Pranga 30 vjecarit ne Fier, kishte përshtatur lokalin, me një sërë pajisjesh që shërbenin për lojëra fati

Fier/Vijon megaoperacioni i koduar “Sundimi i ligjit”, për goditjen e rasteve të organizimit të kundërligjshëm të lojërave të fatit.

Kishte përshtatur lokalin, me një sërë pajisjesh që shërbenin për lojëra fati, arrestohet në flagrancë 30-vjeçari.

Sekuestrohen 7 njësi kompjuterike, lexues dhe printer për biletat e lojërave dhe 41 bileta.

Si rezultat i administrimit të shpejtë të inteligjencës policore, të siguruar në vijim të megaoperacionit “Sundimi i ligjit”, me qëllim parandalimin, konstatimin dhe goditjen e rasteve të organizimit të kundërligjshëm të lojërave të fatit, specialistët për Hetimin e Krimeve Ekonomike dhe Financiare të DVP Fier zbuluan një tjetër lokal të përshtatur për këtë veprimtari të kundëligjshme.

Nga ndërhyrja në ambientet e lokalit, në lagjen “15 tetori”, shërbimet e Policisë kapën në flagrancë dhe vunë në pranga shtetasin S. B., 30 vjeç, banues në Fier, si dhe sekuestruan në cilësinë e provës materiale, 7 njesi kompjuterike, lexues dhe printer për biletat e lojërave dhe 41 bileta, që i shërbenin lojës së fatit “Gara me qen”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Organizimi ose ushtrimi i lojërave të fatit në kundershtim me ligjin”, “Vënia në dispozicion e lokaleve për lojra të palejuara” dhe “Fshehja e të ardhurave”.

angazhimpërkushtimsakrificë👮️🚔

tëvendosurkundërkrimit✅

nëçdoskajtëvendit🇦🇱

nëshërbimtëqytetarëve👮️🤝�🙍️

denonconë112📞 ✅

Shefi i Policise se Qarkullimit te Qarkut Fier njofton masat per drejtuesit e mjeteve per festat e fundvitit

Në kuadër të festave të fundvitit Shefi i Sektorit te Policise se Qarkullimit te Qarkut Fier Altin Dervishi ka dale ne nje deklarate per median duke dhene detaje per planin e masave shtese te uniformave te policise se qarkullimit ne mbarvajtjen e qarkullimit te automjeteve

Nisur edhe nga përvoja e viteve të kaluara si ne aksidente dhe fluks qarkullimi te ndodhura, Policia e Qarkullimit ka vlerësuar si të domosdoshme marrjen e disa masave shtesë, si dhe kalimin e të gjithë strukturave të Policisë në gatishmëri “Shërbim të përforcuar”. Gjate kesaj periudhe synohet monitorimi i qarkullimit të automjeteve, duke shtuar prezencën policore në të gjitha akset rrugore dhe në sheshet kryesore, në përdorimin e mjeteve logjistike si radarë e dragera, në funksion të parandalimit të aksidenteve rrugore;itare, me qëllim shmangien e radhëve të gjata dhe në rast fluksi te automjeteve apo aksidente

Gruaja dhunon në mes të Fierit ish-bashkëshortin, ndërhyn policia

Një ngjarje e pazakontë ka ndodhur pak minuta më parë në qendër të qytetit të Fierit.

Mesohet se ish- gruaja ka dhunuar ish- bashkëshortin e saj duke i bërë presion deri në momentin kur situata ka agravuar dhe qytetarë të shumtë kanë lajmëruar policinë.

Uniformat blu të cilat kanë mbërritur menjëherë në vendngjarje, i kanë shoqëruar të dy në komisariatin e policisë Fier. Ndërkohë, burri pas situatës, raportohet se ka pasur edhe probleme shëndetësore.

Ra nga kati i tretë, humb jetën 25-vjeçarja shqiptare

Një 25-vjeçare shqiptare e identifikuar si Ambra Seferi ka humbur tragjikisht jetën në Itali. Ngjarja e regjistruar dje, ka ndodhur në qytetin e Barcellona Pozzo di Gotto.

Ajo ra nga kati i tretë i një apartamenti. Fatkeqësisht dëmtimet ishin shumë të rënda për të renë, e cila humbi jetën menjëherë në vendin e ngjarjes.

