Rama mesazh Athinës nga Kongresi i PS

Kryeministri Edi Rama nga Kongresi i Partisë Socialiste ka komentuar marrëdhëniet me Greqinë dhe anëtarësimin e Shqipërisë në Bashkimin Evropian.

“Greqia…historia dihet. Qëndrim që as nuk ndryshon deri më 13 dhjetor dhe as nuk do të ndryshojë përtej 13 dhjetorit. Ky qëndrim nuk do të ndryshojë jo se ne jemi kokëfortë, por arsyeja për të mos ndryshuar qëndrim është shumë më e ofertë se në. Është si uji që del me vështirësi për të dalë. Ku brez pas brezi është trashëguar gojëdhëna se nuk do të dilte kurrë. Nuk do pranoj ta besoj deri më 13 dhjetor se fqinjët tanë do i vënë tapën e vetos shishes së hapur”, u shpreh Rama.

Policia jep detaje nga vrasja e djeshme ne FIER

Fier/Informacion shtesë në lidhje me mekanizmin e ngjarjes së ndodhur ditën e djeshme në lagjen “16 Prilli”, ku mbeti i vrarë shtetasi E. J., 41 vjeç.

Në vijim të veprimeve hetimore të kryera nga grupi hetimor i përbërë nga specialistët e Seksionit për Hetimin e Krimeve të Rënda të DVP Fier dhe atyre të Drejtorisë së Përgjithshme të Policisë së Shtetetit, rezultoi se:

Ditën e djeshme në lagjen “16 Prilli”, Fier, nga një automjet tip “Benz”, nga krahu i pasagjerit, është qëlluar me armë zjarri në drejtim të automjetit tip “Fuoristradë” e cila drejtohej nga shtetasi E. J., 41 vjeç.

Pas këtij veprimi, shtetasi E. J., ka qëlluar disa herë me armë zjarr pistoletë në drejtim të automjetit tip “Benz”.

Si pasojë e shkëmbimit të zjarrit, ka mbetur i vrarë shtetasi E. J., 41 vjeç.

Nga hetimet rezultoi se autorët që udhëtonin me automjetin tip “Benz” janë shtetasit A. G., 35 vjeç dhe K. G., 33 vjeç(vëllezër), të cilët janë shpallur në kërkim dhe po punohet intensivisht për kapjen dhe vënien e tyre përpara përgjegjësisë ligjore.

Nga kqyrja e vendit të ngjarjes, në afërsi të automjetin tip “Fuoristradë”, u gjet 1 armë zjarri pistoletë me nr trupi të paidentifikuar e cila u sekuestrua në cilësinë e provës materiale.

Motivi i kësaj ngjarjeje kriminale dyshohet një konflikt i nisur disa kohë më parë midis shtetasit A. G. dhe shtetasit E. J. për motive të dobëta.

Në drejtimin e Prokurorisë vijon puna hetimore për sqarimin e rrethanave të kësaj ngjarjeje dhe mbledhjen e te gjitha provave për dokumentimin e plotë të saj.

Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Fier, në ngarkim të shtetasve A.G. dhe K.G., të dyshuar për kryerjen e veprës penale “Vrasje me paramendim” e kryer në bashkëpunim dhe “Prodhimi dhe mbajtja pa leje e armëve dhe municionit luftarak”.

Makina me 3 të rinj përfundon në kanal, 2 nga viktimat janë shqiptarë

Tragjike! 2 të rinj shqiptarë humbin jetën në një aksident rrugor në Itali (EMRAT)

2 të rinj shqiptarë kanë humbur jetën në aksidentin tragjik të regjistruar në Venezia, ku një makinë doli nga rruga dhe ra në një kanal.

Si pasojë e këtij aksidenti, humbën jetën 3 të rinj, mes tyre dy shqiptarë. Mediat italiane kanë konfirmuar edhe identitetet e viktimave. Ata janë: Giulia Di Tillio, Egli Gjeci dhe Altin Hoti.

Tragjedia ndodhi në zonën Borgo Sant’Agnese rreth orës 03:00 të kësaj të premteje. Trupat e pajetë të tre të rinjve, u nxorrën nga forcat zjarfikëse.

Detaje te reja nga vrasja ne FIER. Autori ka qelluar me arme dhe i eshte kunderpergjigjur me arme edhe viktima .

