DVP Fier/Vihet në pranga 1 shtetas, procedohen në gjendje të lirë 2 të tjerë.

Specialistët për Hetimin e Narkotikëve të DVP Fier, në vijim të veprimeve hetimore dhe procedurale të kryera në kuadër të operacionit të koduar “Tempulli 2”, arrestuan në flagrancë shtetasin A. B., 35 vjeç, banues në Fier, pasi gjatë kontrollit në automjetin që ai drejtonte, shërbimet e Policisë gjetën një sasi lënde të dyshuar narkotike cannabis sativa, e cila u sekuestrua në cilësinë e provës materiale.

✅Po këta specialistë, në bashkëpunim me specialistët e Sektorit të Policisë Rrugore të DVP Fier, referuan materialet në Prokurori ku nisi procedimi në gjendje të lirë për M. H., 31 vjeç, banues në Mallakastër, pasi u konstatua duke drejtuar pa leje drejtimi, një motomjet pa targa, si dhe për shtetasin E. Y., 30 vjeç, banues në Ballsh, pasagjer në motomjet, pasi iu gjet dhe sekuestrua një sasi lënde e dyshuar narkotike cannabis sativa.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Fier

Hodhi mbeturina, në rrugë, ndërkohë që drejtonte automjetin, ndëshkohet me masë administrative 40 000 lekë të rinj, 53-vjeçari.

Shërbimet e Policisë Rrugore, gjatë monitorimit të qarkullimit të automjeteve, kanë konstatuar në aksin rrugor “Lushnjë-Rrethi i Kolonjës”, drejtuesin e një automjeti, duke hedhur në rrugë, mbeturina, që përveç se ndotin mjedisin, mund të bëhen shkak për humbjen e vëmendjes nga drejtuesit e tjerë të automjeteve.

Menjëherë, shërbimet e Policisë kanë identifikuar drejtuesin e këtij automjeti, shtetasin J. K., 53 vjeç, dhe e kanë ndëshkuar atë me masë administrative 40 000 lekë të rinj, sipas neneve 15/2 dhe 15/1 pika g, të Kodit Rrugor.

Policia Rrugore e Fierit apelon për të gjithë drejtuesit e mjeteve, që të mos hedhin mbeturina në rrugë dhe të mos kryejnë veprimeve të tjera të ndaluara, sepse mund të bëhen burim aksidenti, duke shpërqendruar drejtuesit e tjerë të automjeteve.

Ministri i Brendshëm Taulant Balla ka reaguar pas dy arrestimeve në Fier të dy  personave që kishin ushtruar dhunë ndaj bashkëshortëve të tyre, ku njëri prej tyre i kishte publikuar edhe video intime në rrjetet sociale.

Balla shkruan se është detyra e Policisë të rrisim vigjilencën dhe ta adresojë me vendosmëri dhunën në të gjitha format e saj. Balla shton se duhen marrë masa për të parandaluar dhunën ndaj vajzave, grave, për të mbrojtur viktimat dhe për t’i ndjekur penalisht autorët e krimit.

Reagimi i Ballës: 

Policia e Shtetit Fier ka ndaluar sot një tjetër dhunues. Dhuna shpesh manifestohet në shtëpi, mbrapa dyerve të mbyllura, por kjo është një temë që duhet bërë edhe më shumë publike dhe ku na duhet angazhimi i të gjithë shoqërisë sonë. Dhuna ndaj grave nuk është një çështje private. Ajo duhet të na shqetësojë të gjithëve, ndërsa viktimat e dhunës seksuale dhe me bazë gjinore duhet të mbrohen dhe trajtohen me dinjitet e respekt. Është detyra jonë, është detyra e Policisë së Shtetit të rrisim vigjilencën dhe ta adresojmë me vendosmëri dhunën në të gjitha format e saj dhe të marrim masat për të parandaluar dhunën ndaj vajzave, grave, për të mbrojtur viktimat dhe për t’i ndjekur penalisht autorët e krimit. Viktimat e dhunës nuk duhen stigmatizuar, por duhet t’ju ofrojmë mbrojtje, mbështetje dhe ri-integrim të plotë në punë dhe shoqëri.

Fieri nuk eshte kryeqytet i socialisteve, por i njerezve te ndershem, punetore dhe jo hajdute si rilindasit e korruptuar. Kjo eshte deklarata e deputetit te Partise Demokraktike te qarkut Fier, Luan Baci, si reagim ndaj etiketimit qe ka bere nje dite me pare ne asamblene e zgjeruar , drejtuesi politik i Partise Socialiste Taulant Balla .

Deputeti Baci gjithashtu ka ftuar te gjithe demokratet dhe qytetaret fierake per te marre pjese ne protesten e 20- shkurtit si nje pergjigje ndaj luftes kunder korrupsionit, varferise , dhe braktisjes masive te te gjitha grupmoshave si pasoje e keqqeverisjes ne nivel lokal e qendror. Nderkohe ne prononcimin e tij per mediat , Baci ka injoruar ftesen per bashkim te Lulzim Bashes dhe Enkelejd Alibeaj , ndersa ka ftuar te gjithe demokratet dhe strukturat pet tiu bashkuar aksionit opozitar.

Nderkohe Baci nuk ka lene pa komentuar dhe refuzimin e Blinken per te takuar opoziten gjate vizites se tij ne Shqiperi, duke e cilesuar si nje veprim qe delegjitimon vete Bashen dhe grupimin e tij.

Fier

Në kuadër të operacionit “Sundimi i ligjit”, arrestohen në flagrancë, brenda 12 orëve, 2 shtetas, për dhunë ndaj familjarëve.

Dhunonte fizikisht dhe psikologjikisht bashkëshorten, e përndiqte dhe i shpërndau në rrjete sociale, një video intime, Policia vë në pranga 29-vjeçarin.

Shkeli urdhrin e mbrojtjes dhe dhunoi ish-bashkëshorten, Policia vë në pranga 38-vjeçarin.

✅Specialistët për Hetimin e Krimeve të Komisariatit të Policisë Fier, pas denoncimit nga një shtetase 27 vjeçe se bashkëshorti i saj kishte ushtruar sistematikisht dhunë fizike dhe psikologjike dhe për këtë arsye kjo shtetase ishte larguar tek prindërit në Kosovë, organizuan punën për kapjen e tij.

Shërbimet e Policisë bënë të mundur lokalizimin, kapjen dhe arrestimin në flagrancë të shtetasit A. B., 29 vjeç, banues në Fier.

Ky shtetas, në mënyrë sistematike, ka ushtruar dhunë fizike dhe psikologjike ndaj bashkëshortes, e përndiqte dhe i kishte shpërndarë një video intime të saj, në rrjetet sociale.

Nga kontrolli i ushtruar në banesën e këtij shtetasi, u gjet dhe u sekuestrua një sasi e vogël lende e dyshuar narkotike cannabis sativa.

✅Gjithashtu, specialistët për Hetimin e Krimeve të Stacionit të Policisë Patos arrestuan në flagrancë shtetasin Z. M., 38 vjeç, banues në Patos, pasi ka dhunuar ish-bashkëshorten e tij, e cila ishte e pajisur me urdhër mbrojtjeje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Dhuna në familje”, “Përndjekja”, “Dhunimi i banesës” dhe “Prodhimi dhe shitja e narkotikëve”.