Territori i bashkisë Shkodër në lartësinë mbi 1300 metra është përfshirë nga reshjet e borësAksi Bogë – Theth është i hapur për qarkullimin, ndërkohë që strukturat e emergjencave janë në terren për te mbajtur të kalueshëm këtë aks.

Mot me vranësia dhe reshje shiu kanë përfshirë të gjithë territorin. Ndërsa në Dibër kanë nisur reshjet e dëborës.

Gjatë natës në të gjithë qarkut janë rikthyer reshjet e shiut, ndërsa në orët e para të paradites bora ka zbardhur Peshkopinë.

Në zonat e thella trashësia e borës arrin në 15 cm. Aktualisht rrugët janë të lira dhe nuk ka probleme.

Zonat të cilat ndodhen mbi 800 m janë mbuluar nga bora në të gjithë qarkun e Gjirokastrës, duke na dhënë një pamje panoramike.Qafa e Çajupit drejt Zagorisë ka rreth 5 cm borë, por është e kalueshme për mjetet që përshkojnë fshatrat e krahinës.

Në Shqipëri, raporti i dy oficerëve të policisë gjyqësore pranë Komisariatit të Lushnjes, mbi shpërthimin e ndodhur më 1 mars, ku humbën jetën babë e bir, dhe u plagosën 7 të tjerë, ka nxjerrë në pah faktin se magazina ku po punohej, në pronësi të deputetit socialist Bujar Çela, një ndër të plagosurit, ishte në shkelje të lejes së ndërtimit.

Leja është lëshuar në shtator të vitit të kaluar, por asnjë nga institucionet vendore të ngarkuara për verifikime apo kontrolle, kanë deklaruar se nuk kanë patur dijeni. Si kryeinspektori ashtu dhe juristi i Inspektoriatit vendor të Mbrojtes së Territorit kanë shpjeguar se “nuk kanë patur pasur asnjë informacion nga urbanistika, policia apo njësia administrative se aty po kryheshin punime” dhe se “sistemi online i bashkisë nuk ka funksionuar dhe gjatë kësaj kohe nuk kanë bërë asnjë inspektim të objektit në fjalë për këtë ndërtim”.

Vetëm të nesërmen e ngjarjes, pas kërkesës së Prokurores së çështjes, Inspektoriati ka mbajtur një procesverbal ku rezulton se “janë kryer punime në shkelje të lejes”, dhe një tjetër “për prishjen e objektit të kundraligjshëm”.

Raporti i oficerëve të policisë gjyqësore, po ashtu hedh deri diku dritë mbi shkaqet e ngjarjes, duke rrëzuar variantin me dyshimet e para të ofruar nga policia, për një kontakt të vinçit me linjën e tensionit të lartë.

Deklaratat nga dëshmitarë në vendngjarje por dhe vlerësime të ekspertëve të pyetur për rastin, tregojnë se “shpërthimi është shkaktuar nga një avari që ka ndodhur gjatë procesit të punës që kryente viktima Roland Hoxha për prerjen dhe çmontimin e disa profileve të hekurit duke përdorur flakën me nxehtësi të lartë që prodhohet nga djegia dhe përzierja e oksigjenit me acetilenin. Kjo avari ka bërë që një nga bombulat e cila dyshohet të këtë qenë më përmbajtje gazi acetilen ka shpërthyer duke shkaktuar dhe dëmet me pasojë humbjen e jetës së dy shtetasve, plagosjen e shtatë të tjerëve dhe dëmtimin e objektit, banesave dhe bizneseve përreth”, shkruhet në raportin e oficerëve të policisë gjyqësore, ku mungon marrja e një dëshmie nga vetë deputeti, i cili iu nënshtrua filliisht një ndërhyrjeje të parë kirurgjikale në Lushnje e pastaj një ndërhyrjeje të dytë në Spitalin e Traumës në kryeqytet, mbrëmjen e ditës kur ndodhi shpërthimi.

