Fier/Vihen në pranga 2 shtetas dhe procedohen në gjendje të lirë 4 të tjerë

DVP Fier/Vihen në pranga 2 shtetas dhe procedohen në gjendje të lirë 4 të tjerë, për vepra penale të ndryshme.

Specialistët e Sektorit të Policisë Rrugore të DVP Fier arrestuan në flagrancë shtetasit:

-R. S., 37 vjeç, banues në Patos, pasi është konstatuar nga shërbimet e Policisë, duke drejtuar automjetin, në gjendje të dehur;

-S. M., 23 vjeç, banues në Lushnjë, pasi me automjetin tip “Audi”, që e drejtonte në gjendje të dehur, ka përplasur automjetin tip “Fiat” me drejtues shtetasin A. V., 51 vjeç, i cili është dëmtuar dhe ndodhet në spital, në kujdesin e mjekëve.

U referuan materialet në Prokurori ku nisi procedimi në gjendje të lirë për shtetasit:

-A. H., banues në Lushnje, pasi me motomjetin që drejtonte, ka aksidentuar lehtë shtetasin E. R., i cili pasi mori mjekim në spital, u largua në banesë;

-I. M., 50 vjeç, A. M., 41 vjeç, dhe V. H., 23 vjeç, banues në Roskovec, pasi dyshohet se kanë goditur me grushte një 26-vjeçar, për motive të dobëta.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Çështja “Partizani”
Ish-kryeministri Sali Berisha deklaratë pasi u pyet nga prokurorët e SPAK

Berisha:Gjeta një grup të terrorizuar në një karrige bosh qëndronte McGonigal, në tjetrën ishte Edi Rama. Unë në emër tuaj dhe të PD u deklarova sa vijon. Pasi i pyeta pse jetoni në këtë terror kaq të madh. Të hysh aty hyn si në një… nuk mund ta imagjoni se çfarë masash sigurie. Pasi ju deklarova se Sali Berisha është këtu në përputhje me atë parim që beson se çdo njeriu që thirret në hetim nga organet e drejtësisë duhet të paraqitet për t’u marrë në pyetje. Kjo ka qenë qëllimi i ndryshimit të kushtetutës në vitin 2012. Tju a them në sy në emër të të gjithë demokratëve të gjitha ato që prej 2 vitesh kam akuzuar Edi Ramën dh ju si grup kriminal dhe mercenar që perdoreni prej tij. Kam  ardhur këtu të shemb piramidën e turpshme që keni ndërtuar me shpifje mashtrim falsifikime në të cilën nuk ka asnjë gjë të vërtetë. Ju si grup i strukturuar kriminal jeni angazhuar në një betej kundër pluralizmit në Shqipëri dhe garantoi se do merrni të merituar. Jam këtu për të shembur, jam këtu për të denoncuar aktet tuaja anti-kushtetuese masat që vendosët kundër Berishës në shkelje të kushtetutës. Jam këtu për të denoncuar aktet tuaja antiligjore, vendimin tuaj për ti marrë pushtetin parlamentit, për të denoncuar aktin tuaj të shëmtuar për refuzimin e provave. Ata refuzuan prova që shembin piramidën e tyre të mashtrimit. Refuzuan ekspertizën e ekspertëtve të pavarur. Denoncova, i pyeta cili nga ju ka bashkëpunuar me McGonigal në veprimtarinë e tij kriminale, kanë bashkëpunuar janë këtu kriminelët. Gjeta aty 1 atmosferë mortore, dmth shihnin të hutuar njëri-tjetrin dhe nuk dinin ç’të përgjigjnin. Kur përmdenda eksponent e krimit Taulant Ballën fytyrat u prishën komplet. U përgjigja të gjitha… po skishin pyetje ata ishin vetëdenigrim, si çkanë bërë me dosjen.

