Dyfishohen tarifat e shërbimeve për lejet e drejtimit, në fuqi prej 16 janarit

Që nga 16 Janari tashmë tarifat e shërbimeve për patentat janë dyfishuar apo trefishuar. Në shkresën e miratuar nga Ministria e Infrastrukturës dhe të firmosur nga Drejtoria e Përgjithshme të Transportit Rrugor kanë hyrë në fuqi tarifat e reja për shërbimet e lejedrejtimeve. 

Kur më parë për të dhënë provimin e njohurive teorike kur nuk e fiton testin teorik që në provimin e parë duhej të paguaje 400 lekë si tarifë tashmë duhet të paguash 1200. Po ashtu edhe për riprovimin e testit të praktikës kur më parë do paguaje 500 lekë tashmë do të paguash 4-fish më shumë.

Për t’u pajisur me leje drejtimi për të gjitha kategoritë nga 3500 lekë tashmë do paguhet 4500 lekë. Edhe një sërë shërbimesh të tjera për patentat janë dyfishuar, si pajisja me leje drejtimi ndërkombëtare, pajisja me “Leje”dhe provim kualifikimi teorik pas humbjes totale të pikëve ose heqjes së lejedrejtimit, por edhe për autoshkollat për detyrimet që kanë për ushtrimin e aktivitetit.

Kryeministri Rama: Paga mesatare e mësuesve do të shkojë 900 euro

Në takimin e sotëm në lidhje me programin kombëtar të zhvillimit të mësuesve, kryeministri Rama u shpreh se paga mesatare e mësuesve do të shkojë 900 euro, por kjo sipas tij nuk mjafton. Rama shton se duhet reformuar sistemi i pagave për mësuesit.

Duhet ndryshuar komplet mekanizmi i rritjes së pagës çdo 5 vjet si rezultat i vjetërsisë në punë. Ai thotë se përpara është një sfidë shumë e madhe dhe që ka nevojë për bashkëpunimin e mësuesve pasi bëhet fjalë për misionin e tyre, i cili me zhvillimet e reja tanimë ndryshon.

Edi Rama: Paga mesatare e mësuesve do të shkojë 900 euro. Por nuk mjafton dhe prandaj ne na duhet të reformojnë sistemin, p.sh. mekanizmin e rritjes çdo 5 vjet të pagës si rezultat i vjetërsisë në punë duhet reformuar komplet. Nga ana tjetër duhet të bëjmë të mundur përveç pagës uniforme të ketë nivele të ndryshme pagash sipas meritës kontributit dhe kualifikimeve. Na duhet një sistemi i besueshëm kualifikimesh një sistem i besueshëm trajnimesh, kreditesh dhe ministrja e përmendi portofolin digjital, i cili ka filluar të strukturohet. Ajo që mund të them është se ne besojmë që mund t’ja dalim kësaj sfide. Është shumë e madhe është shumë e fortë. Nëse e gjithë trupa drejtuese e sistemit arsimor për të gjithë drejtuesit dhe pastaj trupa e mësuesve vihet në dispozicion të kësaj sfide duke kuptuar çfarë peshe ka misioni i mësuesit. Sot misioni i mësuesit është një Shqipëri që rritet e tëra së bashku apo një Shqipëri që pavarësisht potencialit mund të ndalojë së rrituri se nuk ka kapacitete nevojshme.

Po bënte video për TikTok, përplaset nga një makine humb jetën 18-vjeçari shqiptar në Itali

Kk

Një 18-vjeçar shqiptar ka humbur jetën në Itali, 8 ditë pasi u përplas nga një makinë teksa po bënte një sfidë për në rrjetin social TikTok.

Bëhet fjalë për Lorenzo Pjetrushi, i cili po qëndronte në këmbë mbi makinën në lëvize, ku u rrëzua dhe u përplas nga një tjetër mjet.

Për të realizuar sfidën, i riu ka hipur mbi kofanon e makinës së shokut dhe po xhironin videon për ta postuar në Tik-Tok. Por i riu është rrëzuar nga makina dhe më pas është përplasur nga një tjetër makinë, duke humbur jetën tragjikisht.

