Zjarri vijon të djegë qendrën tregtare

I gjithë shërbimi  zjarrfikës i Tiranës është nisur drejt Lushnjes, për t’u ardhur në ndihmë forcave zjarrfikëse atje në shuarjen e zjarrit të madh që ka përfshirë katet e par,a që shërbejnë si qendër tregtare, të një godine 12-katëshe.

Deri më tani nuk dihen numri i saktë i personave që janë evakuuar, ndërsa dyshohet se në banesa mund të ketë persona që kanë mbetur të bllokuar ose të asfiksuar  nga  tymi.

Dyshohet se fillimisht zjarri ka rënë në një njësi që tregtonte këpucë në këtë qendër, e cila ka qenë e mbyllur. Më pas flakët janë përhapur në të gjithë qendrën, që sot më shumë se ditët e tjera, për shkak të festave, ka qenë e mbipopulluar.

Ndërkohë disa persona janë transportuar në spital, me shenja asfiksimi.

Zjarr në një qender tregtare në Lushnjë, evakuohen klientët

Një qendër tregtare është përfshirë nga zjarri në qytetin e Lushnjës.

Zjarri shpërtheu në katin e tretë të qendrës. Dhjetëra njerëz janë nxjerrë me urgjencë dhe është evakuuar ndërtesa. Ambulancat dhe zjarrfikësit kanë shkuar në vendin e ngjarjes.

Ende nuk dihet shkaqet e këtij zjarri, ndërsa policia ka shkuar në vendin e ngjarjes.

Lushnjë/Informacion paraprak

Rreth orës 14:40, njoftohemi se në Qëndrën Tregëtare “Metropol” në qytetin e Lushnjës ka rënë zjarr.

Shërbimet e Komisariatit të Policisë Lushnjë dhe Forca e Posaçme “Shqiponja” kanë shkuar në vendngjarje dhe po marin masa për evakuimin e qytetarëve dhe banorëve në qëndrën tregëtare.

Janë dërguar edhe forcat e sigurisë kombëtare në mbeshtetje të Policisë Vendore për evakuimin e qytetarëve.

Shërbimet zjarrëfikëse ndodhen në vendngjarje dhe po punojnë për shuarjen e flakëve.

Eshtë ngritur një grup i posaçëm hetimor dhe në drejtimin e Prokurorisë, po punohet për zbardhjen e rrethanave të rënies së zjarrit.

Aksident ne Fier-Levan, permbyset makina ne rruge, plagoset shoferi

Nje aksident ka ndodhur mesditen e kesaj te hene ne aksin Fier Levan ne vendin e quajtur çesma e levanit. Nje mjet i tipit wolsvagen ka humbur kontrollin dhe ka rene ne kanalin anes rruges ku ka perfunduar i permbysur. Per pasoje eshte plagosur drejtuesi i mjetit i cili eshte shoqeruar per ne spitalin rajonel te Fierit.nga aksidenti jane krijuar radhe te gjata te trafikut. Nevendgjarje ka mberritur policia per rregullimin e trafikut dhe zbardhjen e shkakut te aksidentit.

Fier-Qelluan me arme drejt nje berberane, arrestohet nje prej autoreve

Fier/Zbardhet ngjarja e ndodhur ditën e djeshme, në Fermë Çlirim, ku u qëllua me armë zjarri në drejtim të berberhanes së shtetasit B. K.

Arrestohet në flagrancë njëri prej autorëve të dyshuar, punohet për kapjen e tjetrit.

Sekuestrohet automjeti me të cilën u larguan autorët, pasi qëlluan me armë zjarri, për motive të dobëta.

Në vijim të veprimeve hetimore dhe punës së pandërprerë për zbardhjen dhe dokumentimin e ngjarjes së ndodhur ditën e djeshme, në Fermë Çlirim, ku u qëllua me armë zjarri në drejtim të berberhanes së shtetasit B. K., 33 vjeç, shërbimet e Policisë, me mbështetje të inteligjencës policore, bënë të mundur arrestimin e njërit prej autorëve të kësaj ngjarjeje, shtetasin N. M. (M), 22 vjeç dhe po punojnë për kapjen e shtetasit G. H.(M)., 33 vjeç, banues në Fermë Çlirim.