Përplasje mes bandave në Athinë/ arrestohen 7 prej tyre

Gjashtë shtetas romë me shtetësi shqiptare dhe 1 shtetase greke janë arrestuar prej forcave të rendit në kryeqytetin e vendit Athinë. Çdo gjë nisi mbas një telefonate në numrin 112 ku banorë të rrugës Lenorman në Athinë kërkonin ndihmë prej policisë pasi dy grupe romësh nisën të godasin njëri tjetrin me sende të forta madje në zonë u dëgjuan edhe të shtëna armësh.

Përleshjet mes grupeve të romëve zgjatën për disa minuta dhe me mbërritjen në zonë të forcave të rendit ,ata u shpërndanë. Prej verifikimeve u gjetën dhe u arrestuan në rrugën e quajtur Ajiu Polikarpu” shtetasit:

1-Lulëzim Zerellari
2-Arif Ferhati
3-Ibraim Kallafi
4-Qibrie Zerellari
5-Sokol Lato
6-Maria Lato
7- shtetasja greke, Kristina Cakiri

Në cilësinë e provës materiale u sekuestruan, Një automjet, krehër fishekësh të pistolete 9mm,gëzhoja të kalibrit 9mm të shtira nga armë pistoletë(arma nuk u gjet),shuma cash prej afro 2000 eurosh si dhe leva, shkopinj dhe thika të përdorura prej grupeve gjatë përleshjes mes tyre.

Policia thotë se në kërkim janë shpallur mbi 20 vetë. Mësohet se përleshja nisi për kontrollin e grupeve që grumbullojnë metale dhe materiale të riciklueshme në koshat e plehrave të Athinës. Prej kohësh policia dyshon se dy bandat u përleshën pasi përfitimet llogariten në qindra mijë euro në muaj.

Nga ngjarje të ngjashme në të kaluarën kanë humbur jetën disa prej anëtarëve të këtyre bandave të cilët, këto banda përdorin kryesisht të mitur për grumbullimin e materialeve pasi ligjet greke nuk mund ti penalizojnë ata, si dhe emigrantë të jashtëligjshëm që jetojnë në baranga ose banesa të vjetra në zonën Eleona të Athinës. Ata do të dërgohen në gjykatë për masë sigurie.

Kapet me kokaine 37 vjecari ne Roskovec

Roskovec, Fier/Aksione të përditshme, në vijim të megaoperacionit “Tempulli 2”, për të nxjerrë përpara përgjegjësisë penale, shpërndarësit e lëndëve narkotike.

Kishte përgatitur doza kokaine, për t’i shitur në qytetin e Roskovecit, arrestohet në flagrancë 37-vjeçari.

Sekuestrohet një sasi lënde narkotike kokainë, e ndarë në 75 doza.

Specialistët e Seksionit për Hetimin e Narkotikëve të DVP Fier kanë vijuar gjatë mbrëmjes së djeshme dhe gjatë natës, kontrollet në të gjithë territorin e qarkut, në kuadër të megaoperacionit antidrogë “Tempulli 2”. Nga këto kontrolle, si dhe nga mbështetja e informacioneve të inteligjencës policore, u vu në pranga shtetasi E. Xh., 37 vjeç, banues në fshatin Kuman.

Nga kontrollet fizike dhe në banesë, shërbimet e Policisë i gjetën dhe i sekuestruan këtij shtetasi, një sasi lënde narkotike kokainë, të cilën e kishte ndarë në 75 doza, me qëllim shitjen.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Proteste e fermereve te Fierit dhe Mallakastres per cmimin e qumeshtit, bllokohet rruga

Fermeret e Fierit dhe Mallakastres kane dale ne nje proteste ne lidhje me cmimin e qumeshtit.Ata thone se cmimi qe ofrojne grumbjlluesit nuk mbulon shpenzimet e tyre dhe i con drejt falimentit. Vitin e kaluar sipas fermereve qumeshti i bagetive te imta eshte mbledhur me 170 leke per kg ndersa cmimi qe ofrohet kete vit eshte 120 lek per kg. Perballe kesaj situate thone fermeret jemi ne situate te veshtire. Ose duhet nderhyre nga shteti per vendosjen e disa masave mbrojtese ose duhet mbeshtetur fermeret me subvencione .

