatet e hetimit, tregojnë gjithë skemën sesi ranë në gjurmët e këtij grupi dhe sesi arritën të depërtonin në brendësi të tij. Ata zbulojnë të gjitha komunikimet në telefon dhe për herë të parë bëhen publike inçizimet e bisedave me trafikantët dhe sesi bëheshin transfertat e parave të trafikut.

“Mini-dokumentari ynë i ri përmban biseda të inçizuara fshehurazi me kontrabandistët shqiptarë, të cilët detajuan brutalitetin dhe deri ku arrijnë për të fituar para. Duke shfaqur klipe ekskluzive nga reklamat e kontrabandistëve të postuara në mediat sociale, raporti ynë zbuloi se, gangsterët diskutonin mënyrat për të mashtruar autoritetet për të fshehur aktivitetet e tyre të paligjshëm”, shkruan gazeta.

https://youtube.com/watch?v=_Au9hEhVYbE%3Fsi%3DwiIkm7lLdqDQRyVI

Hetimi ndaj bandave shqiptare u nxit nga një rritje masive e njerëzve nga Shqipëria për në Mbretërinë e Bashkuar me varka të vogla, një prirje e lehtësuar edhe nga rrjetet kriminale nga MB që janë të angazhuar në tregtinë e kontrabandës.

“Në varësi të mënyrës se si e shikoni, një deri në dy përqind e të gjithë meshkujve të rritur të Shqipërisë ka udhëtuar në MB me varkë të vogël,” u tha deputetëve vitin e kaluar komandanti i Forcave Kufitare të MB, Dan O’Mahoney.

“Rritja ka qenë eksponenciale. Mendojmë se kjo është kryesisht për faktin se bandat kriminale shqiptare kanë zënë vend në veri të Francës dhe kanë filluar të lehtësojnë një numër shumë të madh emigrantësh”.

Duke u paraqitur si një familje shqiptare që kërkon të transportonte të afërmit e tyre në Angli, ne kontaktuam lehtësisht me disa trafikantë që reklamonin udhëtime me varka të vogla në platforma të ndryshme të mediave sociale.

1...425426427...431Faqja 426 nga 431