Këta shtetas, pas një konflikti për motive të dobëta, ndodhur kohë më parë, me shtetasin E. K., 30 vjeç, klient në berberhanen e shtetasit B. K., kanë qëlluar me armë zjarri në drejtim të këtij dyqani dhe më pas janë larguar me automjetin tip “ML”, i cili u gjet i braktisur në fshatin Baltëz.

Në drejtimin e Prokurorisë vijon puna për kapjen e shtetasit G. H.(M). dhe për dokumentimin e plotë të rrethanave të ngjarjes.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprat penale “Vrasja me dashje”, mbetur në tentativë, kryer në bashkëpunim dhe “Prodhimi dhe mbajtja pa leje e armëve të zjarrit dhe municionit luftarak”.

Me shokët për të festuar Krishtlindjet, si u vetëhodh nga pallati i riu

Zbardhen të tjera detaje nga ngjarja e rëndë në Korçë, ku një i ri është hedhur nga tarraca e një pallati dhe për pasojë ka gjetur vdekjen. Ngjarja ndodhi në lagjen 17 të qytetit të Korçës.

Gazetarja Lorena Kodra raporton për BalkanWeb se 18-vjecari, nga Durrësi, kishte shkuar bashkë me një grup shokësh për të festuar Krishtlindjet në Korçë dhe kishin marrë një dhomë me qira ditore. Pasi kishin festuar përgjatë gjithë natës me alkool në një lokal, të rinjtë ishin kthyer në banesën me qira.

Nga hetimet paraprake ka dyshime se gjatë kohës që shokët ishin në gjumë, i riu nën ndikimin e alkoolit kishte hipur në tarracën e pallatit 8 katësh dhe ishte vetëhedhur nga lartësia dhe për pasojë humbi jetën. Ndërkohë, në polici janë shoqëruar dhe shokët e tij, të cilët po merren në pyetje për të hedhur ditë më shumë mbi ngjarjen.

Qyteti më i ftohtë në planet

Siberia njihet për klimën e saj të ftohtë, por ekziston një qytet atje i cili numëron 336.200 njerëz dhe që njihet si qyteti më i ftohtë në botë. Bëhet fjalë për Yakutsk.

Sipas mediave të huaja temperatura minimale ekstreme e regjistruar ndonjëherë është -64,4 gradë Celsius në shkurt të vitit 1891, por banorët këmbëngulin se aty kanë përjetuar ditë akoma dhe më të ftohta pavarësisht se nuk kanë mundur dot ta matin me saktësi.
Ajo është një zonë me ngrica të përhershme, pavarësisht se për shkak të ngrohjes globale vërehet një rritje e lehtë e temperatuarave dhe moti në -50 gradë Celsius vitet e fundit ka qenë i rrallë. Po ashtu edhe intensiteti i akullit dhe i të ftohtit është ulur ndjeshëm.

Dimrat në Yakutsk janë jashtëzakonisht të gjatë dhe të ftohtë, ndërsa verërat janë të shkurtra dhe të nxehta (në krahasim me temperaturat në Siberi). Vihet re se dimri zgjat nga tetori deri në maj.

Zbuloni se ku do t’i kalojnë pushimet shqiptarët

Uria” dhe tendenca për të udhëtuar në ditët e pushimit ka ndikim në industrinë e turizmit, duke nxitur zhvillimin e ofertave dhe eventeve të veçanta për shqiptarët që kërkojnë një eksperiencë të paharrueshme për fundvit. Hotele, restorantet dhe agjencitë turistike janë përshtatur për të ofruar paketa dhe shërbime të personalizuara që i përshtaten nevojave dhe pritshmërive. Këtë vit vihet re një rritje e lehtë e çmimeve, si dhe udhëtarët që organizojnë çdo gjë vetë, janë në rritje…

Alternativat turistike në shërbim të shqiptarëve janë duke u shtuar gjithnjë e më shumë dhe kjo ka nxitur prej disa vitesh gjetjen e ofertave, sipas buxhetit, për secilin udhëtar.

Menjëherë pas festave të nëntorit, agjencitë turistike në kryeqytet thonë se nisi interesi për udhëtime për fundvit. Një pjesë e mirë e shqiptarëve kanë rezervuar më herët për festat e fundvitit dhe kjo ka ndodhur, kryesisht për destinacione më të largëta, megjithatë agjencitë raportojnë që ka gjithnjë  udhëtarë “në minutë të fundit”.