Oficerët e policisë gjyqësore pranë Komisariatit të Lushnjës kanë referuar pranë prokurorisë se “nga tërësia e materialeve hetimore të deritanishme rezulton se jemi para veprave penale të Shkeljes së rregullave të mbrojtjes në punë parashikuar nga neni 289/2 të Kodit penal, Shkatërrim i pronës nga pakujdesia të parashikuar nga neni 161 i K.penal dhe ndërtimit të paligjshëm të parashikuar nga neni 199/a i Kodit penal”. Kjo e fundit, mund të penalizojë drejtëpërsëdrejti deputetin socialist duke qenë se objekti ka qenë në pronësi të tij. Në një rast të tillë, Prokuroria mund të kërkojë që çështja t’i kalojë për kompetencë Prokurorisë së Posaçme kundër Korrupsionit dhe Krimit të organizuar e cila shqyrton rastet e zyrtarëve të lartë.

Zoti Çela po ashtu mund të gjendet dhe në shkelje të ligjit për Konfliktin e interesit i cili përcakton disa kufizime për deputetin duke i ndaluar të jetë “drejtues ose anëtar i organeve drejtuese të organizatave fitimprurëse”, se “nuk mund të ushtrojë veprimtari private, që krijon të ardhura në formën e personit fizik tregtar…”. Raporti i oficerëve të policisë gjyqësore tregon se leja e ndërtimit “për tregëtim dhe magazinë” është në emër të tij, se ai ka lëshuar me qera mjediset të tjera të magazinës, apo ka firmosur dhe kontratat për mbikqyrje dhe realizim punimesh me të tretë.

Të tjera dëshmi dalin nga ngjarja e ndodhur të premten e dy marsit në magazinën e deputetit Bujar Çela në Lushnjë, ku ai vetë mbeti i plagosur bashkë me gjashtë të tjerë dhe më tragjikja, vdiqën dy persona.

Syria Beshaj përgjegjës sektori te Inspektoriati Shtetëror Teknik Industrial ka shpjeguar dy fazat e shpërthimit.

“Në vendin e ngjarjes është konstatuar një autovinç me krahun e hapur i cili kishte të varur një bombol oksigjeni të lidhur me litar mendohet se ka qenë dhe një bombol tjetër shoqëruese scitileni ose gaz i lëngshëm propan të cilët së bashku realizojnë procesin e prerjes së metaleve e cila nuk u gjet në vendin e ngjarjes por u gjendën copa të hapura”-thuhet në dëshminë e tij.

Referuar pamjeve filmike ai shpjegon se shpërthimi ka ardhur në dy faza.

“Faza e parë flaka në majën e vinçit dhe faza e dytë bombula në dysheme shkaktuar dhe gropën 2.5 x 2.5 x 0.6 metra. Shpërthimi sipas tij është shkaktuar ose nga rënia në tension e krahut të vincit ose nga manovrimet e gabuara që mund të ketë dëmtuar tubot që lidhnin bombulat me kanellën”.

Të tjera dëshmi dalin nga shpërthimi i dy marsit i ndodhur në Lushnjë, që mori dy jetë njerëzish dhe plagosi shtatë të tjerë.

Në dosjen e siguruar nga gazetarja Dorjana Bezat, ka dëshmuar edhe shitësi i një biznesi në pronësi në afërsi ku ndodhi shpërthimi. B. Lika ka treguar se ka dëgjuar një zhurmë të fortë që theu xhamat e biznesit dhe një copë hekuri ka goditur në kokë klientin me emrin Sokol.

“Në biznes pasur shumë njerëz, ndërsa ambulanca që erdhi të marrë klientin Sokolin. Me pas morëm vesh që magazina e Bujar Çelës kishte marrë flakë dhe ndërkohë ishte dëmtuar dhe vet ai. Te magazina po kryheshin rregullime në llogari të Çelës, të cilat kishin një muaj dhe po saldonin dhe po bëheshin profilet sanduiç, por nuk kamë dijeni se cili po i kryente këto punime“-tregon ai.Po ashtu është pyetur edhe A.Tabaku, i cili shpjegon se rreth orës 15:30 “kam qenë te pika e shumicës Saimir Koreshi te plasmasi për të dorëzuar disa pije freskuese dhe në këto momente kam dëgjuar një zhurmë të fuqishme dhe valë goditëse aty kanë qenë të pranishëm Bledar Lika, Rezar Umeri dhe një klient me emrin Sokol i cili u godit në kokë nga një hekur. Kam qenë në një largësi pesëdhjetë ose gjashtëdhjetë metra nga magazina ku ishte një si tip vinçi dhe po kryheshin punimet. Nuk kam dijeni kush është pronari i këtyre magazinave”.