Autoritetet kanë nisur hetimet për të zbuluar rrethanat e kësaj ngjarje të rëndë që ka tronditur komunitetin atje.

Ka dyshime se Seferi ka mbetur jashtë shtëpisë së saj pasi dera ishte mbyllur aksidentalisht. Ndërkohë në shtëpi ndodheshin djali i saj 18 muajsh dhe një dy vjeçare , vajza e një shoku. Për t’u rikthyer brenda, gruaja u përpoq të kalonte përmesçatisë, por humbi ekuilibrin dhe u rrëzua.

Detaje të reja nga vrasja e gruas shtatzënë në Itali, shqiptari nuk pranonte ndarjen

Ekzekutimi i në gruajë shtatzënë në Itali nga një shqiptar ka tronditur komunitetin në Spineda në zonën e Trevisos. 27-vjeçarja Vanessa Ballan, që ishte shtatzënë me fëmijën e saj të dytë, u qëllua me thikë mbi 7 herë në banesën e saj. Goditjet ishin fatale kështu që e reja humbi jetën në vend.

Autori kryesor i dyshuar për këtë vrasje makabre është 40-vjeçari shqiptar nga Suhareka e Kosovës, Bujar Fandi, banues në Altivole, ku punon si shofer kamioni. Ai është arrestuar në pikën kufitare në Slloveni pasi kishte postuar një foto në rrjetin social “Instagram”.

Në bazë të raportimeve të medieve italiane, Vanessa dhe Bujar F. kanë pasur lidhje dashurie që kishte përfunduar në vitin 2022. Por ai nuk e pranonte ndarjen, edhe pse Vanessa është e martuar që prej vitit 2013 dhe ka një fëmijë 5-vjeçar dhe aktualisht priste fëmijën e dytë me bashkëshortin.

Gjithashtu bëhet e ditur se autori vazhdonte ta përndiqte dhe në muajin tetor e kishte kërcënuar e shtantazhuar se do të publikonte në internet foto intime të tyre nga koha kur kishin një romancë dashurie. Hetimet e policisë italiane tashmë e kanë ndërtuar skemën e krimit, ku bëhet e ditur se autori ka thyer një dritare në katin e dytë të shtëpisë, ka hyrë brenda e më pas e ka rrahur para se ta qëllonte me thikë.

Bashkëshorti i saj nuk ka qenë në banesë në momentin e ngjarjes. As djali i vogël 5-vjeçar nuk ishte i pranishëm, pasi ka qenë në kopësht. Vanessa Ballan njihej nga komuniteti në zonën ku banonte, pasi punonte në një supermarket. Njerëzit e kanë cilësuar atë si një vajzë të qetë, punëtore dhe të sjellshme.

Fshehu dënimin në Greqi, SPAK merr të pandehur kryebashkiakun e Kuçovës

Prokuroria e Posaçme ka marrë të pandehur kryebashkiakun e Kuçovës, Kreshnik Hajdari, i cili akuzohet për fshehje të një dënimi në Greqi, kohë kur ishte emigrant i paligjshëm. Hajdari akuzohet për veprën penale të “Falsifikimi i vulave, i stampave ose i formularëve”. Dosja e Hajdarit dërgohet për gjykim në GJKKO.

Njoftimi:

Prokuroria e Posaçme kundër Korrupsionit dhe Krimit të Organizuar, me datë 18.12.2023 ka paraqitur kërkesën për gjykim të procedimit penal nr.80 të vitit 2023, në ngarkim të të pandehurit Kreshnik Hajdari, aktualisht me detyrë Kryetar i Bashkisë Kuçovë, i akuzuar për kryerjen e veprës penale të “Falsifikimi i vulave, i stampave ose i formularëve”, më shumë se një herë, parashikuar nga neni 190/2 i Kodit Penal.

Nga aktet e administruara në kuadër të hetimit të procedimit penal nr.80 të vitit 2023, ka rezultuar se shtetasi Kreshnik Hajdari, duke qenë kandidat për Kryetar i Bashkisë Kuçovë, në zgjedhjet për organet e qeverisjes vendore të zhvilluara me datë 30 qershor 2019, ka patur detyrimin ligjor dhe ka plotësuar formularin e vetëdeklarimit (me datë 11.05.2019), të cilin e ka dorëzuar pranë Komisionit Qëndror të Zgjedhjeve (protokolluar me nr.3222, datë 13.05.2019).