Ngjarja ka ndodhur më 20 janar në Treviso të Italisë, por ai ka humbur jetën dje, 30 janar, në spital, pasi nuk u ka mbijetuar dot plagëve të marra.

Shisnin kokainë ne Fier, arrestohen 4 shtetas.

Fier/Vijon megaoperacioni policor i koduar “Tempulli 2”. Evidentohet dhe goditet një tjetër rast i shitjes së lëndëve narkotike.

Shisnin kokainë e kanabis në lagje të ndryshme të qytetit të Fierit, evidentohen, kapen dhe arrestohen në flagrancë 4 shtetas.

Sekuestrohen dhjetra doza me lëndë narkotike kanabis dhe kokainë gati për shitje, 3 peshore elektronike dhe 4 celularë.

Specialistët për Hetimin e Narkotikëve të DVP Fier, në bashkëpunim me shërbimet e Komisariatit të Policisë Fier, në vijim të veprimeve intensive operacionale të kryera në kuadër të megaoperacionit policor mbarëkombëtar antidrogë të koduar “Tempulli 2”, pasi kanë siguruar informacion se 4 shtetas shitnin lëndë narkotike kanabis dhe kokainë, në lagje të ndryshme të qytetit të Fierit, kanë organizuar punën për kapjen dhe vënien e tyre përpara përgjegjësisë ligjore.

Si rezultat, në lagjen “Apollonia”, u kapën dhe u arrestuan në flagrancë shtetasit M. S., 33 vjeç, E. Z., 39 vjeç, F. Sh., 34 vjeç, dhe M. Ç., 41 vjeç, të katërt banues në Fier .

Gjatë kontrollit personal dhe më pas në banesat e tyre, shërbimet e Policisë gjetën dhjetra doza me lëndë narkotike kanabis dhe kokainë gati për shitje.

Nga verifikimet e kryera ka rezultuar se këta shtetas e siguronin lëndën narkotike në sasi dhe pasi e ndanin në doza, i shitnin ato në qëndër të qytetit, në afërsi të lumit Gjanica.

Lënda narkotike, 3 peshore elektronike dhe 4 aparate celulare, u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime te metejshme

Ngjarje e rëndë në Florida! Shqiptari vret ish-gruan dhe rrëmben të bijën 8 vjeç

Një shqiptar 34-vjeçar ka vrarë ish-gruan e tij në Clearwater të Floridas dhe ka rrëmbyer të bijën.

Ngjarja ka ndodhur ditën e djeshme, ku autoritetet amerikane nisën aksionin për ta kapur dhe për ta vënë atë para drejtësisë.

Renato Muhaj, 34 vjeç, u akuzua për vrasje të shkallës së parë, rrëmbim dhe abuzim të fëmijëve, tha shefi i policisë së Largo, Mike Soux gjatë një konference për shtyp pasdite.

Sipas mediave amerikane, hetimi filloi fillimisht pak para orës 3 të mëngjesit kur Muhaj goditi të dy prindërit e tij dhe ua hoqi telefonin në mënyrë që ata të mos mund të telefononin 911 për ndihmë, tha forcat e zbatimit të ligjit Clearwater në një deklaratë.

Gjatë hetimit, policia e Clearwater raportohet se ka kontaktuar Departamentin e Policisë Largo për të kontrolluar shtëpinë që i përket ish-të dashurës së Muhaj, Suela Saliaj dhe vajzës së tyre 8-vjeçare, Alessia Muhaj, në një kompleks apartamentesh në rrugën Clearëater Largo.

Soux thotë se oficerët e tij shkuan në zonë për të gjetur Renato Muhajn dhe panë shenja se një krim ishte kryer, mjaftueshëm për t’i shqetësuar ata se jeta e kujtdo që ishte brenda mund të jetë në rrezik.