Blegtoria eshte nje nder shtyllat kryesore te bujqesise dhe mungesa e perkrahjes se ketij sektori dobte conte ne uljen e metejshme te numrit te bagetive ne vend, rrjedhimisht edhe ne ngritje te cmimit.

Shkaktare kryesore per kete situate sipas fermereve eshte mosvemendja ndaj kesaj shtrese. Nese situata vazhdon thona ata ne do braktisim bagetite dhe do largohemi jashte vendit. Ne menyre simbolike ata kane bllokuar edhe qarkullimin e automjeteve per disa minuta.

Fier-Shfrytëzonte një 24-vjeçare, për prostitucion, vihet në pranga 37-vjeçarja.

Fier

Finalizohet operacioni policor i koduar “Gjurmimi”, për të goditur një rast të veprimtarisë kriminale të prostitucionit.

Operacioni, pas një hetimi disajavor, me metoda proaktive, të ndjekur nga specialistët e Seksionit për Hetimin e Trafiqeve të Paligjshme të DVP Fier dhe nga Prokuroria e Fierit.

Shfrytëzonte një 24-vjeçare, për prostitucion, vihet në pranga 37-vjeçarja.

Procedohen penalisht 4 shtetas të implikuar në këtë rast.

Nga një hetim disajavor, i ndjekur me metoda proaktive, nga specialistët e Seksionit për Hetimin e Trafiqeve të Paligjshme të Drejtorisë Vendore të Policisë Fier dhe nga Prokuroria e Fierit, u siguruan prova për një rast të veprimtarisë kriminale të prostitucionit. Në bazë të këtyre provave u finalizua operacioni policor i koduar “Gjurmimi”, gjatë të cilit u arrestua në flagrancë shtetasja F. A., 37 vjeçe, banuese në Fier.

37-vjeçarja dyshohet se ka shfrytëzuar për prostitucion, një shtetase 24 vjeçe.

Gjithashtu, në kuadër të këtij operacioni, u referuan materialet në Prokurori, ku nisi procedimi në gjendje të lirë për 4 shtetas, të dyshuar të implikuar në këtë veprimtari kriminale.

Vijon puna për identifikimin dhe nxjerrjen përpara përgjegjësisë penale, të shtetasve të tjerë të përfshirë në këtë rast.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Digjet aksidentalisht i moshuari në Vlorë

Sot, në spitalin e Vlorës, është paraqitur për ndihmë mjekësore, shtetasi V. H., 74 vjeç, i cili dyshohet se është djegur aksidentalisht, nga zjarri që ai ka ndezur në oborrin e banesës së tij, në lagjen “Partizani”. 74-vjeçari është dërguar në spitalin e Traumës, për ndihmë mjekësore të specializuar. 

Grupi hetimor po punon për sqarimin e plotë të rrethanave të rastit.

Berisha sot në SPAK/ Makina e policisë dhe avokatët e presin poshtë banesës

Ish-kryeministri Sali Berisha është thirrur sot për t’u marrë në pyetje nga SPAK në lidhje me çështjen e privatizimit të ish-kompleksit Partizani.

Ndërkaq poshtë banesës së tij janë paraqitur efektivë policie dhe Oficerë të Policisë Gjyqësore për ta shoqëruar.

Po ashtu kanë mbërritur edhe avokatët e tij.Mësohet se seanca është caktuar në orën 10:00, ndërkohë që Berisha prej datës 30 dhjetor të vitit të kaluar ndodhet në masën e ‘arrestit shtëpiak’.Teksa vetë nuk ka bërë asnjë koment nëse do të shkojë apo jo, e bija e Berishës, Argita Malltezi deklaroi në një dalje për mediat se ish-kryeministri do të paraqitet në SPAK.

Po ashtu bëhet me dije se në mbështetje të tij do të shkojnë dhe deputetë të opozitës.

1...343344345...422Faqja 344 nga 422