Shtyhet gjyqi për ish-kryeministrin

Shtyhet gjyqi për ish-kryeministrin Sali Berisha.

sot parashikohej te jepej vendimi për ish-kryeministrin Sali Berisha, për të cilin është kërkuar nga SPAK një masë më e fortë, ajo të arrestit. Do të jetë Gjykata e Posaçme e Shkallës së Parë për Korrupsionin dhe Krimin e Organizuar do të vendosë mbi fatin e deputetit Berisha, ndërkohë dy avokatët e ish-kryeministrit Genc Gjokutaj dhe Sokol Mëngjesi, janë paraqitur në seancë.

Pas miratimit të autorizimit nga Kuvendi për heqjen e lirisë së Sali Berishës, SPAK iu drejtua Gjykatës më datë 22 dhjetor duke i kërkuar ashpërsimin e masës së sigurisë për ish-kryeministrin, i cili po hetohet nën dyshimet për korrupsion në privatizimin e ish-klubit sportiv “Partizani”.

Në kërkesën drejtuar GJKKO, Prokuroria e Posaçme kërkon masën “arrest shtëpie”. Ligji i jep 5 ditë Gjykatës, për të marrë në shqyrtimin kërkesën e SPAK dhe gjyqtarja Irena Gjoka pritet që në seancën gjyqësore të së martës të thërrasë për të dëgjuar palët, nga njëra anë prokurorët e SPAK dhe nga ana tjetër personin nën hetim Sali Berisha dhe avokatët e tij.

Shumicë eurosh, raporti i mbulimit të borxhit 333.8% 

Si kurrë më parë, për shkak të mbiccmimit të lekut, si dhe rezervave shumë të larta valutore, Qeveria po i gëzohet parametrave shumë të mirë të shërbimit të borxhit të jashtëm. Treguesit e aftësisë ripaguese afatgjatë të borxhit të jashtëm kanë vijuar të përmirësohen ndjeshëm edhe gjatë gjysmës së parë të vitit 2023. Rritja e eksporteve dhe të ardhurave fiskale ka qenë faktori kryesor në këtë ecuri. Kështu, raporti ndërmjet borxhit të jashtëm bruto dhe eksportit vjetor të mallrave dhe shërbimeve vlerësohet në 115.1%, nga niveli 136.8% një vit më parë.

Gjithashtu, raporti i borxhit të jashtëm ndaj të ardhurave fiskale u pakësua në 183.0% nga 213.9% një vit më parë. Raporti i stokut të borxhit të qeverisë ndaj të ardhurave fiskale u ul në 91.7% nga 105.2% një vit më parë.

Ndërkohë që është treguesi i mjaftueshëmrisë së likuiditetit ai që më shumë nga treguesit e tjerë reflekton situatën e favorshme që po përjeton qeveria sa i takon borxhit të jashtëm. Sipas të dhënave zyrtare të Bankës së Shqipërisë, stoku i rezervës valutore mbulon 333.8% të borxhit të jashtëm afatshkurtër në fund të tremujorit të dytë 2023, duke dëshmuar për mjaftueshmëri në përballimin e detyrimeve afatshkurtra. Raporti mes borxhit afatshkurtër dhe rezervës valutore prej 333.8%, është dukshëm mbi pragun kritik prej 100%.

Stoku i borxhit të jashtëm bruto të Shqipërisë shënoi 10,1 miliardë euro në fund të gjashtëmujorit të parë të vitit 2023, me një rritje rreth 3.2%. Zgjerimi është kryesisht nga rritja e borxhit të “Qeverisë së Përgjithshme” në tremujorin e dytë të vitit 2023, kur u emetua Eurobondi. Borxhi i jashtëm vlerësohet në nivelin 52.4% ndaj PBB-së nominale, raport ky rreth 7.9 pikë përqindje më i ulët.

/SCAN

Nis marrja e ADN-ve të të burgosurve që do të përfitojnë nga amnistia

Teksa parlamenti ende nuk e ka votuar amnistinë në burgje, por që është miratuar nga Qeveria ku përfitojnë 700 të dënuar nga kjo e hënë ka nisur marrja e mosntrave të ADN.Do jenë dy forma të marrjes së ADN-ve: Nëpërmjet pështymës dhe fijes së flokut.

Këto monstra do t’i dërgohen Policisë Shkencore për të pasur si data basë më qëllim indetifikim nëse rezultojnë të përfshirë në krime të tjera.

Për këtë proces Policia e Shtetit ka shprehur gadishmëri në sigurimin e tamponëve dhe të gjithë procesit.