“Sapo oficerët hynë në banesë, gjetën Saliajn të vdekur”, tha Soux. “Një pjesë e hetimeve është në vazhdim, por qartësisht ishte një vrasje”.

Vajza 8-vjeçare nuk ndodhej në banesë, gjë që më pas bëri që autoritetet të viheshin në kërkim të fëmijës dhe  Renato Muhajn.

Rreth orës 8:30 të mëngjesit, autoritetet mundën të gjenin një Kia Sportage ari të vitit 2017, automjeti që besohet se drejtohej nga Muhaj me vajzën e tij brenda,  tha shefi i policisë Loux.

Policia gjeti në makinë Renato Muhajn dhe vajzën e tij. Renato u dërgua në paraburgim ndërsa  fëmija është i sigurt dhe tani është me anëtarët e familjes.

Autoritetet nuk kanë thënë ende nëse kishte një urdhër ndalimi përpara se të gjendej trupi i Saliajt, por thanë se të dy jetonin në vende të ndara. Ata gjithashtu nuk dhanë detaje për motivin e vrasjes.

Departamenti i Policisë Clearëater thotë se Renato Muhaj do të përballet me akuza shtesë për sulm të rëndë, ndërhyrje të një dëshmitari dhe burgim të rremë.

Shpërthen një sasi lënde plasëse , dëmtohet një zyrë noteriale

Në rrugën “Perlat Rexhepi”, në Tiranë,  ka shpërthyer një sasi e vogël lënde plasëse dhe si pasoje është dëmtuar fasada e një zyre noteriale.

Zyra noteriale është në pronësi të noteres Esmeralda Dauti. Ngjarja ka ndodhur rreth orës 4:10 të mëngjesit ndërkohë grupi hetimor po punon për sqarimin e rrethanave të ngjarjes, identifikimin dhe kapjen e autorit/eve.

“Më datë 30.01.2024, rreth orës 04:10, është marrë njoftim se në rrugën “Perlat Rexhepi”, në ambientet e jashtme të një noterie, dyshohet se ka shpërthyer lëndë plasëse, dhe si pasojë ka vetëm dëme materiale”, thuhet në njoftimin e policë. Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve”, thuhet në njoftimin e policisë.

Paralajmërimi i frikshëm i Zelensky-t: Nis Lufta e III-të Botërore ,nëse bie Ukraina

Në një intervistë për median gjermane ARD, Presidenti ukrainas, Volodymyr Zelensky, u shpreh se nëse Ukrainas nuk do t’ia dalë të mposhtë Rusinë, atëherë nis Lufta e Tretë Botërore.

Ai bëri thirrje për mbështetje më të fortë ushtarake nga vendet perëndimore, ndërsa theksoi se kancelari gjerman, Olaf Scholz e kishte kuptuar më mirë natyrën reale të kërcënimit pas takimit të tyre në Berlin vitin e kaluar dhe se Gjermania kishte filluar të rrisë mbështetjen ushtarake.Përshtypja ime është se kancelari Scholz e kuptoi se Putini nuk është vetëm një emër, por një kërcënim dhe jo vetëm kërcënim për Ukrainën”, tha ai për ARD.

Ai shtoi se vendet evropiane, kryesisht ato baltike, mund të jenë objektivi i ardhshëm i Rusisë. “Unë mendoj se kancelari Scholz mendon se nëse nuk rezistojmë, Rusia do t’i afrohet më shumë Gjermanisë.

Kancelari Scholz e kupton që ekziston një rrezik i tillë dhe është padyshim lufta e tretë botërore. Nëse Rusia godet këtë apo atë vend të NATO-s, Në çdo rast do të nënkuptonte fillimin e Luftës së Tretë Botërore”, tha lideri ukrainas.

Transporti, shtohen fluturimet nga ajri, më shumë makina në Tiranë

Tremujori i katërt i 2023 ka shënuar zhvillime të vrullshme për sektorin e transportit. Sipas të dhënave të INSTAT, numri i pasagjerëve që kanë fluturuar përmes ajrit është rritur me 48%.