Me vendimin nr.2, datë 20.05.2019, të Komisionit të Zonës për Administrimin Zgjedhor nr. 63, Qarku Berat, është vendosur që shtetasi Kreshnik Hajdari të regjistrohet si kandidat për Kryetar të Bashkisë Kuçovë, në zgjedhjet për organet e qeverisjes vendore të datës 30 qershor 2019. Në përfundim të procesit zgjedhor shtetasi Kreshnik Hajdari është zgjedhur dhe ka fituar mandatin e Kryetarit të Bashkisë Kuçovë, detyrë të cilën e ka ushtruar në vitet 2019-2023.

Në përmbajtjen e formularit të vetëdeklarimit, të datës 11.05.2019, subjekti deklarues, shtetasi Kreshnik Hajdari, ka pohuar se nuk ka qenë ndonjëherë në hetim ose gjykim nga një autoritet i huaj, për kryerjen e një vepre penale, si dhe nuk ka qenë ndonjëherë i dënuar me vendim të formës së prerë nga një autoritet gjyqësor shqiptar ose i huaj.

Po ashtu, shtetasi Kreshnik Hajdari, duke qenë kandidat për Kryetar i Bashkisë Kuçovë në zgjedhjet vendore për organet e qeverisjes vendore të zhvilluara  me datë 14 maj 2023, ka patur detyrimin ligjor dhe ka plotësuar formularin e vetëdeklarimit me datë 26.03.2023, të cilin e ka dorëzuar pranë Komisionit Qendror të Zgjedhjeve (protokolluar me nr.17366, datë 02.04.2023).

Me vendimin nr.5, datë 28.03.2023, të Komisionit të Zonës për Administrimin Zgjedhor nr. 64, Qarku Berat, është vendosur që shtetasi Kreshnik Hajdari të regjistrohet si kandidat për Kryetar të Bashkisë Kuçovë, në zgjedhjet për organet e qeverisjes vendore të datës 14 maj 2023. Rezulton se në zgjedhjet e zhvilluara me datë 14.05.2023, shtetasi Kreshnik Hajdari është rizgjedhur si Kryetar i Bashkisë Kuçovë për vitet 2023-2027.

Në përmbajtjen e formularit të vetëdeklarimit të datës 26.03.2023, subjekti deklarues, shtetasi Kreshnik Hajdari ka pohuar se nuk ka qenë ndonjëherë në hetim ose gjykim nga një autoritet i huaj, për kryerjen e një vepre penale, si dhe nuk ka qenë ndonjëherë i dënuar me vendim të formës së prerë nga një autoritet gjyqësor shqiptar ose i huaj.

Nga aktet e administruara, provat e marra nëpërmjet letërporosisë nga Autoritetet Greke të Drejtësisë, rezulton se shtetasi Kreshnik Hajdari është i dënuar me vendimin e formës së prerë të Gjykatës së Shkallës së Parë Janinë/Gjykata Penale me Një Anëtar, Nr.3286/23-6-1999, me masën riedukuese të qortimit, për shkeljet: Hyrja në territorin grek pa ruajtur formalitetet ligjore përkatëse (shkelje e nenit 4 §§1 dhe 3 të Ligjit 1975/1991).

I pandehuri Kreshnik Hajdari, kishte detyrimin ligjor për të deklaruar tek formulari i vetëdeklarimit këtë rrethanë, në lidhje me dënimin e tij nga një gjykatë e huaj, kjo në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”, si dhe vendimit të Kuvendit nr.17/2016, “Për përcaktimin e rregullave të detajuara mbi zbatimin e ndalimeve të parashikuara në ligjin nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”.

Ky fakt nuk është deklaruar në dy formularët e vetëdeklarimit të datave 11.05.2019 dhe 26.03.2023, duke konsumuar kështu elementët e veprës penale “Falsifikimi i vulave, i stampave ose i formularëve”, më shumë se një herë, parashikuar nga neni 190/2 i Kodit Penal.

Gjenden mbetje kockore njerezore në një gropë djegieje qymyri

Një ngjarje e rëndë është shënuar në Shkodër, ku dyshohet se një 67-vjeçar ka rënë aksidentalisht në një gropë ku digjej qymyr.

