I moshuari ndalohet në Hanin e Hotit dhe hedh armën nga makina, i sekuestrohen mbi 17 mijë euro

Një ngjarje si në filma ka ndodhur në pikën kufitare të Hanit të Hotit. Një i moshuar nuk ka ndaluar për të kryer proceduat për hyrjen në Shqipëri dhe është larguar me shpejtësi duke u futur në territorin shqiptar. Faruk Sekja për t’iu fshehur policisë ka tentuar të fshehë armën e zjarrit, por që i është gjetur.

Sakaq, të fshehur në automjet, i është gjetur edhe një shumë prej 17 640 eurosh, të ndarë në disa pjesë.

Finalizohet operacioni i përbashkët policor i koduar “COOPERATION”.

U largua me shpejtësi duke refuzuar kontrollin policor në territorin e Malit të Zi, bllokohet menjëherë nga Policia Kufitare shqiptare, në territorin e PKK Hani i Hotit.

72-vjeçari hodhi nga automjeti, 1 armë zjarri pistoletë, e cila u sekuestrua në cilësinë e provës materiale.

72-vjeçari, me precedent të mëparshëm penal, për armëmbajtje pa leje.

Gjatë kontrollit të përbashkët me homologët e Malit të Zi, në automjetin e 72-vjeçarit, u gjetën të fshehura edhe një shumë prej 17 640 eurosh, e ndarë në disa pjesë.

Në PKK Hani i Hotit, në territorin e Malit të Zi, në dalje për në Shqipëri, shtetasi F. S., i cili drejtonte një automjet tip “Benz”, nuk ka ndaluar për të kryer proceduat për hyrjen në Shqipëri dhe është larguar me shpejtësi duke u futur në territorin shqiptar, në PKK Hani i Hotit.

Punonjësit e Policisë Kufitare të Malit të Zi kanë sinjalizuar menjëherë punonjësit e Policisë Kufitare të Shqipërisë, të cilët kanë bllokuar menjëherë daljen nga pika e kalimit.

Drejtuesi i automjetit, shtetasi Faruk Sekja ka dalë nga automjeti dhe ka tentuar të fshehë armën e zjarrit pistoletë mbrapa një ndërtese në pikën e kalimit, por është gjetur dhe sekuestruar nga shërbimet e Policisë Kufitare shqiptare.

Gjatë kontrollit të përbashkët me homologët e Malit të Zi, shërbimet e Policisë Kufitare i gjetën këtij shtetasi, të fshehura në automjet, edhe një shumë prej 17 640 eurosh, të ndarë në disa pjesë.

Në përfundim të veprimeve të para hetimore u bë arrestimi i shtetasit Faruk  Sekja 72 vjeç, banues në Shkodër, me precedentë të mëparshëm penal për armëmbajtje pa leje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprat penale “Trafikimi i armëve dhe municionit”, “Mosdeklarimi në kufi i të hollave dhe i sendeve me vlerë”, “Pastrimi i produkteve të veprës penale” dhe “Mosbindja ndaj urdhrit të punonjësit të policisë”

Dëmet nga shpërthimi me bombe në Ministrinë e Punës në Athinë

Zbardhen pamjet nga shpërthimi me bombë artizanale në Ministrinë e Punës në Athinë.

Mesohwt se një telefonatë anonime e kryer rreth orës 00.49 pas mesnate në një televizion dhe një gazetë të Athinës paralajmëroi hedhjen në erë me një mekanizëm shpërthyes të Ministrisë së Punës në kryeqendrën greke.

Personi i panjohur tha se telefononte në emër të organizatës revolucionare “Vetëmbrojtja e klasës revolucionare”. Policia është vendosur menjëherë në lëvizje, duke bërë rrethimin e zonës dhe ndalimin e qarkullimit në rrugën “Stadhiu” të kryeqytetit helen.Ndërkohë nga shpërthimi i ndodhur në orën 01.29, sipas orës lokale, ka lënë të dëmtuar kangjellën e rrethimit dhe janë thyer disa xhama në perimetrin e ndërtesës, por pa dëme serioze për këtë institucion.