Ka pasur dhe më shumë blerje të automjeteve, që ishin 52% më të larta se në tremujorin e fundit 2022, kryesisht në kryeqytet. Tirana zuri 38,3 % ndaj mjeteve rrugore gjithsej të regjistruara në vend në tremujorin e katërt 2023.

“Mercedez Benz”, vijon të mbetet marka kryesore në rrugët shqiptare, me 18% të totalit, por po e humb gradualisht mbretërimin, pasi automjetet e reja që po blihen janë më shumë të markës “Volkswagen”. Kjo e fundit zuri me 21,8 % të mjeteve të reja të regjistruara për herë të parë, e ndjekur nga marka ““Mercedez Benz” me 17,5 %.

Në rritje ishte dhe transporti detar, sipas të dhënave të INSTAT.

Rriten me 48% pasagjerët nga ajri 

Në transportin ajror operojnë 20 shoqëri ajrore, nga këto 18 janë shoqëri të huaja dhe 2 janë shoqëri shqiptare. Gjatë tremujorit të katërt 2023, në hapësirën ajrore shqiptare kanë fluturuar 66.262 avionë, nga të cilët 79% të tyre e zë numri i mbikalimeve.

Volumi i mallrave (duke përfshirë postën) të hyrë dhe të dalë nëpërmjet transportit ajror rezultoi 515,4 ton, nga të cilat 76,0 % janë mallra të hyrë dhe 24,0 % janë mallra të dalë. Krahasuar me tremujorin e katërt 2022, volumi i mallrave paraqitet me ulje 12,0 %.

Në transportin ajror, mallrat e transportuara me postë zënë 13,2 % të volumit gjithsej të mallrave të transportuar me ajër. Krahasuar me tremujorin e katërt 2022, volumi i mallrave të transportuara me postë paraqitet me ulje 23,2 %.

Në tremujorin e katërt 2023, kanë udhëtuar me linja ajrore 1.890.085 pasagjerë. Krahasuar me të njëjtën periudhë të vitit 2022, ky tregues është rritur me 48,3 %.

Volumi i mallrave të tregtuara (eksport dhe import) me ajër në tremujorin e katërt 2023 është 408 ton.

Krahasuar me të njëjtën periudhë të vitit 2022, ky tregues është ulur me 4,0 %.

Volumi i mallrave të importuara me ajër në tremujorin e katërt 2023 zë 0,02 % ndaj volumit gjithsej të mallrave të importuara.

Transporti rrugor, Tirana kryeson për automjete, nga markat kryeson “Mercedez Benz”, por po rritet me shpejtësi “Volkswagen”

Gjatësia e rrjetit rrugor në shfrytëzim është 3.606* km, klasifikuar sipas kategorive të ndryshme, si autostradë, rrugë interurbane kryesore, rrugë interurbane dytësore, rrugë urbane dhe rrugë lokale. Rrugët interurbane dytësore zënë rreth 74,2 % të gjatësisë së rrjetit rrugor.

Në tremujorin e katërt 2023, numri gjithsej i mjeteve rrugore me status “aktiv” dhe “të çregjistruar përkohësisht” që qarkullojnë në territorin e Republikës së Shqipërisë deri në Dhjetor 2023 rezulton 867.765 mjete.

Në kategorinë e mjeteve rrugore sipas llojit, përqindjen më të madhe ndaj numrit gjithsej të mjeteve rrugore e zënë “Autoveturat” (80,6 %), “Automjetet për transport të përzier” (6,2 %) dhe “Motor” (5,5 %).

Në tremujorin e katërt 2023, numri më i lartë i mjeteve rrugore është regjistruar në qarkun e Tiranës, duke zënë 34,7 % të mjeteve rrugore gjithsej të regjistruara në vend, pasuar nga qarku i Durrësit me 13,4 % të mjeteve rrugore gjithsej.

Qarqet me numrin më të vogël të mjeteve rrugore janë qarku i Gjirokastrës me 2,2 % dhe qarku i Kukësit me 2,3 % të mjeteve rrugore gjithsej.