Rreth 20 familje të prekura nga zjarri, do të akomodohen në konviktet e qytetit dhe banesa me qira

Në kompleksin Metropol Center në Lushnje, që u përfshi nga zjarri mesditën e së hënës, janë 90 apartamente, ku pjesa më e madhe e tyre janë familje emigrantësh. Gazetari Ervin Leka raporton se aktualisht janë rreth 20 familje që jetojnë në këto apartamente, të cilët janë strehuar tek të afërmit.

Sipas kryetares së bashkisë së Lushnjes, Eriselda Sefa ata do të akomodohen tek konviktet e qytetit që po bëhen gati për të pritur banorët, banesat e të cilëve janë dëmtuar. Siç shtoi kryebashkiakja, do të merren gjithashtu edhe banesa me qira, që do të paguhen nga bashkia e Lushnjes.

“Është në objekt për të fikur vatrat e fundit që të mos kemi rindezje. Të gjithë familjet e evakuuara, pasi morën shërbimin mjekësor, pas orës 1, janë larguar tek të afërmit. Stafi i bashkisë po kontakton me çdo familje që do të kenë nevojë për akomodim. Kemi bërë gati konviktin e shkollës mekanike. Në rast nevoje do të marrim edhe banesa me qira, pagesat do t’i paguajë bashkia.”, tha kryebashkiakja.

Greqi-Shqiptari qellon me arme nje makine, kapet nga policia

Një ngjarje e çuditshme është regjistruar mbrëmjen e së dielës në Kretë, me protagonist një shqiptar.
Sipas burimeve policore, autori i dyshuar i ngjarjes është një burrë nga Shqipëria, i cili ka qëlluar me armë zjarri në drejtim të një makine të parkuar në zonën e “Kainourgias Portas”. Makina u godit në pjesën e pasme nga plumbat e armës që mbante ai.

Ngjarja është denoncuar nga pronarët e makinës dhe policia ka identifikuar dhe arrestuar autorin e dyshuar pasditen e djeshme 

Sipas burimeve policore, ajo që ai ka pohuar në deklaratën e tij, përveçse ka pranuar atë që ka bërë, është se ka dashur të testojë armën për të parë nëse do të shkrepë, duke shkaktuar atë që ka ndodhur.
Mirëpo, pas ngjarjes me makinën, ky person tentoi të kryente një grabitje në një dyqan, por nuk ia doli dhe u arrestua sot nga policia.

Shuhet zjarri në qendrën tregtare në Lushnjë pas 10 orë përpjekje

Qyteti i Lushnjës përjetoi momente tmerri  të hënë pasi një qendra tregtare “Metropol” u përfshi nga flakët.

Zjarrfikëset si dhe ekipet e tjera të shpëtimit luftuan me flakët me orë të duke bërë të mundur shuarjen e tyre dhe nxjerrjen prej andej të qytetarëve, të cilët kishin mbetur të izoluar në qendër si pasojë e flakëve dhe tymit.

Ne ndihmë shkuan dhe një numër i madh zjarrfikësish të ardhur nga Qarku Fier, Tiranë, Durrës, Vlorë, Elbasan e Berat.Fatmirësisht nuk kishte humbje në jetë njerëzish. Qendra tregtare ndodhej mes dy godinave 12 katëshe, katet e sipërme të të cilave funksiononin si apartamente banimi

Evakuohen banorët e godinave pranë nga zjarri ne Lushnje

Flakët kanë pushtuar sërish disa pjesë të pallatit 12-katësh në qytetin e Lushnjes, i cili prej shumë orësh po përballet me zjarrin duke nxjerrë situatën jashtë kontrollit.

Mesohet se edhe ushtria ka ardhur në ndihmë për shuarjen e flakëve përveç forcave zjarrfikëse  nga Tirana, Durrësi, Fieri, Elbasani, etj.

Po ashtu raportohet se banorët e pallateve ngjitur me godinën e përfshirë nga flakët janë evakuuar, ndërsa flakët kanë djegur tërësisht katin e katërt të qendrës tregtare, ku ndodheshin disa biznese.

zjarri ka marrë përmasa të konsiderueshme në një pjesë të godinës, ndërsa autoritetet vijojnë betejën për shuarjen e flakëve të riaktivizuara.

Rindizet zjarri në Lushnje, flakët përfshijnë 2 kate të pallatit

Pas riaktivizimit të një prej vatrave në pallatin 12-aktësh që u përfshi nga flakët sot në Lushnje, situata është vështirësuar sërish.

Mesohet se vatra e riaktivizuar ka marrë përmasa të mëdha.

Mësohet se flakët tanimë kanë përfshirë dy kate, më konkretisht të tretin dhe të katërtin.

1...365366367...417Faqja 366 nga 417