Detaje te reja kane dale ne drite nga vrasja e ndodhur paraditen e djeshme ne lagjen 16 prilli ne Fier ku mbeti i vrare 41 viecari Elton Javori. Policia ka zbuluar autorin e ketij atentati ,35 vjecarin Agim Gashi i cili eshte larguar nga venndgjarja me automjetin e tij te markes “Benz”.

Burime konfidenciale bejne te ditur se atentati ndaj 41 vjecarit ka ndodhur ne rrugen “Kujtim Majaci” ne lagjen “16 prilli”. Automjeti i autorit eshte afruar prane “Porschit “te 41 vjecarit Elton Javori dhe paralel me te ,35 vjecari Agim Gashi e ka qelluar me arme pistolete .

Mesohet se ketij zjarri i eshte pergjigjur me arme edhe objekti i ketij atentati,Elton Javori ,xhami i automjetit te te cilit ka qene pak i hapur por pa mundur te godas agresorin.

Nga plumbat pistolete qe jane shkrehur ndaj 41 vjecarit ,nje plumb ne koke , i ka shkaktuar vdekjen.

Burimet bejne me dije gjithashtu se prane viktimes eshte gjetur edhe arma pistolet qe eshte perdorur prej tij ,ndaj autorit.

Mesohet gjithashtu se eshte i kesaj ngjarje qe ka cuar deri be vrasje ka qene nje sherr i ndodhur 1 vit e gjysem me pare mes viktimes dhe autorit .
Ngjarja ne fjale ka tronditur qytetin e Fierit ndersa policia po punon per kapjen e autorit i cili ndodhet ne arrati .

SPAK mbyll hetimet për grupin e ish-kryebashkiakut të Frakulles,Fier

Prokuroria e Posaçme kundër Korrupsionit dhe Krimit të Organizuar ka përfunduar hetimet për proçedimin penal nr.141 viti 2022 që bën fjalë për veprat penale “Trafikimi i narkotikëve”, “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, si dhe “Mbajtja pa leje dhe prodhimi i armëve, armëve shpërthyese dhe i municionit”, të parashikuara nga nenet 283/a, 333/a, 334/1 dhe 278 të Kodit Penal.

Hetimet paraprake për këtë procedim penal janë kryer në bashkëpunim me Policinë e Shtetit, me Hetuesit e Byrosë Kombëtare të Hetimit, në bashkëpunim me autoritetet e drejtësisë së Malit të Zi, si dhe në koordinim të vazhdueshëm me disa agjenci të tjera të huaja të zbatimit të ligjit.

Nga hetimet e kryera është provuar fakti se personat e akuzuar në këtë procedim penal, në bashkëpunim me njëri-tjetrin, në formën e grupit të strukturuar kriminal, kanë planifikuar, organizuar dhe importuar nga Kolumbia për në Shqipëri një sasi lënde narkotike të lloji kokainë.

Lënda narkotike është transportuar dhe është fshehur gjatë transportit nëpërmjet një ngarkese me “pleh organik” artificial, e paketuar dhe ngarkuar në një kontenier, që është transportuar nga Kolumbia nëpërmjet Portit të Pireut, në Greqi, në drejtim të Portit në Bar, në Malin e Zi. Nëpërmjet transportit në rrugë tokësore ngarkesa është futur në Shqipëri në datën 19.09.2022 dhe pasi ngarkesa është zhdoganuar në Doganën e Tiranës, është transportuar në fshatin Frakull e Madhe, në Fier, ku është kryer sekuestrimi i lëndës narkotike nga policia gjyqësore.

Lënda narkotike e llojit kokainë ka qënë e përzier me “plehun organik” artificial dhe pas mbërritjes së saj në vëndin e destinacionit, grupi kriminal do të gjente dhe siguronte personat e specializuar që do të mundësonin ekstraktimin e kokainës së pastër, e cila më pas do të tregtohej. Sipas ekspertimit kimik të kryer nga Instituti i Policisë Shkencore ka rezultuar se sasia e lëndës narkotike që mund të përfitohej nga ekstraktimi i ngarkesës së “plehut organik” artificial, në vlerën e saj maksimale llogaritet të ishte në sasinë 485.5 kg.