Gazeta zvicerane shkrim për ish-zv/kryeministri shqiptar ,Arben Ahmetajn

Intervista u zhvillua në një studio të improvizuar. Dy burra me kostume të zeza qëndruan përballë njëri-tjetrit në një sfond të zi, njëri gazetar shqiptar me mjekër të plotë, tjetri ish-ministër muskuloz në qeverinë shqiptare. Biseda e transmetuar mbrëmjen e së enjtes nga një televizion privat në Tiranë ka zgjatur më shumë se dy orë.

Bëhej fjalë për korrupsion, shpërdorim pushteti, kërcënime, miqësi të prishura dhe absurditete të tjera të politikës shqiptare. Vendi ku u takuan dy burrat nuk u zbulua. Por sipas disa burimeve intervista ka ndodhur në Zvicër. Këtu mësohet se politikani Arben Ahmetaj fshihet nga drejtësia shqiptare, madje flitet për një kërkesë për azil. Mërgimi më i famshëm i Shqipërisë bëri një aluzion të paqartë për këtë.

Ai tani jeton në një apartament që i përket një komune në vendin pritës. Sekretariati Shtetëror për Migracionin nuk dëshiron të komentojë rastin – “për arsye të të dhënave dhe mbrojtjes personale”.

Për vite me radhë Ahmetaj ishte një njeri i fuqishëm në Tiranë: zv/kryeministër, ministër Financash, kreu i organit tatimor. Si njeri i besuar i kryeministrit Edi Rama, ai drejtoi punimet e rindërtimit pas tërmetit të 2019. Më pas Ahmetaj ra nga hiri dhe është në kërkim me urdhër arresti që në korrikun e kaluar. Mësohet se ai ka përvetësuar shuma të mëdha parash. Si shumë skandale të tjera në Shqipëri, edhe ky nisi me gjoja qëllimet më të mira.

Qeveria donte të zgjidhte problemin e plehrave në vend, të mbyllte deponitë e egra, të mblidhte mbetjet e shtrira pothuajse kudo dhe t’i hidhte ato në impiantet moderne të djegies së mbetjeve. Këta supozohej t’i ndërtonin dy biznesmenë të dyshimtë dhe ata merrnin porositë përkatëse nga shteti.

Shumë shqiptarë janë dorëzuar prej kohësh

Por Shqipëria është një vend në të cilin shpesh janë të mundshme gjëra të pabesueshme. Shumica e impianteve të djegies së mbetjeve nuk u ndërtuan kurrë, por paratë rrodhën në përrenj nga thesari i shtetit. Autoritetet vunë në dispozicion mbi 100 milionë franga vetëm për një objekt në kryeqytetin Tiranë që nuk ekziston deri më sot.

Ku u zhdukën këto fonde? Kush përfitoi? Kush qëndron pas skemës masive të korrupsionit?

Këto pyetje shqetësojnë gjyqësorin, shumë shqiptarë kanë hequr dorë prej kohësh dhe po largohen nga vendi për në Evropën Perëndimore.

Në intervistë, Arben Ahmetaj ka hedhur poshtë akuzat dhe e sheh veten si peng. Kjo tingëllon si një justifikim i lirë. Por deklaratat e tij janë padyshim shpërthyese.

Ahmetaj akuzoi për korrupsion dy politikanët shqiptarë më me ndikim: kryeministrin Edi Rama dhe kryebashkiakun e Tiranës, Erion Veliaj. Ata janë përgjegjës për projektet e impianteve të djegies së mbetjeve “për ngritjen e flokëve”.

Përfituan edhe gazetarë dhe kompani mediatike të njohura shqiptare. Ata raportuan planet e qeverisë në një mënyrë jashtëzakonisht dashamirëse dhe e lejuan veten të përdoreshin për qëllime propagandistike.

