Zhduket një shqiptare në Greqi! Shkoi tek mjeku por nuk u kthye më në shtëpi

Një 33-vjeçare shqiptare që jeton në Heraklion të Greqisë është shpallur e zhdukur.

Emmanuela ka lindur në Shqipëri, por ka një kartë identiteti greke. Familjarët kanë denoncuar zhdukjen e saj ditën e djeshme, më 23 janar, pavarësisht se largimi i saj ka ndodhur më datën 17 janar. Shqiptarja sipas mediave greke, u zhduk në rrethana të çuditshme, ku ajo njoftoi prindërit se do shkonte në Pagani të kryente një vizitë tek mjekët dhe të mjekonte një plage në këmbë, që kishte nevojë për ndërrim të garzës.

33-vjeçarja është zhdukur që atëherë, pavarësisht se dyshohet se kishte telefonuar familjen e saj më 21 janar dhe tha se do të kthehej atë mbrëmje. Por një gjë të tillë nuk e ka dhe babai ka denoncuar të bijën e zhdukur.

Shqiptarja nuk e ka bërë kurrë më parë një gjë të tillë dhe kjo shkaktoi shqetësime të mëdha, pasi pas telefonatës së fundit që zhvilloi me familjarët e saj më 21 janar, telefoni i del i fikur.

Zhdukja e saj u denoncua në Drejtorinë e Sigurisë Heraklion.

Aksident në Vlorë-Fier/ Po kalonte rrugën me tufën e deleve, çobani përplaset nga 2 makina

Një aksident i rëndë ka ndodhur paraditen e sotme (24 janar) në aksin Vlorë-Fier ku 2 makina kanë përplasur një çoban në kohën kur ky i fundit po tentonte të kalonte rrugën. 

Mësohet se i plagosuri Naun Kaçani ndodhet në gjendje të rëndë në spital. aksidenti ka qenë i rëndë pasi makinat janë përplasur edhe me njëra-tjetrën duke pësuar dëme të shumta materiale.

Ndërkohë policia ndodhet në vendngjarje dhe po punon për zbardhjen e plotë të rrethanave.

Fier/Vihet në pranga 1 shtetas dhe procedohen në gjendje të lirë 6 të tjerë

DVP Fier/Vihet në pranga 1 shtetas dhe procedohen në gjendje të lirë 6 të tjerë, për vepra penale të ndryshme.

Specialistët e Sektorit të Qarkullimit Rrugor arrestuan në flagrancë shtetasin E. Ç., 38 vjeç, banues në Fier, pasi u kap nga shërbimet e Policisë, duke drejtuar automjetin, në gjendje të dehur.

Gjithashtu, u referuan materialet në Prokurori ku nisi procedimi në gjendje të lirë për shtetasit:

-A. K., 37 vjeç dhe E. K., 25 vjeç, të dy banues në Lushnjë, pasi nga kontrollet në automjetet që ata drejtonin, u gjetën dhe u sekuestruan sasi të vogla lënde narkotike kokainë;

-I. K., 32 vjeç, banues në Shtyllas, A. Ç., 51 vjeç, banues në Levan, E. R., 37 vjeç, banues në Vadhizë, dhe E. H., 53 vjeç, banues në Bishanak, pasi ditën e djeshme, në Levan, organizuan një protestë, nga e cila u pengua lëvizja e mjeteve në këtë zonë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Kapet shqiptari në Greqi, media greke: Kultivoi në Fier 400 rrënjë kanabisi

Janë zbuluar detaje të reja lidhur me arrestimin në Greqi të një shtetasi shqiptar të kërkuar nga Interpol Tirana, pasi ishte dënuar në Shqipëri me 4 vjet e 8 muaj burg për “kultivim bimësh narkotike”. 

Mediat greke raportojnë se shqiptari është 31 vjeç dhe fshihej në fshatin Pinia të Amaliadhës, duke punuar në bujqësi. 

Sipas policisë greke ai kërkohej nga pala shqiptare për kultivimin e një parcele me 400 rrënjë “cannabis sativa” në Fier. Nga informacionet e medias greke, ai rezultonte “truri” i ngritjes së këtij plantacioni në jug të Shqipërisë. Ditën e djeshme ai është paraqitur në Prokurorinë e Patras ku është marrë masa e paraburgimit deri në vendimin për ekstradimin ose jo të tij.

Kapet në Greqi fugoni me 195 kg droge, ishte ngarkuar ne kufirin greko-shqiptar

Policia greke ka sekuestruar një ngarkesë të madhe droge pasditen e djeshme.

Pas informacioneve të siguruara, policia ka ndaluar një fugon në aksin Patra-Athinë, konkretisht në vendin e quajtur Kiato.

