Presidenti rus Vladimir Putin ka folur për herë të parë pas sulmit tragjik që ndodhi në Moskë duke quajtur të shtënat e mbrëmshme një “sulm terrorist të përgjakshëm dhe barbar”

Ai theksoi se të dyshuarit “u përpoqën të arratiseshin drejt Ukrainës”, ndërsa shpalli ditë zie për nesër dhe shprehu ngushëllimet familjeve të të vrarëve në sulm.

“Të gjithë ata që e kanë planifikuar dhe ekzekutuar këtë operacion do të ndëshkohen”, tha ai.

“Të gjithë sulmuesit janë gjetur dhe ndaluar,” thotë ai.

“Armiqtë tanë nuk do të na ndajnë”, përfundon ai.

Të paktën 143 persona janë vrarë dhe më shumë se 100 janë plagosur pasi persona të armatosur hapën zjarr të premten një koncert rock në Crocus City Hall në një periferi të Moskës, thotë inteligjenca ruse.

Një zjarr i madh shpërtheu në ndërtesë, duke shkaktuar shembjen e një pjese të çatisë pranë teatrit, por tani thuhet se është shuar kryesisht.

Grupi i Shtetit Islamik ka pretenduar se ka kryer sulmin dhe tha se përgjegjësit u arratisën.

Shtetet e Bashkuara thonë se nuk ka asnjë arsye për të dyshuar në këtë pretendim, ndërsa shtoi se e kishte paralajmëruar Rusinë për një sulm të mundshëm ndaj “mbledhjeve të mëdha” në Moskë në fillim të këtij muaji.

Ukraina ka mohuar çdo përfshirje me këtë ngjarje të rëndë. Pas ngjarjes, siguria në Rusi është forcuar ndërsa garda kombëtare është vënë në gatishmëri.

Në pamjet e publikuara në media dhe rrjetet sociale, shihet momenti kur 6200 të pranishëm që po ndiqnin një koncert të një grupi të muzikës rrok, alarmohen nga të shtënat me armë dhe tentojnë të largohen për të shpëtuar jetën.

Salla shpërtheu në flakë pasi autorët të cilët mendohet të kenë qenë 3 ose 5 persona hodhën edhe grantata.

Natën e kaluar, persona të armatosur hapën zjarr mbi turmat në një sallë koncertesh në Krasnogorsk në rajonin e Moskës, duke vrarë të paktën 115 dhe duke plagosur më shumë se 140.

Në vendin e sulmit terrorist në sallën e koncerteve Crocus City Hall, kur shërbimet e urgjencës po pastronin rrënojat, u gjetën më shumë trupa të të vdekurve,” tha komiteti hetues i Rusisë. “Kështu, numri i të vdekurve aktualisht është 115 persona.”

Guvernatori i rajonit të Moskës thotë se pret që numri i të vdekurve të rritet, pasi punonjësit e shpëtimit vazhdojnë të lëvizin rrënojat në vendngjarje.

Shpëtimtarët po punojnë në skenën e tragjedisë në Crocus. Ata po vazhdojnë të pastrojnë rrënojat dhe të kërkojnë njerëz. 719 specialistë dhe 213 pajisje janë të përfshirë… 20 trupa të tjerë janë gjetur nën rrënoja. Puna do të vazhdojë edhe për të paktën disa ditë”, thuhet në deklaratë.

Shteti Islamik ka marrë përgjegjësinë, por FSB thotë se të dyshuarit kishin kontakte me Ukrainën dhe po përpiqeshin të iknin nga kufiri.