Ashtu sic e kishin paralajmëruar, opozita do të protestojë ditën e hënë, teksa Këshilli i Mandateve do të shqyrtojë kërkesën e SPAK, për kufizimin e lirisë së ish-kryeministrit Sali Berisha.

Faxnews mëson se protesta do të mbahet në orën 11:30, para Kryesisë së Kuvendit, rreth 30 minuta para se të mblidhet Këshilli i Mandateve

SPAK pak ditë më parë kërkoi autorizimin e Kuvendit, për një masë më shtrënguese se ajo e “Detyrim paraqitje”, në arrest shtëpie ose me burg, sa i takon dosjes Partizani.

Edhe më herët, ish-kryeministri Sali Berisha kishte paralajmëruar për një përshkallëzim të aksionit opozitar, deri në mosbindje civile.

Katër persona përfunduan në prangat e policisë së Tiranës në kuadër të një operacioni të koduar “Drug bar”. Policia sqaroi se të arrestuarit Ardit Hajdari, Enri Dema, dhe Çlirim e Redisi Hyka, bashkëpunim me njëri-tjetrin, shisnin lëndë narkotike në ambientet e një lokali në Kashar.

Njoftimi:

Sektori për Hetimin e Narkotikëve, në bashkëpunim me Sektorin e Forcës së Posaçme për Operacionet Speciale dhe Kërkimin, angazhim maksimal për të garantuar sundimin e ligjit në territor, goditjen e veprimtarive kriminale në fushën e narkotikëve dhe rastet e armëmbajtjes pa leje.

Finalizohet operacioni policor i koduar “Drug bar”.

Vihen në pranga 4 shtetas, të cilët në bashkëpunim me njëri-tjetrin, shisnin lëndë narkotike në ambientet e një lokali në Kashar.

Sekuestrohen qindra doza kokaine, dhjetëra doza kanabisi, 1 armë zjarri pistoletë, 1 peshore elektronike, 5 maska, 4 shkopinj bejsbolli, celularë dhe shuma parash të dyshuara të përfituara nga veprimtaritë e paligjshme.

Shërbimet e Sektorit për Hetimin e Narkotikëve, në bashkëpunim me Sektorin e Forcës së Posaçme për Operacionet Speciale dhe Kërkimin, në vijim të punës për garantimin e sundimit të ligjit, kanë organizuar dhe finalizuar operacionin policor të koduar “Drug bar”, në kuadër të cilit kanë arrestuar shtetasit:

– A. H., 36 vjeç, Ç. H., 52 vjeç, E. D., 27 vjeç dhe R. H., 21 vjeç, të gjithë banues në Tiranë.

Gjatë kontrollit në lokalin e shtetasit A. H., shërbimet e Policisë kanë gjetur dhe sekuestruar 1 armë zjarri pistoletë, 150 doza kokaine, 60 doza kanabisi me THC të lartë, 1 peshore elektronike, 5 maska, 4 shkopinj bejsbolli, celularë dhe shuma parash të dyshuara të përfituara nga veprimtaritë e paligjshme.

Nga verifikimet e kryera ka rezultuar se këta shtetas, në bashkëpunim me njëri-tjetrin, shisnin lëndë narkotike në lokalin e 36-vjeçarit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Në qarkun e Korçës janë rikthyer sërish reshjet e dëborës. Në orët e para të mëngjesit, në zonat e thella malore të juglindjes ka patur reshje bore.

Në lartësitë mbi 1 mijë metër mbi nivelin e detit, reshjet e dëborës kanë qenë me intensitet mesatar.Në rrugët nacionale nuk ka probleme për qarkullimin e mjeteve. Në akset turistike drejt Dardhës dhe Voskopojës tarshesia e borës shkon deri në 5 cm, por rruga është e hapur dhe përshkohet pa vështirësi.

Fier/Goditje të njëpasnjëshme ndaj veprimtarive kriminale që janë fokusi i megaoperacionit “Tempulli”.

Vihen në pranga 2 shtetas dhe procedohet penalisht një tjetër, të cilët shitnin doza kokaine dhe cannabisi, në lagje të ndryshme të qytetit.

Njërit prej të arrestuarve iu gjet dhe një kartëmonedhë false.

Sekuestrohen dozat e kokainës, dozat e cannabisit, një peshore elektronike dhe kartëmonedha false.

Si rezultat i administrimit të shpejtë të informacioneve nga inteligjenca policore, të siguruara në vijim të megaoperacionit “Tempulli”, për 2 raste të shitjes së lëndëve narkotike, në doza, në qytetin e Fierit, specialistët e Seksionit për Hetimin e Narkotikëve të Drejtorisë Vendore të Policisë Fier, në bashkëpunim me shërbimet e Komisariatit të Policisë Fier:

-vunë në pranga shtetasin R. L., 29 vjeç, banues në Fier, pasi kishte me vete dhe në banesë, 20 doza të lëndës narkotike kokainë, të gatshme për shitje dhe 1 peshore elektronike;

-vunë në pranga shtetasin M. S., 31 vjeç, banues në Lushnjë, si dhe referuan materialet në Prokurori ku nisi procedimi në gjendje të lirë për shtetasin A. M., 33 vjeç, pasi në automjetin me të cilin lëviznin këta shtetas, u gjet një sasi lënde narkotike cannabis sativa, e ndarë në doza, të gatshme për shitje. Gjithashtu, 31-vjeçarit iu gjet një kartëmonedhë euro, e dyshuar e falsifikuar.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme

Një efektiv ka qëlluar veten me armën e shërbimit.

Mësohet se ngjarja e rëndë ka ndodhur në rrugën “Babë Rexha” në Tiranë.Sakaq, raportohet se efektivi prej disa vitesh ishte i divorcuar dhe jetonte vetëm.

50-vjeçari kishte probleme me borxhet dhe në kushte të depresionit ka tentuar të vrasë veten.

Aktualisht ndodhet në gjendje të rëndë në spital.

Ndërkohë, grupi hetimor po punon për të zbardhur ngjarjen e plotë.

Vijojnë operacionet dhe bashkëpunimet e sukskeshme me homologët, për kapjen e shtetasve të shpallur në kërkim ndërkombëtar, me rrezikshmëri të lartë shoqërore. 

Finalizohet operacioni policor i koduar “Sant Joan”. 

Si rezultat i bashkëpunimit të FAST Albanias me FAST Spanjën, falë informacioneve të siguruara përmes inteligjencës policore nga Policia e Shtetit dhe shkëmbimit të tyre në kohë, me strukturat e Policisë spanjolle, u bë e mundur kapja e shtetasit me rrezikshmëri të lartë shoqërore Lulzim Berisha. 

Vijon bashkëpunimi me autoritetet spanjolle, për plotësimin e dokumentacionit, me qëllim ekstradimin e këtij shtetasi, në Shqipëri.