Brenda mjetit janë gjetur dhe sekuestruar 145 pako me 195 kg 60 gram marijuanë. Në pranga ka rënë drejtuesi i mjetit, 67-vjeçari Andonis Panagiotopoulos.

Nga hetimet rezulton se mjeti ishte ngarkuar në kufirin shqiptaro-grek. Mjeti i transportit rezulton i vjedhur në Athinë në 13 shtator 2023, ndërkohë që i ishin vendosur targa false XZP 1586.

Policia ka sekuestruar telefonin celular të drejtuesit për të zbuluar komunikimet e tij. Llogaritet që fitimi nga trafiku i kësaj ngarkese të shkonte rreth 600 mijë euro. 67-vjeccari i arrestuar rezulton njëkohësisht person i shpallur në kërkim, i dënuar nga Gjykata e Janinës me 8 vjet burg dhe 10.000 euro gjobë për trafik droge.

Ai është dërguar në Komisariatin e Korinthit ndërkohë që hetimet i zhvillon Prokuroria e këtij qyteti.

Mësohet se ai do të paguhej 200 euro për kilogram dhe lëndën narkotike do e dorëzonte tek një shtetas shqiptar i cili është identifikuar dhe shpallur në kërkim.

Prej fillimit të vitit policia greke ka sekuestruar 261 kg marijuanë që dyshohet se vinin nga Shqipëria.

Kush është shqiptari që humbi jetën në aksidentin tragjik në Itali

I riu shqiptar që humbi jetën në një aksident tragjik në Itali është Dorjo Duka.

Ai ishte martuar pak ditë më parë dhe kishte shkuar në Itali nga Shqipëria, të shtunën së bashku me motrën e tij, për të festuar ditëlindjen e kushërirës së tyre.

30-vjeçari shqiptar, banues në Tiranë humbi jetën natën e së dielës pas përplasjes që ndodhi në Ponte Meduna, në zonën e Pordenones.

Aksidenti ndodhi pas përplasjes së makinës tip “Fiat Grande Punto” me të cilën ai drejtonte dhe një makine tjetër tip “Mercedes CLA”.

Kushëriri 25-vjeçar që ishte në makinë me të ka arritur të mbijetojë dhe është transportuar në gjendje të rëndë për në spitalin e Pordenones.

Prokurori i Prokurorisë Publike të Pordenone, Federico Baldo i cili  hapi procedimin penal për veprën penale të dyshuar të vrasjes në rrugë  ku përfshihej drejtuesi i Mercedesit, një 45-vjeçar nga Codognè, në zonën e Trevisos, nuk e gjykoi të nevojshme kryerjen e autopsisë së trupit të viktimës, pasi ishte e qartë se vdekja ishte vetëm për shkak të traumave shumë të rënda të raportuara në aksident.

Në orët në vijim Prokuroria Publike do të lëshojë autorizimin për varrimin dhe kështu familja do të mund të riatdhesojë trupin e viktimës në Tiranë, ku do të bëhet varrimi.

Duka, i cili punonte në një kompani ndërtimi la pas Irisin, me të cilën ishte martuar më 12 janar 2024 pas rreth 6 vitesh njohje.

Dorjo ishte kushëriri i moderatores së njohur, Kiara Tito, e cila bëri një reagim prekës për të.

“Një lajm që na tronditi të gjithëve familjarisht. Një nga njerëzit me shpirtin më të mirë, por aq i mirë ishe sa zoti të deshi për vete. U prehsh në paqe kusho”, shkroi Kiara.

Çfarë po ndodh sot me monedhat e huaja? 

Sot, më 24 janar 2024, dollari amerikan blihet me 95.1 lekë dhe shitet me 96.1 lekë.Euro blihet me 103.5 lekë dhe shitet 104.1 lekë.Franga zvicerane këmbehet në blerje me 109 lekë, ndërsa në shitje me 110 lekë.

Paundi britanik blihet me 120.4 lekë dhe shitet me 121.4 lekë.

Dollari kanadez sot në blerje këmbehet me 70.3 lekë, ndërsa në shitje me 71.5 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Çfarë po ndodh sot me monedhat e huaja? Ja me sa po blihen dhe

Policia arreston 5 fermere qe protestuan ne diten e sotme ne Levan

Policia e Fierit ka shoqeruar disa prej fermereve qe protestuan ne Levan te Fierit .Mbi 5 fermer jane marre me force nga banesat e tyre dhe jane shoqeruar ne polici ,3 ore pas perfundimit te protestes.Burime nga policia bejne te ditur se shoqerimi i fermereve nga policia eshte bere pasi sipas policise protesta ka qene e paligjshme dhe nuk eshye njoftuar. Gjithashtu te njejtat burime nga policia pohojne se protestuesit kane bllokuar rrugen nacionale Levan -Vlore qe perben veper te kundraligjshme

1...342343344...422Faqja 343 nga 422