Kushdo që bënte pyetje kritike duhej të përgatitej për sulme të egra. Verën e kaluar, platforma kërkimore Rrjeti Ballkanik i Gazetarisë Investigative (Birn) raportoi se ndërtimi i impiantit të djegies së mbetjeve në Tiranë ishte iniciuar personalisht nga kryebashkiaku Veliaj. Ai më pas e quan autorin si një “vrasës me kontratë”.

Një bashkëbisedues i cili ka njohuri në thellësi të politikës së brendshme shqiptare mund të citohet në mënyrë anonime të ketë thënë: “Nëse gjyqësori heton tërësisht, kjo aferë mund ta shkundë shtetin deri në themel”.

Agjencia kundër korrupsionit Spak, e themeluar me ndihmën e SHBA-së dhe BE-së, po përballet me provën e saj më të rëndësishme. Deri më tani, disa politikanë të rangut të lartë nga socialistët në pushtet janë dënuar me burgime të gjata në lidhje me skandalin, duke përfshirë një ish-ministër dhe një deputet.

Dy sipërmarrësit që duhej të ndërtonin impiantet e djegies së mbetjeve janë shpërngulur jashtë vendit. Sipas hetuesve shqiptarë, njëri prej tyre ka një llogari bankare në Zvicër.

Pushimet në Gstaad

Ahmetaj duket se e ka vlerësuar Zvicrën si destinacion pushimi edhe para se të ikte nga Shqipëria. Fotot e publikuara në mediat shqiptare e tregojnë atë duke bërë një shëtitje në Gstaad.

Hotelet e shtrenjta mësohet se janë paguar nga dy profiterët që pretendonin se do ta bënin Shqipërinë një parajsë pa plehra. Një ministër në Shqipëri fiton rreth 1700 franga në muaj. Vendi ballkanik konsiderohet si një vend i sigurt origjine në Zvicër që nga viti 2014 dhe azilkërkuesit nga shtetasit shqiptarë nuk kanë pothuajse asnjë shans. Prandaj, autoritetet në Tiranë mund të kërkojnë ekstradimin e Ahmetajt nëse ai ndodhet në Zvicër.

Por deri tani fjala e vetme zyrtare është se nuk e dimë se ku është Ahmetaj. Me intervistën televizive ai padyshim donte ta portretizonte veten si viktimë dhe madje foli për kërcënime që kishte marrë nga Shqipëria. Mesazhi i tij ishte se në vendlindje e priste një gjyq i padrejtë.

Ahmetaj me siguri shpreson në një vlerësim të ngjashëm nga autoritetet si në një rast tjetër: në vitin 2017, një hetues droge nga policia shqiptare mori azil në Zvicër së bashku me familjen e tij. Autoritetet e migracionit arritën në përfundimin se ai ishte në rrezik të persekutimit në Shqipëri, sepse ai kishte zbuluar pazare droge të drejtuara nga mafia parashtetërore. Kërkesa për ekstradim nga Tirana u refuzua në atë kohë./Tagesanzeiger.ch

Vret veten shqiptarja në Greqi pas tradhëtisë! Mesazhi i fundit në Facebook drejtuar të birit

Dhuna dhe tradhtia në familjen shqiptare në Pirgo të Greqisë, duket se detyroi Fatbardha Palin t’i japë fund jetës duke u vetvarur.

Ngjarja ndodhi mbrëmjen e sotme, ku më pas u gjet edhe trupi i viktimës.

Në informacione thuhet se policia gjeti viktimën të varur me një litar pak metra larg spitalit të Pirgosit.

Ajo u dërgua me urgjencë në spital, por mjekët thanë që nuk mundën ta shpëtonin.

Duket se shkak i vetëvrasjes së 47-vjeçares ishin problemet familjare dhe tradhtia e të shoqit, por edhe dhuna psikologjike e ushtruar ndaj saj.

Këtë tregon vetë viktima në një shkrim të publikuar nga vetë ajo në Facebook, ku sqaron me detaje kalvarin e problemeve të saj në familje.