Në përfundim të hetimeve paraprake, Prokuroria e Posaçme ka paraqitur në Gjykatën e Posaçme të Shkallës së Parë për Korrupsionin dhe Krimin e Organizuar kërkesën për dërgimin në gjyq të procedimit penal nr.141 viti 2022 në ngarkim të të pandehurve të mëposhtëm:

  1. Të pandehurit Nikolin Gjolena, Klajdi Vrioni (alias Klajdi Kodra), Viktor Çervanaku dhe Denilson Çervanaku, janë akuzuar se kanë kryer veprat penale “Trafikimi i narkotikëve”, “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, të parashikuara nga nenet 283/a/1, 28/4, 333/a/1 dhe 334/1 të Kodit Penal. Këta të pandehur janë akuzuar se janë personat që kanë krijuar, organizuar dhe kanë drejtuar grupin kriminal.
  2. Të pandehurit Zenel Çervanku, Enxhi Ferhati, Redion Meshi, Julian Malaj, Bledar Matoshi, Marildo Rona dhe Samir Rosales Rodriguez (shtetas kolumbian), janë akuzuar për veprat penale “Trafikimi i narkotikëve”, “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, të parashikuara nga nenet 283/a/1, 28/4, 333/a/2 dhe 334/1 të Kodit Penal. Këta të pandehur janë akuzuar se janë pjesëmarrës në këtë grup kriminal.
  3. I pandehuri Redion Meshi është akuzuar edhe për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, parashikuara nga neni 278/2 të Kodit Penal.
  4. Të pandehurit Klajdi Vrioni (Kodra) dhe Bledar Matoshi janë akuzuar edhe për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunim, parashikuara nga nenet 278/1 e 25të Kodit Penal.
  5. I pandehuri Viktor Çervanaku është akuzuar se ka kryer edhe veprat penale “Mbajtja pa leje dhe prodhimi i armëve, armëve shpërthyese dhe i municionit”, të parashikuara nga nenet 278/1 dhe 278/4 të Kodit Penal;
  6. I pandehuri Denilson Çervanaku është akuzuar se ka kryer edhe veprat penale “Mbajtja pa leje dhe prodhimi i armëve, armëve shpërthyese dhe i municionit” dhe“Prodhimi dhe mbajtja pa leje e armëve të gjuetisë dhe sportive”, të parashikuara nga nenet 278/1, 278/4 dhe 280 të Kodit Penal;

Gjatë hetimeve paraprake është hetuar edhe shtetasi Kid Koshena, si i dyshuar për veprën penale “Mbajtja pa leje dhe prodhimi i armëve, armëve shpërthyese dhe i municionit”, e parashikuar nga neni 278/1 e 25 i Kodit Penal, por nga veprimet hetimore të kryera ndaj këtij shtetasi nuk u arrit që të provohej se ka kryer këtë veprër penale. Si rrjedhim, për këtë shtetas është paraqitur në Gjykatën e Posaçme kërkesë për pushimin e hetimeve ndaj tij.

Bora në juglindje, trashësia shkoi deri në 7 cm, si paraqitet gjendja e rrugëve

Reshjet e dëborës që përfshinë juglindjen e vendit mbrëmjen e së enjtes kanë ndalur. Me intensitet deri mesatar kanë qenë më të dendura në lartësitë mbi 1200 m.

Raportohet se në fshatin turistik të Dardhas dëbora shkoi deri në 7 cm, ndërkohë që është punuar për pastrim dhe kriposje edhe në akset nacionale që u përfshinë nga reshjet, borëpastrueset kanë qenë në terren në akset Korçë-Pogradec, Pogradec-Qafëthanë dhe në aksin Korçë-Erseke në Qafën e Qarrit.

Sakaq, në segmentin rrugor Korçë-Panarit trashësia e dëborës raportohet se ka shkuar deri në 4 cm, ndërsa reshjet kanë qenë me intensitet të ulët.

Fatmirësisht nuk ka pasur probleme me qarkullimin e automjeteve, por drejtuesit e mjeteve apelohet që të qarkullojnë me zinxhirë dhe te tregojnë kujdes të shtuar.

Gjithashtu në rrugën Lekas-Voskopojë dëbora ka shkuar në 3 cm, edhe në këtë segment nuk ka probleme. Të gjitha akset nacionale dhe rrugët dytësore janë të kalueshme dhe pa probleme, ndërkohë temperaturat priten të ngrihen në mesditë.


Shperndante droge ne Fier,prangoset 35 vjecari

Fier/Goditje të njëpasnjëshme në kuadër të megaoperacionit “Tempulli”, kundër shpërndarjes së lëndëve narkotike.

