Studentët grekë organizuan të enjten protesta në Athinë kundër planeve të qeverisë për të lejuar universitetet private të funksionojnë në vend, ku arsimi i lartë shtetëror është falas.

Qeveria konservatore pritet të dorëzojë projektligjin në Parlament këtë muaj në një lëvizje historike që do të kërkojë heqjen e një ndalimi në kushtetutë. Projektligji do të lejojë funksionimin e degëve private të universiteteve të huaja në vend, ku aktualisht universitetet shtetërore janë të lira të ndiqen nga grekët.

Protestuesit mbanin pankarta ku shkruhej “Arsimi nuk është mall”, ndërsa marshuan drejt parlamentit të kryeqytetit. Policia hodhi gaz lotsjellës drejt turmës pasi protestuesit u përpoqën të sulmonin një kordon policie përpara ndërtesës.

Zyrtarët e qeverisë thanë se reforma do t’i japë fund monopolit mbi arsimin shtetëror, do të forcojë ekonominë duke tërhequr studentë nga jashtë dhe do të lejojë studentët grekë të studiojnë në shtëpi. Kritikët e projekt-ligjit, duke përfshirë studentët, thonë se ai sfidon të drejtat kushtetuese për arsimin falas dhe vendos fitimin përpara arsimit publik. Nga ana tjetër qeveria tha se reforma do të përfshijë rritjen e fondeve për universitetet shtetërore.

Një 33-vjeçar është arrestuar në Divjakë, u cili është akuzuar se ka abuzuar seksualisht me një vajzë 14-vjeçare.

Prindërit e djalit kanë dhënë një intervistë për TCH, ku shprehen djali ka qenë i martuar me këtë vajzë dhe nuk ka kryer marrëdhënie pa dëshirën e saj. Sipas nënës së djalit, ata janë martuar para 10 muajsh, pavarësisht mospëlqimit të prindërve të vajzës. Sipas saj, prindërit e nuses e kanë kërcënuar duke i thënë se do e vrasin djalin e saj.

“Kur kam qenë në Greqi, kam një gocë që është e sëmurë në Greqi, kam lënë djalin këtu. Kur ishim në Greqi, morëm vesh që djali kishte rrëmbyer një vajzë. Ajo i thoshte djalit hajde më merr. Nuk i tregon çunit të vërtetën se sa vjet është. Kur vijmë këtu, shkojmë tek prindërit e saj dhe na thonë që djalin do ta vrasim. Unë i thashë një dritë të syve kam, nuk e vrisni dot”, u shpreh nëna e djalit.

E pyetur se ku është njohur djali i saj me vajzën, nëna tha se kur shkonte tek fshati që kishte gocën tjetër të martuar, e kishte parë.

“Ai kalonte dhe ajo i kishte sytë tek çuni dhe u njohën në rrjetet sociale. Kur u kthyem nga Greqia dhe shkuam tek shtëpia e tyre, pamë që ishin të gjithë xhaxhallarët edhe këta. I thashë biri i nënës mos bëjnë ndonjë sherr? Mami duro më tha çuni. Kur vajtëm aty thanë e di çfarë do i bënim? Ne çunin tuaj do e vrisnin, do e thernim. Goca tha unë dua, djali po ashtu dhe ikëm. Pas dy tre ditësh i thanë gocës hajde tek shtëpia, djalit tim i thanë ti mos hajde. Gocës i thoshin shpesh mos rri aty, hajde rri këtu. Para 10 muajsh ne i bëmë dasmën, ata nuk donin. Me frikë e bëmë dasmën se thamë mos na vijnë me kallash. Vjen policia e Divjakës, i kishin thënë që ne nusen e mbajmë mbyllur. Erdhën dje prindërit e nuses e i thanë që do e marrin, nusja nuk pranoi”, u shpreh ajo.Tch

Fier/Informacion paraprak

Rreth orës 17:05, në lagjen “8 Shkurti”, Fier, autmjeti tip “Renge rover”, me drejtues shtetasin L. C., 59 vjec është përplasur me një motomjet tip “Honday”.

Si pasojë e përplasjes është dëmtuar drejtuesi i motomjetit i cili ndodhet në spital, në kujdesin e mjekëve.

Grupi hetimor po punon për zbardhjen e shkakut të aksidentit dhe identifikimin e personit të dëmtuar.

Nje aksident ka ndodhur pak minuta me pare ne Fier. Aksidenti ka ndodhur ne rrugen Dervish Hekali prane shkolles se Muzikes.Nje automjet i markes “RangeRover” eshte perplasur me nje motorciklete. si pasoje e perplasjes deejtuesi i motorit eshte plagosur dhe eshte deeguar me urgjence ne spital.

Një shtetas 59-vjeçar ka rënë në prangat e policisë në Kakavijë.

P.T., banues në fshatin Kurjan të Fierit largoi automjetin e tij nga vendparkimi i zonës doganore pa paguar detyrimet dhe pa autorizim

Ai u ndalua më pas nga policia dhe rezultoi se 4 ditë më parë me automjetin e tij kishte transportuar bagëti të imëta.

Njoftimi i Policisë:

Gjirokastër/Kërkime, kontrolle dhe inteligjencë policore, në kuadër të megaoperacionit “Sundimi i ligjit”, për të goditur krimet dhe për të kapur shtetasit e shpallur në kërkim.

Largoi automjetin nga vendparkimi i zonës doganore të PKK Kakavije, pa autorizim dhe pa paguar detyrimet, vihet në pranga 59-vjeçari.

I ndaluari, i shpallur në kërkim 4 ditë më parë, dyshohet se transportonte me këtë automjet, bagëti të imëta.

Si rezultat i kontrolleve të mbështetura te informacionet e siguruara nga inteligjenca policore dhe të kryera në vijim të megaoperacionit “Sundimi i ligjit”, për kapjen e shtetasve të shpallur në kërkim për veprimtari kriminale të kryera më parë, specialistët për Hetimin e Krimeve Ekonomike dhe Financiare të DVP Gjirokastër, në bashkëpunim me shërbimet e Komisariatit të Policisë Fier, kapën dhe ndaluan shtetasin P. T., 59 vjeç, banues në fshatin Kurjan, Fier.

Ky shtetas ishte shpallur në kërkim pasi më datë 07.01.2024, ka larguar automjetin tip “Toyota”, nga vendparkimi i Degës Doganore Kakavije, pa autorizim dhe pa paguar detyrimet. Nga veprimet hetimore dyshohet se 59-vjeçari transportonte me këtë automjet, bagëti të imëta.

Materialet procedurale i kaluan Prokurorisë së Gjirokastrës, për veprime të mëtejshme.