Një 44 vjeçar grek, i identifikuar si Vangjelis Zabunis 44 vjeç, anëtar i njohur i mafias greke u ekzekutua natën e kaluar në qendër të Athinës. Sipas informacioneve, viktima u qëllua me të paktën 80 plumba duke e lënë të vdekur në vend.

Pak minuta më pas në daljen e Athinës u gjet edhe automjeti i autorëve, një fuoristradë e cila rezulton e marrë me qera.Brenda makinës u gjetën edhe 2 kallashnikovë dhe të paktën 1 pistoletë, armë të përdorura gjatë sulmit.

Viktima ishte një ndër eksponentët më të rëndësishëm të mafias greke. Në vitin 2018, ai i kishte shpëtuar një atentati ku kishte marrë plagë të rënda, por për fat autorit i ishte bllokuar arma dhe nuk kishte mundur t’i jepte goditjen përfundimtare.

Zubunis ishte ishte arrestuar disa herë dhe ishte në krye të listës së të dyshuarve për disa sulme ndaj bandave të tjera. Ai merrej edhe me kondrabandë të karburanteve dhe pijeve alkoolike si dhe gjobëvënie.

Policia thotë se ekzekutimi i Vagjeli Zubunis ishte vrasje me pagesë. Autoritet shtojnë atë në listën e gjatë të ekzekutimeve të ndodhura vitet e fundit në luftën e pamëshirshme mes bandave mafioze greke.

Ndërkohë autoritetet kanë nisur hetimet  për ngjarjen e përgjakshme.

Policia greke ka arrestuar një shtetas grek dhe një e re shqiptare, të akuzuar për trafik ndërkombëtar droge, ndërkohë që ka sekuestruar mbi 66 kg marijuanë.

Në pranga e policisë kanë rënë një 27-vjeçar grek dhe një 28-vjeçare nga Shqipëria, të cilët akuzohen si anëtarë të një rrjeti të organizuar aktiv në trafikun e drogës.

Nga hetimi policor rezultoi se personat e arrestuar kishin “rolin” e marrjes brenda territorit grek, transportimit, fshehjes, ruajtjes dhe trafikimit të sasive të kanabisit të papërpunuar brenda territorit grek dhe konkretisht në kompleksin urban të Selanikut.

Gjatë një operacioni të organizuar në zonën e Filiros, Selanik, ata u kapen dhe arrestuan, ndërsa në kontrollet e kryera në një vend ku hidheshin plehrat, ku 28 vjeçarja fshihte drogën, si dhe në dy shtëpi, u gjetën dhe u sekuestruan 66 kg e 646 gram marijuanë.

Në pjesën më të madhe të sasive të sekuestruara janë përdorur deodorantë të veçantë për të maskuar erën e lëndëve narkotike. Janë sekuestruar gjithashtu edhe 3 peshore elektronike precize.

Gjithashtu u sekuestruan 3 celularë të përdorur për transaksionet e tyre të paligjshme dhe 1 makinë e përdorur për transportin e drogës.

Një organizatë e trafikut të kokainës në ishullin e Korfuzit është shkatërruar nga policia e Helene, ku të përfshirë ishin mbi 10 shqiptarë.

Anëtarët e kësaj organizate trafikonin lëndë narkotike në sasi të mëdha, kryesisht kokainë dhe kishin ngritur një rrjet të gjerë shpërndarje në ishullin e Korfuzit. Lëndën narkotike e blinin në Athinë, ku përfitimet e organizatës llogariten në qindra mijëra euro në vit.

Bandën e drejtonte nga burgu 39-vjeçari shqiptar, Enivend Aliaj. Ky i fundit rezulton i shpallur në kërkim nga Interpol Tirana për veprën penale “vrasje me dashje e mbetur në tentativë”.

Aliaj në 9 prill 2022, në shëtitoren e Sarandës, ka tentuar të vrasë duke goditur disa herë me thikë shtetasin Dino Majko, aktualisht 31 vjeç, duke e plagosur rëndë.

1 muaj para ngjarjes Aliaj mësohet se i kishte dëmtuar me thikë gomat e makinës Majkos dhe dy ditë pas kësaj kishte kanosur me thikë brenda ambienteve të Spitalit të Sarandës ish-bashkëshorten e tij.

Për këtë ngjarje ndaj Aliajt ka një mase të dytë sigurimi “Arrest ne burg” dhënë nga Gjykata e Apelit Gjirokastër në 5 maj 2022 për veprën penale “dhunë në familje”.

Ndërkohë për rastin e tentativës së vrasjes ndaj Dino Majkos, në Gjykatën e Sarandës po zhvillohet gjykimi ndaj shtetasit Enivled Aliaj.

Ai rezulton i arrestuar edhe më parë në Korfuz në 14 prill 2023, si i kërkuar nga Shqipëria. Ai ndodhet në Korfuz në burg në pritje të ekstradimit, por drejtonte bandën nga burgu.

Edhe vëllai i tij, Donald Aliaj, rezulton me precedent penal në Shqipëri.

Policia tha se i dha një goditje të fortë trafikut të lëndëve narkotike në ishullin e Korfuzit dhe po punon për gjetjen e bashkëpunëtorëve të organizatës edhe në zona të tjera të vendit.

Në cilësinë e provës materiale U sekuestruan 1.6 kg kokainë e pastër, një armë pistoletë dhe 2 automjete që përdoreshim për trafikun e drogës. Policia thotë se sasia që organizata trafikonte, ishte dhjetëra kg në vit

Të përfshirë janë:  Romeo Bici i datëlindjes 1986 (shqiptar) Bernard Arapi 1992(shqiptar),Edlira Qendro 1979(shqiptare), Enivend Aliaj 1985(shqiptar), Donald Aliaj 1988(shqiptar), Endri Hoxha 1992(shqiptar),Klement Hoxha 1988 (shqiptar),Nikolas Paktitis 1985(grek), Anastasia Simati 1999 (greke),Dhimitra Handrinou1995(greke), Theodhoros Petropulos  1993(grek), Kristoforos Athanasios (grek,ish polic), Andreas Komianos(grek),Theodhoros Kurkulos(grek)

Në kërkim u shpallën Laert Beleri 1976(shqiptar), Anest Bino 1989(shqiptar), Mirel Mustaka 1975(shqiptar), Olena Ivanova 1988(ukrainase), Miklovan Deneko1987(shqiptar).

Policia thotë se i dha një goditje të fortë trafikut të lëndëve narkotike në ishullin e Korfuzit dhe po punon për gjetjen e bashkëpunëtorëve të organizatës edhe në zona të tjera të vendit.