“Turp te keni e mos e befshi piken e hajrit sa te jeni gjall ma lat cunin jetim ma bej hallall o bir babit ja hengren kurvat leket dhe un u detyrova ti djegi shpirti sic me dogji mua . Me futi ne kurth lona me miren. Se ato kishin qen para meje ke ai ju thash do marr i hak ilirit. Xhulio leket i ka lona me drriten se i kerkova ndarje ilirit hoqi leket nga banga mos i ndante ma bej hallall bir i mamit me ndyrsirat nuk rrohet. Mos e befshin piken e hajrit o zot…”, shkruan viktima.

Sulmi kibernetik, reagon INSTAT: Të dhënat e Censit 2023 nuk janë objekt i sulmit

Instituti i Statistikave ka reaguar sërish pas sulmit kibernetik që preku sistemin më 31 janar 2024. Në një postim në rrjetet sociale, INSTAT bën të ditur se do të shtyhet publikimi i statistikave zyrtare deri në një njoftim të dytë.

Sipas INSTAT sulmi ka bërë që shërbimet e internetit të faqes zyrtare dhe emailit të jenë ndërprerë.
Por megjithatë INSTAT siguron publikun se të dhënat e Censit 2023 nuk janë objekt i këtij sulmi.

Tiranë, më 02 Shkurt 2024: Instituti i Statistikave (INSTAT) njofton publikun se për shkak të një sulmi kibernetik që preku disa nga sistemet e tij më 31 janar 2024 do të shtyjë publikimin e statistikave zyrtare deri në një njoftim të dytë. Sulmi kibernetik i cili synoi të dëmtojë të dhënat e INSTAT ka bërë që shërbimet e internetit të faqes zyrtare dhe emailit të jenë ndërprerë.

INSTAT siguron publikun se të dhënat e Censit 2023 nuk janë objekt i këtij sulmi. Ekipi teknik i INSTAT menjëherë aktivizoi protokollet e emergjencës për të mbrojtur të dhënat dhe parandaluar dëmtime të mëtejshme.

INSTAT do të vazhdojë aktivitetin e tij statistikor dhe do të përdorë mjete alternative komunikimi si adresa e email-it instat.albania@gmail.com dhe kanalet zyrtare të rrjeteve sociale, Instagram dhe Facebook.

INSTAT i kërkon ndjesë publikut për këtë pamundësi ofrimi shërbimesh momental që shkaktoi ky incident dhe siguron publikun se po punon intensivisht për të rikthyer shërbimet e tij sa më shpejt të jetë e mundur.

INSTAT do të njoftojë datat e reja të publikimit dhe falënderon përdoruesit, partnerët dhe veçanërisht ekspertët e Autoritetit Kombëtar për Certifikimin Elektronik dhe Sigurinë Kibernetike (AKCESK) për ndihmën dhe mbështetjen e tyre të vazhdueshme gjatë kësaj periudhe deri në funksionimin e plotë të gjithë sistemeve të Teknologjisë së Informacionit të INSTAT.

INSTAT mbetet i angazhuar për të siguruar statistika zyrtare me cilësi të lartë dhe të besueshme për përdoruesit.’- njofton INSTAT.

18-vjeçarja i jep fund jetës me fostoksinë pas konflikteve me bashkëshortin

Një ngjarje e rëndë ka ndodhur në Lushnjë, ku një 18-vjeçare i ka dhënë fund jetës duke pirë fostoksinë. Konfliktet e vazhdueshme me bashkëshortin dyshohet se janë bërë shkak që e reja të marrë këtë akt ekstrem duke i dhënë fund jetës.

18-vjeçarja ka humbur jetën pasditen e djeshme, 1 shkurt, në spital. Burime për thonë se shkak për konfliktet e vazhdueshme mes çiftit dyshohet se është bërë xhelozia. 24-vjeçari akuzonte bashkëshorten se ajo e tradhtonte. 

Ndërkohë ka nisur hetimi për bashkëshortin e saj 24-vjeçar.