Zgjedhjet flasin për të njëjtat tendenca si vitet e mëparshme: rajoni për ski, sërish rajoni për natën e ndërrimit të viteve e deri te destinacionet ekzotike, ku një përqindje e ulët u lejojnë vetes luksin e 10 ditëve pushime, nga 29 dhjetor në 7 janar.

Agjencitë turistike në Tiranë përmendin edhe një tjetër fenomen të viteve të fundit. Me rritjen e përdorimit të teknologjisë, përqindja e udhëtarëve është më e vështirë të përllogaritet, duke marrë në konsideratë se një pjesë e mirë e tyre i presin biletat dhe hotelet vetë, jo më nëpërmjet një agjencie turistike.

Edhe këtë vit, në preferencat e shqiptarëve, mbizotëron rajoni: Mavrovë, Kolashin, Brezovicë me një paketë 3-4 ditore, të gjitha të përfshira, duke i shtuar edhe sportin e preferuar të skive, që u mungon në atdhe.

Këtë vit, çmimet janë të favorshme në Stamboll, një tjetër destinacion i lakmuar, sidomos për mbrëmjet gala.

Rajoni

Thuajse në të gjitha festat që shqiptarët kërkojnë të lëvizin jashtë, alternativa e parë që i vjen në mendje është rajoni. Arsyeja është çmimi, siç argumentojnë agjencitë turistike, por edhe afërsia.

Me një avantazh të tillë dhe me organizime të mira për festa, Mali i Zi, Kroacia, Maqedonia e Veriut kanë pasur rezervime të shumta nga shqiptarët, për pushimet e fundvitit.

Faktor kyç, sipas agjencive është afërsia, sidomos për familjet, edhe me fëmijë, që mund të zgjedhin të udhëtojnë me makinën e tyre drejt këtyre destinacioneve.

Infrastruktura e mirë dhe çmimi i leverdishëm e ka vendosur Malin e Zi dhe Maqedoninë e Veriut, me resortet e tyre të skive, në listën kryesore. Edhe Brezovica ka qenë e kërkuar, si dhe zona malore e Prizrenit, Prevallë etj. Nga agjencia Union Travel thonë për “Monitor” se çmimi i lirë i josh shqiptarët jo vetëm për festat e fundvitit, por për të gjithë ditët e pushimit të tyre.

Ata zgjedhin rajonin për darkën e ndërrimit të viteve, kryesisht në Budva apo Dubrovnik. Edhe Greqia ka kërkesa, pohojnë agjencitë, por këtë vit kanë qenë më të dobëta. Megjithatë, jashtë shifrave zyrtare të agjencive, raportohen kërkesa për Athinën, pas vendosjes së linjës direkte me kosto të ulët.

Nga agjencia Kalemi Travel and Tours pohojnë se udhëtimet me autobusë në rajon, sidomos Selaniku dhe Stambolli, ndryshe nga vite më parë, nuk janë më të preferuara. Shqiptarët kërkojnë të udhëtojnë me avion ose makinë, sipas destinacioneve që kanë buxhetet e tyre.

Ndërsa Matias Travel and Tours pohon se Budva preferohet shumë për fundvit, për të cilën pyesin: “Çfarë festë organizohet dhe me cilët këngëtarë?” dhe më pas, për çmimin dhe hotelin.

Sipas të gjithë agjencive të kontaktuara, çmimet në rajon këtë vit kanë pësuar rritje të lehtë dhe variojnë nga 139 euro dy ditë deri në 450 euro maksimumi.

Europa

Eksplorimi i destinacioneve europiane për festat e fundvitit është bërë një preferencë e njohur midis shqiptarëve, duke sjellë një freski dhe magji të veçantë në mënyrën se si ata festojnë fundin e vitit.

Qytete të njohura si Parisi, Vjena dhe Roma janë shpesh destinacionet e para që vijnë në mendje për shumë udhëtarë. Këto metropole ofrojnë një bukuri arkitekturore, si dhe evente festive në sheshet dhe bulevardet e tyre kryesore.

Ndërkaq, për ata që e preferojnë natyrën dhe stilin e jetesës më të qetë, Alpet zvicerane janë një tjetër destinacion i preferuara për të kaluar fundvitin.