Mbante me vete dhe në banesë, doza cannabisi, për t’i shitur në lagje të ndryshme të qytetit të Fierit, vihet në pranga 35-vjeçari.

Procedohen penalisht 2 shtetas të tjerë të implikuar në këtë veprimtari kriminale.

Sekuestrohet një sasi lënde narkotike cannabis sativa, e ndarë në doza, të gatshme për shitje.

Si rezultat i kontrolleve intensive në të gjithë territorin e qarkut, të mbështetura nga informacionet e inteligjencës policore dhe të kryera në kuadër të megaoperacionit policor “Tempulli”, specialistët për Hetimin e Narkotikëve të DVP Fier konstatuan dhe goditën një tjetër rast të veprimtarisë kriminale të shitjes së lëndëve narkotike, në doza, në lagje të ndryshme të qytetit.

Për këtë rast u arrestua në flagrancë shtetasi M. D., 35 vjeç, si dhe u referuan materialet në Prokurori ku nisi procedimi në gjendje të lirë për shtetasit A. M., 43 vjeç dhe A. Y., 48 vjeç, të tre banues në Fier.

Nga kontrollet, në lagjen “Mbrostar Ura”, shërbimet e Policisë i gjetën me vete dhe në banesë, 35-vjeçarit, sasi të lëndës narkotike cannabis sativa, të ndarë në doza, ndërsa 2 shtetasve të proceduar iu gjetën me vete, doza të së njëjtës lëndë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Gjigandët ndërkombëtarë D-Marin do të menaxhojnë portin turistik të Vlorës

Vlora Marina ka nënshkruar një tjetër marrëveshje partneriteti, këtë herë me D-Marin, rrjetin prestigjioz të menaxhimit të marinave në gjithë Mesdheun dhe në Emiratet e Bashkuara Arabe për menaxhimin e plotë të shërbimeve në portin turistik të Vlorës.

Kjo është marrëveshja e parë e këtij lloji në Shqipëri dhe parashikon prezantimin e disa shërbimeve Premium, të njëjta në cilësi dhe standard me marinat më të mira të Mesdheut.

D-Marin merr përsipër të  gjitha shërbimet e nevojshme për funksionimin e portit turistik të Vlorës, si ankorimi, furnizimi me karburant, siguri 24h, mirëmbajtje e mjeteve lundruese, sigurimi i paisjeve portative të marinës duke përfshirë automjetet dhe varkat e punës si dhe shumë të tjera të cilat do krijojnë një standard të ri për turizmin blu në vend dhe do e pozicionojnë Vlorën si destinacion të rëndësishëm në Mesdhe.

Vanova Strakosha, Drejtore e përgjithshme e Vlora Marina në fjalën e saj përpara nënshkrimit të marrëveshjes tha se ky bashkëpunim vendos standarde të reja në mënyrën e menaxhimit të marinave si dhe ofrimit për herë të parë të shërbimeve ekskluzive në Shqipëri.

Për D-Marin kjo marrëveshje është  një përmbushje e kërkesës që vendi ka, për të sjellë koncepte të reja dhe për të ofruar më të mirën si për klientët e Marinës ashtu edhe për komunitetin.

Për ndërtimin e portit turistik kompania Vlora Marina do të investojë rreth 45 milion euro. Marina do të përmbajë 438 vende ankorimi për jahte dhe mega-jahte, me gjatësi deri në 50 metra. Marina, apo porti turistik i Vlorës, është një koncesion që parashikon transformimin e portit të vjetër industrial në një marinë turistike sipas strategjisë së shtetit shqiptar për zhvillimin e turizmit.

Pas përfundimit të periudhës koncensionare porti turisti i kalohet shtetit shqiptar. Vlera e marinës në momentin që do i dorëzohet shtetit shqiptar do jetë rreth 5 herë më e lartë sesa vlera e investimit për ndërtimin e saj. Kjo është marrëveshja e rradhës e rëndësishme që Vlora Marina nënshkruan në pak kohë. Më herët është nënshkruar marrëveshje me rrjetin prestigjioz Marriot, një marrëveshje që do të sjellë për herë të parë në Shqipëri konceptin e apartamenteve të branduara dhe hotelin me 5*, Vlora Marriot Hotel.

/SCAN

1...384385386...415Faqja 385 nga 415