Marka “Mercedez Benz” është marka me qarkullim më të lartë në vend në kategorinë e mjeteve rrugore me 18,0 %, e ndjekur nga marka “Volkswagen” me 15,8 % dhe “Daimler Chrysler” 8,8 %.

Gjatë tremujorit të katërt 2023, janë regjistruar për herë të parë 21.900 mjete rrugore, me rritje 52.1% me bazw vjetore. Në kategorinë e mjeteve rrugore sipas llojit të regjistruar për herë të pare, përqindjen më të madhe ndaj numrit gjithsej të mjeteve rrugore e zënë “Autoveturat” (84,6 %) dhe “Motor” zënë (5,4 %).

Marka “Volkswagen” është marka me qarkullim më të lartë në vend në kategorinë e mjeteve rrugore të regjistruara për herë të parë me 21,8 %, e ndjekur nga marka ““Mercedez Benz” me 17,5 %.

Rritet dhe Transporti detar 

Në Shqipëri operojnë katër porte detare të cilët shërbejnë për transport mallrash: Porti i Durrësit, Vlorës, Shëngjinit dhe porti i Limjonit (Sarandë). Porti i Durrësit është porti kryesor në vend prej të cilit janë transportuar 94,3 % e volumit të mallrave të transportuar me det, ose 1.641 mijë ton mallra. Volumi gjithsej i mallrave të transportuara nga porti i Durrësit është rritur me 7,5 %, krahasuar me të njëjtën periudhë të një viti më parë.

Llojet e grup-mallrave kryesore të transportuara ndërmjet rrugëve detare sipas klasifikimit, NST 2007

(Nomeklatura e Statistikave të Transportit), për tremujorin e katërt 2023 paraqiten si më poshtë:

 Grupi “Metale bazë; produkte metalike të fabrikuara, përveç makinerive dhe pajisjeve” përbën 14,2 % të mallrave të transportuara nga portet;

 Grupi “Koks dhe produktet e rafinuara të naftës” përbën 12,7 % të mallrave të transportuara;

 Grupi i mallrave “Produkte të tjera minerale ( jo metalike)” përbën 11,2 % të mallrave të transportuara;

Grupi i mallrave “Qymyr dhe linjit; naftë bruto dhe gaz natyror” përbën 8,9 % të mallrave të transportuar.

Numri i anijeve të hyra dhe të dala nga portet në vend rezulton 207 anije, nga këto 168 anije janë të huaja dhe 39 anije vendase. Numri i anijeve të hyra dhe të dala në porte është rritur me 81,6 %, ku numri anijeve të huaja është rritur me 80,6 %, krahasuar me tremujorin e katërt 2022.

Portet detare ku kryhet transporti pasagjerëve në vend janë: Porti i Durrësit, Vlorës, Sarandës dhe porti i Shëngjinit. Lëvizja e pasagjerëve në tremujorin e katërt 2023 është kryer nga porti i Durrësit, Vlorës dhe porti i Sarandës.

Numri i pasagjerëve që kanë udhëtuar nëpërmjet porteve detare në vend është 197.377 persona, pothuajse i njëjti nivel me T IV 2022.

Porti i Durrësit është porti kryesor në vend nga i cili kanë udhëtuar 64,7 % e pasagjerëve, ndjekur nga porti i Sarandës me 24,9 % dhe më pas porti i Vlorës me 10,4 %.

Në tremujorin e katërt 2023, volumi i mallrave të tregtuara me det (eksport dhe import) është 1.389,5 mijë ton. Krahasuar me të njëjtën periudhë të vitit 2022, ky tregues është rritur me 8,8 %.

Volumi i mallrave të eksportuara me det në tremujorin e katërt 2023 zë 41,8 % ndaj totalit të volumit gjithsej të mallrave të eksportuara.

Volumi i mallrave të importuara me det në tremujorin e katërt 2023 zë 63,6 % ndaj totalit të volumit gjithsej të mallrave të importuara.

1...336337338...423Faqja 337 nga 423