Qarkullimi i masave ajrore me origjinë verilindore do të sjellë ulje të mëtejshme të temperaturave në territorin shqiptar.

Përsa i përket motit, vranësirat dhe reshjet e dëborës do të jenë prezent në 75 përqind të territorit, më të theksuar në zonat verilindore.Parashikohet që pjesa e dytë e ditës dhe në vijim të përmirësojë dukshëm kushtet atmosferike duke sjellë mot të kthjellët por shumë të ftohtë.

Temperaturat e ajrit do të pësojnë rënie të theksuar të tyre duke u luhatur nga -6°C vlera minimale e shënuar në zonat verilindore deri në 8°C vlera maksimale e cila pritet përgjatë vijës bregdetare.

Era do të fryjë mesatare deri e fortë gjatë gjithë ditës duke arritur shpejtësinë maksimale deri në 55 km/h nga drejtimi Verilindor; për pasojë në brigjet detare do të krijohet dallgëzim mbi 3 ballë.

Zbardhen detaje nga vrasja me armë zjarri në Tiranë!56-vjeçari i identifikuar si shtetasi Bujar Nasufi është vrarë mbrëmjen e sotme me armë zjarri pranë Pallatit me Shigjeta në kryeqytet.Ai së bashku me vëllanë ishte pronarë i një mobilerie në zonën e “Pallatit me Shigjeta”, zonë ku iu bë dhe atentati.

Dyshohet se në momentin që është qëlluar, sapo ka dalë nga biznesi. Dëshmitarët kanë parë mjetin e viktimës të ndaluar.

Një grup i posaçëm hetimor, nën drejtimin e Prokurorisë, ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.

Një ngjarje e rëndë ka ndodhur në rrugën “Myrte Zeneli,” pranë “Pallatit me Shigjeta”, mbrëmjen e sotme, teksa raportohet se një automjet me drejtues shtetasin Bujar Nasufi, 56 vjeç, është qëlluar me armë zjarri, duke i shkaktuar atij humbjen e jetës.

Policia ka ngritur pika kontrolli në zonë dhe po ushtron kontrolle të imtësishme për të ndalur përgjegjësit.

Më shumë detaje priten pas përfundimit të veprimeve hetimore paraprake.

Si pasojë e reshjeve të dendura të shiut, disa nga rrugët kryesore në qytetin e Vlorës janë përmbytur, duke krijuar vështirësi të mëdha për kalimin e automjeteve.Rruga “Albano-Romina”, në veçanti, është prekur rëndë, ndërsa trotuaret janë bërë të pakalueshme për qytetarët.

Kjo situatë ka shkaktuar bllokime dhe ka përkeqësuar trafikun në disa zona të qytetit, duke krijuar shqetësime për qytetarët dhe drejtuesit e mjeteve.

Shërbimet e Ujësjellës-Kanalizime janë angazhuar në terren dhe po ndërmarrin masa për normalizimin e situatës dhe pastrimin e rrugëve të bllokuara.

Policia Rrugore e Lezhës ka njoftuar për bllokimin e disa segmenteve rrugore për shkak të reshjeve të dendura të dëborës.

Segmenti rrugor nga Skuraj në drejtim të Ulzës është i bllokuar në Qafë të Ulzës, duke penguar qarkullimin e mjeteve në këtë zonë.

Një tjetër rrugë e bllokuar është ajo që të dërgon te Kisha e Laçit, ku reshjet e borës kanë krijuar vështirësi të mëdha për kalimin e mjeteve.

Policia apelon drejtuesit e automjeteve të shmangin këto segmente deri në përmirësimin e situatës dhe të marrin masa për udhëtime të sigurta, duke përdorur goma dimërore ose zinxhirë.

Nderkohe si pasoje e reshjeve te bores probleme raportohen së fundi në Qafë Thanë, aty ku automjetet janë të bllokuara prej minutash ndërsa bëhet me dije se vargu i autokolonës së ndaluar është rreth 3 kilometra  e bllokuar.

Për shkak të kushteve të vështira atmosferike, Policia Kufitare Greke ka njoftuar Policinë Kufitare të Korçës se duke nisur nga ora 17:00 e ditës së sotme, lëvizja e mjeteve të tonazhit të rëndë (kamionë) përmes Pikës së Kalimit Kufitar Kapshticë drejt Greqisë është pezulluar deri në një njoftim të dytë.

Aktualisht, lejohet vetëm kalimi i autoveturave dhe autobusëve, me kusht që ato të jenë të pajisura me goma dimërore dhe zinxhirë, për të garantuar sigurinë në rrugë.

Policia e Shtetit i bën thirrje drejtuesve të mjeteve të tonazhit të rëndë që kanë planifikuar të udhëtojnë drejt Greqisë përmes kësaj pike kufitare, të shmangin lëvizjen deri në një njoftim të ri, i cili pritet të bëhet ditën e nesërme nga autoritetet greke.

Kompania e shpërndarjes së energjisë është organizuar në marrjen e masave në përgjigje të avarive për shkak të përkeqësimit të motit duke pasur në gatishmëri në terren 1500 punonjës në të gjithë vendin.

Janë angazhuar 24 orë, ju kemi vënë në dispozicion edhe 196 mjete motorike për riparim sa më shpejtë.

Në një komunikim për shtyp u bë me dije se situata paraqitet më problematike në veri të vendit; kryesisht në Burrel dhe Shkodër.