Specialistët për Hetimin e Krimeve të Komisariatit të Policisë Lushnjë referuan materialet në Prokurori ku nisi procedimi penal për shtetasin E. D., 24 vjeç, banues në fshatin Çukas, pasi dyshohet se nga konfliktet e vazhueshme me bashkëshorten e tij, shtetasen B. M., 18 vjeçe, banuese në fshatin Fiershegan, ajo ka konsumuar lëndë helmuese (fotoksinë) dhe për pasojë ka humbur jetën, në spital, pasditen e djeshme”, njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Grabitet pika e këmbimit valutor, hajdutët vjedhin rreth 10 mijë euro

Grabitet pika e këmbimit valutor në Kamëz, hajdutët vjedhin 10 mijë euro.

Falsifikim dokumentesh dhe shpërdorim detyre, Prokuroria Fier jep masa sigurimi për pesë punonjës policie

Prokuroria Fier ka dhënë sot masat e sigurisë për pesë punonjës policie, të cilët dyshohen se në cilësinë e punonjësit e policisë të Seksionit të Trafikut Interurban dhe Urban në Drejtorinë Vendore të Policisë Fier, kanë kryer veprime në kundërshtim me ligjin, që lidhen me praktikat të kundërvajtjeve administrative që kryenin shtetas të ndryshëm duke i përshtatur ato sipas kërkesave të kundërvajtësve.

Njoftimi: 

Prokuroria pranë Gjykatës së Shkallës së Parë të Juridiksionit të Përgjithshëm Fier ka regjistruar procedimin penal nr. 363/2023, për veprat penale “Shpërdorimi i detyrës” dhe “Korrupsioni pasiv i personave që ushtrojnë funksione publike”, parashikuar nga nenet 248 dhe 259 pg.1 i Kodit Penal. Ky procedim është regjistruar mbi bazën e informacionit referues të Agjencisë së Mbikëqyrjes Policore, Drejtoria Rajonale Fier-Berat.

Pas kryerjes së veprimeve hetimore që lidhen me natyrën e këtij procedimi, nga ana e Prokurorisë pranë Gjykatës së Shkallës së Parë të Juridiksionit të Përgjithshëm Fier, u kërkua në gjykatë, marrja e masave të sigurimit personal ndaj personave nën hetim E.M, D.V, E.B, V.Th dhe F.H., sepse ekziston dyshimi i arsyeshëm se këto shtetas, në cilësinë e punonjësit e policisë të Seksionit të Trafikut Interurban dhe Urban në Drejtorinë Vendore të Policisë Fier, kanë kryer veprime në kundërshtim me ligjin, që lidhen me praktikat të kundërvajtjeve administrative që kryenin shtetas të ndryshëm duke i përshtatur ato sipas kërkesave të kundërvajtësve.

Nga ana e Gjykatës së Shkallës së Parë të Judiksionit të Përgjithshëm Fier, me vendimin nr.62-2024-1035, datë 31.01.2024, është vendosur pranimi i kërkesës së prokurorisë dhe caktimi i masave të sigurimit për shtetasit me detyrë punonjës policie si më poshtë:

Caktimin ndaj shtetasit E.H, të masës së sigurimit personal “Ndalimi i daljes jashtë shtetit” dhe “Pezullim i ushtrimit të një detyre a shërbimi publik”, parashikuar nga neni 233 dhe 242 i Kodit të Procedurës Penale. I dyshuar për kryerjen e veprës penale “Shpërdorimi i detyrës”, parashikuar nga neni 248, i Kodit Penal.

Caktimin ndaj shtetasit D.V, të masës së sigurimit personal “Ndalimi i daljes jashtë shtetit” dhe “Pezullim i ushtrimit të një detyre a shërbimi publik”, parashikuar nga neni 233 dhe 242 i Kodit të Procedurës Penale. I dyshuar për kryerjen e veprës penale “Shpërdorimi i detyrës”, parashikuar nga neni 248, i Kodit Penal.

1...332333334...424Faqja 333 nga 424