Sipas komunikimeve me agjencitë në kryeqytet, vëmendje të veçantë ka pasur Vjena, Kolmari, Praga, Amsterdami, Bukureshti dhe Parisi , ndër prenotimet e fundjavës së Krishtlindjeve.

Çmimet për këto destinacione raportohen në rreth 170 euro mesatarisht për person, 2netë. Ndërsa një udhëtim tjetër i preferuar është Milano-Como-treni St.Moritz, me trenin Bernina që udhëtohet nga Italia drejt Alpeve të Zvicrës, me një kosto rreth 350 euro për përson, për 3 netë.

Një aspekt i rëndësishëm i kësaj tendence drejt Europës është edhe diversiteti i zgjedhjeve. Nëse disa shqiptarë zgjedhin qytete të mëdha evropiane për të festuar me stil dhe elegancë, të tjerë preferojnë qytete bregdetare si Barcelona, Nica, apo Venecia, ku klima e butë ofrojnë një eksperiencë të veçantë festive.

Destinacionet e “nxehta”

Në krye të prenotimeve është Dubai. Dikur, pohojnë agjencitë, ishte një nga destinacionet më të shtrenjta, por prej tre vitesh, çmimet kanë pësuar ulje të lehtë, prej vendosjes së linjës direkte të fluturimit nga Tirana. Paketat për këtë destinacion variojnë rreth 550 euro për person, 5 ditë. Kërkesat janë kryesisht për data si 02-07 janar 2024.

Risia e viteve të fundit

Eksplorimi i rajoneve të panjohura dhe të magjishme, si Lapland dhe qyteti i Rovaniemit, ka bërë që shqiptarët të kthehen nga destinacionet e zakonshme dhe të zgjedhin një aventurë të re në vendet që dikur shiheshin si më shumë legjenda se sa realitet.

Një ndjenjë misteri dhe kurioziteti, e mbështetur nga një paketë e veçantë që po qarkullon në shumë agjenci, po shtyn shqiptarët drejt këtyre destinacioneve të njohura për natyrën e tyre të veçantë dhe historinë e pasur.

Lapland, me peizazhet e saja të bardha, është bërë tërheqës për ata që dëshirojnë të përjetojnë një festë të fundvitit më ndryshe. Në këtë rajon të Laponisë së Finlandës, vendi i famshëm i Babagjyshit dhe i Elfëve dhe ku slitat tërhiqen nga Husky-t, po bëhet një destinacion i preferuar për familjet dhe çiftet që kërkojnë një përvojë të jashtëzakonshme festive.

Rovaniemi, qyteti kryesor i Laplandës dhe vendi ku ndodhet ‘zyra’ zyrtare e Babagjyshit, është një qytet i vogël por i shpërndarë me mrekulli natyrore dhe atmosferë festive.

Një varg aktivitetesh dhe eventesh specifike, përfshirë qendrën e qytetit të shndërruar në “Vilën e Babagjyshit,” ka bërë që ky destinacion të nisë të jetë i preferuar.

Kjo tendencë e zgjedhjes së destinacioneve në rajone të panjohura ka një ndikim thelbësor në mënyrën se si shqiptarët po e shohin aventurën dhe festën e fundvitit, por domosdoshmërisht edhe në ‘kuletën’ e tyre.

Sipas agjencive, ky udhëtim ka një kosto që fillon nga 899 euro për person, për 4 netë. MONITOR

Shperthim tritoli ne nje banese ne Lushnje

Shperthim tritoli ne nje banese ne Lushnje.Shperthimi rreth ores 21 e 45.Nuk raportohet per te lenduar por vetem deme materiale.Per te treten here, ne lagjen 18 tetori , ne nje banese private .

Lushnjë /Informacion paraprak

Rreth orës 22:00, në lagjen “18 Tetori”, Lushnjë, pranë banesës së shtetases R. T.,(e cila është e pabanuar), është hedhur një sasi e vogël lëndë plasëse. Si pasojë janë shkaktuar dëme materiale.

Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes.

Po kqyren kamerat e po vijon kontrolli i zonës nga shërbimet e Policisë për të bërë të mundur identifikimin dhe kapjen e autorit/ve

1...366367368...417Faqja 367 nga 417