Policia bën me dije se rreth orës 22:45, në një gropë të improvizuar për djegie të qymyrit, në fshatin Vilzë, janë gjetur mbetje kockore të djegura, të cilat dyshohet se përkasin shtetasit Q. L.

Nga hetimet e deritanishme dyshohet se i moshuari  ka rrëshqitur aksidentalisht në gropë, gjatë mbrëmjes së djeshme, teksa aty po digjej qymyr.

Grupi hetimor, në drejtimin e Prokurorisë, vijon punën për sqarimin e rrethanave të kësaj ngjarjeje.

Migrimi i brendshëm po “zbraz” qarqet, popullsia e 9 rretheve iku drejt Tiranës dhe Durrësit më 2022

Shumica e qarqeve të vendit 9 prej 12 gjithsej janë duke vuajtur rënien e popullsisë edhe nga emigrimi i brendshëm, përveç ikjes jashtë vendit dhe rënies së lindjeve.

INSTAT raportoi se në vitin 2022 migrimi brenda Shqipërisë ka një ndikim të rëndësishëm në popullsinë e njësive administrative.

Në vitin 2022, në nivel qarku, vetëm Tirana, Durrësi dhe Vlora kishin një migrim të brendshëm neto pozitiv (më shumë të ardhur se sa të larguar), respektivisht me 7.366 Tirana, 1.182 Durrësi dhe 239 Vlora (të ardhur më shumë se sa të larguar).

Sipas të dhënave zyrtare të INSTAT, të gjitha qarqet e tjera ( Berati, Dibra, Elbasani, Fieri, Gjirokastra, Korça, Kukësi, Lezha, Shkodra,) kanë pasur migracion të brendshëm neto negativ gjatë vitit 2022.

Në veçanti qarqet e Dibrës dhe Elbasanit me -1.822 dhe -1.283 respektivisht.

Një tregues tjetër, koeficienti bruto i migracionit të brendshëm neto tregon ndikimin që ka migracioni i brendshëm në popullsinë e qarqeve të veçanta. Tirana, Durrësi dhe Vlora ishin qarqet e vetme me koeficient bruto të migrimit të brendshëm neto pozitiv, me një shtesë prej 8,0 për Tiranën dhe 4,1 për Durrësin dhe 1,3 për Vlorën (persona për një mijë banorë) respektivisht.

Qarqet e Dibrës dhe Gjirokastrës kishin nivelet më të ulëta të koeficientit bruto të migracionit të brendshëm neto, përkatësisht me -16,9 dhe -12,1 i ndjekur nga qarku i Kukësit me -10.4 (persona për një mijë banorë) respektivisht.

Në vitin 2022, bashkia me migracionin e brendshëm neto më të lartë ishte Tirana, me një vlerë prej 6.004 të ardhur më shumë se sa të larguar, ndërsa bashkia me migracionin e brendshëm neto më të ulët ishte Dibra, me 744 të larguar më shumë se të ardhur.

Popullsia e Shqipërisë ka ardhur duke u zvogëluar që nga viti 2001, megjithëse jo të gjitha qarqet kanë ndjekur këtë prirje.

Popullsia mesatare e Shqipërisë u pakësua nga 2.811.666 banorë më 2021 në 2.777.689 banorë në 2022. Në vitin 2022, qarku me popullsinë mesatare më të madhe në Shqipëri ishte i Tirana me 922.386 banorë, i ndjekur nga qarku i Durrësit me 290.561 banorë. Në të njëjtën kohë, dy qarqet me popullsinë mesatare më të vogël në vitin 2022 ishin  Gjirokastra dhe Kukësi, respektivisht me 54.296 dhe 72.133 banorë.

Gjatë vitit 2022, vetëm popullsia e qarku të Tiranës është rritur, ndërsa të gjitha qarqet e tjera kishin një normë negative të rritjes së popullsisë.

Qarku i Tiranës ka pasur nivelin më të lartë të rritjes së popullsisë mesatare gjatë vitit 2022, pasi u rrit me 0,7% krahasuar me vitin 2021. Nga ana tjetër, qarku me normën më të ulët të rritjes së popullsisë mesatare ishte ai i Gjirokastrës, me –4,2%, gjatë vitit 2022./MONITOR

1...372373374...416Faqja 373 nga 416