Fier/Informacion paraprak

Rreth orës 19:20, në vendin e quajtur “Ish globi”, në qendër të qytetit të planizuar me shërbim, shërbimet e Policisë kishin bllokuar një segment rrugor për zhvillimin e një koncerti.

Shtetasi D. B, 26 vjeç duke drejtuar një automjet tip “Volkswagen” është afruar te punonjësit e Policisë dhe ka tentuar të futet në rrugën e bllokuar.

Punonjësit e Policisë nuk e kanë lejuar të futet brenda perimetrit të sigurisë dhe në atë momentet shtetasi D. B., ka dalë nga automjeti dhe ka qëlluar me grushte në fytyrë duke i shkaktuar dëmtime të rënda në fytyrë dhe në gojë.

Inspektor Sh. J., në kushtet e vetëmbrojtjes ka qëlluar me armën e shërbimit duke e plagosur në këmbë shtetasin D. B.

Menjëherë pas marrjes së njoftimit kanë ndërhyrë shërbimet e Policisë të cilët kanë dërguar menjëherë për në spital për ndihmë mjekësore shtetasin D. B., i cili ndodhet jashtë rrezikut për jetën.

Ndërkohë është shoqëruar në spital për ndihmë mjeksore dhe punonjësi i Policisë, shtetasi Sh. J. dhe pas marrjes së ndihmës mjekësore është shoqëruar në Komisariatin e Policisë për veprime të mëtejshme.

Të gjitha veprimet po kryhen nga Agjensia e Mbikëqyrjes Policore në drejtimin e Prokurorisë për shmangur konfliktin e interesit.

Në përfundim të veprimeve hetimore, AMP do të japi informacion të zgjeruar në lidhje me këtë ngjarje.

Nje ngjarje e rende ka ndodhur ne qender te Fierit. Ne nje konflikt me patrullen e policise nje person ka mbetur i plagosur. Mesohet se efektivii i policise qe ka qene ne patrulle ne krye te detyres eshte konfliktuar dhe me pas ehste sulmuar nga nje shtetas nga Levani dhe pasi grindja ka agravuar dhe efektivi i policise eshte goditur dhe grushr prej te riut , efektivi i patrulles se policise Sh.J ka nxjerre armen e sherbimit dhe ka plagosur te riun ne gjymtyret e poshtme.nuk dihet ende motivi i ketij sherri mes efektivit dhe te riut nderkohe qe i plagosuri eshte derguar ne spital per te marre ndihmen mjekesore.policia ndodhet ne vendngjarje dhe po kryhen ekspertizen hetimore

SPAK ka kryer ditën e sotme kontrolle në disa kompani farmaceutike, mes të cilave farmacia “Ditë Natë” dhe  “Delta Farma”. Lajmi konfirmohet për BalkanWeb nga gazetarja Klodiana Lala, ndërsa mësohet se hetimi po udhëhiqet nga prokurorja Elida Kaçkini.

Mësohet se ky kontroll vjen në kuadër të hetimit pasuror që po kryhet për ish-ministrin Ilir Beqaj.

Kujtojmë se SPAK e akuzon Beqajn për shpërdorim detyre për koncesionin e sterilizimit, ndaj Prokuroria e Posaçme zyrtarizoi hetimin për ish-ministrin e Shëndetësisë, lidhur me koncesionin e sterilizimit të pajisjeve kirurgjikale, kontrata koncesionare 10-vjeçare afro 100 milionë dollarëshe, e cila u firmos në dhjetor 2015 dhe ende vijon.

Prokuroria e Posaçme bëri me dije se ish-ministri ka konsumuar veprën penale të shpërdorimit të detyrës në lidhje me procedurat e ndjekura për koncesionin e sterilizimit të pajisjeve kirurgjikale me vlerë 100 milionë euro.

Kështu, sipas hetimeve të zhvilluara deri në këtë fazë, ish-ministri akuzohet për shkelje të barazisë në tendera apo ankande publike.

Një 39-vjeçar është gjetur i pajetë në banesën e tij në Durrës. Sic njofton policia, dyshohet se 39-vjeçari është vetëvarur.

Grupi hetimor ndodhet në vendngjarje dhe po punon për sqarimin e rrethanave.

Njoftimi i policise:

Durrës/Informacion paraprak

Rreth orës 09:10, në banesën e tij, në lagjen nr.7, është gjetur nga familjarët, dyshohet i vetëvarur, shtetasi D. Sh., 39 vjeç.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Roskovec, Fier

Nga kontrollet e përditshme në subjektet ekonomike në qark, Policia konstaton se në një dyqan në Roskovec, shiteshin lëndë piroteknike të kontrabanduara.

Procedohet penalisht pronari i dyqanit. Sekuestrohen kuti me fishekzjarrë.

Në kuadër të punës së vazhdueshme të Policisë, për parandalimin dhe goditjen e veprimtarisë së kundërligjshme të shitjes së mallrave/produkteve që kanë hyrë ilegalisht në vendin tonë, specialistët e Seksionit për Hetimin e Krimeve Ekonomiko-Financiare të DVP Fier po kryejnë përditë kontrolle në subjekte ekonomike të ndryshme.

Si rezultat, specialistët konstatuan se në një dyqan në lagjen nr. 2, Roskovec, shiteshin lëndë piroteknike të dyshuara të kontrabanduara dhe se fshiheshin të ardhurat e përfituara nga ky biznes.

Për këto paligjshmëri u referuan materialet në Prokurori ku nisi procedimi në gjendje të lirë për pronarin e dyqanit, shtetasin A. K., 37 vjeç, banues në Roskovec. Shërbimet e Policisë gjetën në dyqan, dhe sekuestruan në cilësinë e provës materiale, disa kuti me fishekzjarrë.

Materialet procedurale i kaluan Prokurorisë pranë Gjylatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Tregtimi dhe transportimi i mallrave që janë kontrabandë” dhe “Fshehja e të ardhurave”.

Një aksident i rëndë automobilistik me pasojë vdekjen e 4 personave ka ndodhur të enjten në Itali.

Një ambulancë është përplasur me një autobus ku brenda kishte fëmijë. Ngjarja ndodhi brenda një tuneli që lidh Urbinos dhe Fermignano, shkruajnë mediat italiane.

Nga përplasja ka marrë flakë ambulanca. Aktualisht janë 4 viktima të konfirmuara dhe të gjithë po udhëtonin brenda ambulancës që mori flakë.Shqiptari Sokol Hoxha 40-vjeç me profesion mjek ,është një prej  katër viktimave të aksidentit tragjik që ka ndodhur sot në Itali ku një ambulancë është përplasur me një autobus në një tunel.

Sipas informacioneve, të gjithë fëmijët në autobus nuk pësuan lëndime, edhe pse në gjendje shoku. Dy fëmijë të moshës 3 dhe 8 vjeç që ndodheshin në autobus u dërguan në spital për kontrolle.

Drejtuesi i autobusit ka mbetur i plagosur lehtë, por pa pasoja të rënda.

Hetimet janë duke u zhvilluar për të kuptuar se cila mund të ketë qenë dinamika që i shtyu dy automjetet të përplasen brenda tunelit, pjesë e SS73bis e cila bëhet një rrugë lidhëse midis Urbinos dhe Fermignano