Fier/Kontrolle dhe hetime të pandërprera, për të nxjerrë përpara përgjegjësisë penale, shtetasit e implikuar në veprimtari kriminale në fushën e narkotikëve.

Në vijim të megaoperacionit “Tempulli”, në pranga 2 shtetas të tjerë që bashkëpunonin për të ndarë në doza, lëndë narkotike cannabis sativa, me qëllim shitjen.

Sekuestrohen 430 doza cannabisi, një peshore elektronike dhe 2 celularë.

Si rezultat i aksioneve të vazhdueshme të Policisë, të kryera në kuadër të megaoperacionit policor kombëtar të koduar “Tempulli”, specialistët e Seksionit për Hetimin e Narkotikëve të DVP Fier, me mbështetjen e informacioneve të siguruara nga inteligjenca policore, kanë goditur një tjetër rast të veprimtarisë kriminale të shitjes në doza, të lëndës narkotike cannabis sativa.

Për këtë rast u arrestuan në flagrancë shtetasit Xh. R., 59 vjeç, banues në Roskovec dhe E. K., 35 vjeç, banues në Patos.

Nga kontrollet fizike, këtyre shtetasve iu gjetën në total, 430 doza të lëndës narkotike cannabis sativa, të cilat ishin përgatitur me qëllim shitjen në bashkëpunim, në qytetin e Roskovecit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

angazhimpërkushtimsakrificë👮️🚔

tëvendosurkundërkrimit✅

nëçdoskajtëvendit🇦🇱

nëshërbimtëqytetarëve👮️🤝🙍️

Deputetët e opozitës një pjesë prej të cilëve janë përjashtuar tentojnë të hyjnë në ambientet e Parlamentit por janë penguar nga Garda e Republikë që është bërë gardh në derën kryesore.

“Ku jemi këtu në Kore?- tha Asllan Dogjani, ndërsa Flamur Noka deklaroi: “Thoni Sulltanit që e keni bërë burg. Kështjella e Lindës është?”

Një ngjarje e rëndë është regjistruar në një fshat të Lushnjës, ku si pasojë e zjarrit në një banesë, një i moshuar ka ndërruar jetë.

Ngjarja ka ndodhur në fshatin Bubullimë. Nga burimet mësohet se në banesë jetonte një çift të moshuarish, dhe për pasojë Koli Koçi, 82 vjeç, raportohet se ka ndërruar jetë. Fatmirësisht është shpëtuar gruaja e tij.

Historiania, Elena Kocaqi në një intervistë në “ABC e Mëngjesit” foli për studimin për gjuhën shqipe.

“Studimi i bërë nga 240 studiues kanë arritur në përfundimin se gjuha shqipe është mbi 6000 vjeçare. Gjithmonë kontributi shkencor i dikujt bazohet diku. Korifenjtë e gjuhësisë indoeuropiane e kanë pasur në fokus gjuhën shqipe, problematika është krijuar me krijimin e akademisë tonë të shkencave pas Luftës së Dytë Botërore që e kanë çuar në regres shkencën Albanologjike dhe arsyet për këtë nuk i di. Di që qëndrimi zyrtar i gjuhësisë dhe historiografisë shqiptare është në kundërshtim me gjuhësinë dhe shkencën ndërkombëtare që është shumë e përparuar. Tani këtu ka diçka që nuk shkon, ose nuk janë ato në rregull, ose këta tanët nuk janë në rregull. Por mund të them që gjuhësia perëndimore ecën me një metodikë të pranuar nga e gjithë bota shkencore sot dhe në këtë mënyrë prirem t’i besoj më shumë atyre se këtyre tek që u krijuan si një shkencë nacional-komuniste vetëm gjatë epokës komuniste.”

Ajo theksoi se këtë studim kanë synuar ta përgënjeshtronin dhe ta hidhnin poshtë, por nuk ia dolën. Gjithashtu Kocaqi u ndal edhe tek shteti fqinj, Greqia, për të cilën tha se e ka shfrytëzuar historinë dhe manipuluar për përfitime politike.

Fqinjët tanë Greqia e ka shfrytëzuar historinë, duke e manipuluar atë për përfitime politike. Nga pikëpamja gjeopolitike, historia dhe gjuha luan një rol themelor. Studimet në shek 19-të, për shqiptarët i bënë austriakët dhe gjermanët dhe shtetet që zhvatën territore shqiptare i zhvatën me pretendime historike të rreme. Duam apo jo, kjo luan shumë rol sepse sot para botës ke çfarë ofron. Një popull që ke një kulturë, një të shkuar historike, dhe disa vlera për të ndarë. Ne priremi të jemi skeptikë dhe sulmojmë, ndërsa bota pritet të jetë shkencore. ADN e shqiptarëve sot kategorizohet tek kategoria grek, bota ashtu e kategorizon. Nëse pellazgët nuk kanë lidhje me shqiptarët, përjashtohen komplet çamët, edhe epirotët. Emri çamë është që nga koha e pellazgëve. Me gjergjin jam dakord për faktin se ADN e Kosovës me AND e Peleponezit janë njësoj. Studimi i fundit i popullsisë së Greqisë rezulton se Greqia rezulton se popullsia e Greqisë nuk ka grekë, janë arvanitë-ortodoks. Çamët janë dëbuar sepse janë mysliman, spastrimi fetar i Greqisë është fetar, nuk është kombëtar sepse nuk ka komb në Greqi. Përse çamët ortodoksë janë atje? Sepse ishin ortodoks, Greqia nuk ka komb, ka një bashkim fetar.  ADN shqiptare kategorizohet si nga më të vjetrat në Europë dhe e vërtetuar shkencërisht. Në nuk po diskutojmë që nuk kanë ardhur ushtri apo që nuk kanë kaluar të huaj në këto territore, unë po them që pjesa më e madhe e ADN shqiptare vjen nga prehistoria dhe kjo mund të jetë 80 % dhe kjo është një fitore shumë e madhe për ne si popull. Dhe kjo shihet edhe tek ruajtja e traditave e kulturën, gjuha, kanunin e shumë të tjera”, tha ajo

Pas një viti të mbarë në prodhimin e perimeve në sera fermeri 64 vjeçar ,Agron Doko ka nisur sezonin e mbjelljeve të reja . Në një sipërfaqe prej 1,5 ha sera në Zharrëz të Patosit, ai ka nisur mbjelljen e kulturës së domates, lakrës dhe sallatës sipas kërkesave të tregut.

“Deri tani kemi mbjellë domate trangull sezoni që kaloi bëmë kontratën me Spanjën”, tha Agron Doko.

I gjithë prodhimi që do përftohet nga këto sera kanë treg të sigurt, sikundër pohon fermeri. Për gati 3 vjet Doko ka investuar ne serat e reja dhe moderne fale përfitimit nga skemat subvencionuese nga qeveria shqiptare, duke rritur ndjeshëm rendimentin. Vetëm në këtë vit ai ka eksportuar në Spanjë ,150 tonë spec.

Kërkesa që adreson ndaj shtetit është ndalja e futje në treg të pesticideve të ndaluara nga komunitetit evropian.

Sipas statistikave të Drejtorisë së bujqësisë në zonën e Patosit , prodhimi në total për këtë vit llogaritet në  4630 ton perime,  ku gati 60% ka shkuar për eksport.