Sherr mes 2 vajzave në Fier, ndiqen penalisht

Policia e Fierit njofton se ka proceduar penalisht një 19-vjeçare dhe një 17-vjeçare, pasi janë konfliktuar me një tjetër 17-vjeçare.Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Fier/Në pranga 2 shtetas,procedohen në gjendje të lirë 4 të tjerë

DVP Fier/Vihen në pranga 2 shtetas dhe procedohen në gjendje të lirë 4 të tjerë, për vepra penale të ndryshme.

Specialistët e Sektorit të Policisë Rrugore të DVP Fier arrestuan në flagrancë shtetasit:

-P. N., 55 vjeç, banues në Fier, pasi ditën e djeshme, në aksin rrugor “Fier – Patos”, automjeti që drejtonte ky shtetas, në gjendje të dehur, është përplasur me automjetin me drejtues shtetasin L. Xh.. Nga përplasja ka patur vetëm dëme materiale;

-Q. I., 29 vjeç, banues në fshatin Zhamë, pasi u kap duke drejtuar automjetin, në gjendje të dehur.

Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasit:

-A. E., 48 vjeç, banues në Fier, pasi dyshohet se ka kanosur për shkak të detyrës, një mjek;

-E. Sh., 19 vjeçe dhe për një 17-vjeçare, të dyja banuese në Fier, pasi dyshohet se për motive të dobëta janë konfliktuar fizikisht, me një shtetase 17 vjeçe.

Specialistët për Hetimin e Krimeve të Komisariatit të Policisë Divjakë referuan materialet në Prokurori ku nisi procedimi në gjendje të lirë për shtetasin J. M., banues në Divjakë, pasi dyshohet se për motive pronësie, ka kanosur një shtetas.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Shfrytëzonin një të mitur 10 vjeç, me qëllim përfitimin nga rrjeti social TikTok, duke postuar video të tij, në pranga babai dhe gjyshja e të miturit

Kuçovë

Finalizohet pas 2 muajsh hetime me metoda proaktive, operacioni policor i koduar “Show”.

Operacioni, nga Komisariati i Policisë Kuçovë, në bashkëpunim me Komisariatin e Policisë Sarandë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat.

Shfrytëzonin një të mitur 10 vjeç, me qëllim përfitimin nga rrjeti social TikTok, duke postuar video të tij, me fjalë denigruese dhe banale, vihen në pranga 2 shtetas (babai dhe gjyshja e të miturit).

Specialistët e Seksionit për Hetimin e Krimeve të Komisariatit të Policisë Kuçovë, pas kallëzimit të marrë në muajin dhjetor 2023, nga shtetasja E. A., se ish-bashkëshorti i saj dhe nëna e tij, postonin në rrjetin social TikTok, video ku shfaqej djali i saj i mitur 10 vjeç, duke përdorur fjalë denigruese dhe banale, menjëherë kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Berat, e cila regjistroi procedimin penal për këtë rast.

Si rezultat i hetimeve dymujore me metoda proaktive, u bë shpallja në kërkim e shtetasve A. K. dhe N. R.

Pas sigurimit të inteligjencës policore, nga specialistët për Hetimin e Krimeve të Komisariatit të Policisë Kuçovë, për vendndodhjen e këtyre 2 shtetasve, u organizua në bashkëpunim me Komisariatin e Policisë Sarandë, operacioni policor i koduar “Show”.

Në kuadër të operacionit, u kapën në Sarandë, 2 shtetasit e shpallur në kërkim, të cilët më pas u shoqëruan në Komisariatin e Policisë Kuçovë, për veprime të mëtejshme procedurale.

Në përfundim të veprimeve të kryera në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat, specialistët për Hetimin e Krimeve të Komisariatit të Policisë Kuçovë kanë ndaluar shtetasit A. K., 44 vjeç dhe N. R., 67 vjeçe, të dy banues në Sarandë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

AMP pezullon nga detyra një inspektor në DVP Fier, i dyshuar për “Korrupsion pasiv”

Agjencia e Mbikëqyrjes Policore (Rajoni Fier-Berat), pas një hetimi të ndjekur me metoda të posaçme të hetimit ka zbatuar Urdhrin e Prokurorisë për ekzekutimin e vendimit të Gjykatës së Shkallës së Parë të Juridiksionit të Përgjithshëm Fier, e cila ka vendosur masës e sigurimit personal me karakter shtrëngues “Ndalim i daljes jashtë shtetit dhe masën e sigurimit personal me karakter ndalues “Pezullimi i ushtrimit të një detyre a shërbimi publik” ndaj punonjësit të policisë Inspektor R. A., me detyrë Trup Shërbimi në Trafikun Urban dhe Interurban në Seksionin e Trafikut Ubran dhe Interurban pranë DVP Fier, i dyshuar për veprën penale “Korrupsion pasiv i personave që ushtrojnë funksione publike”.

Vendimi i Gjykatës erdhi në funksion të Procedimit Penal të vitit 2024, hetuar për veprat penale “Korrupsion aktiv i personave që ushtrojnë funksione publike”, “Korrupsion pasiv i personave që ushtrojnë funksione publike” dhe “Shpërdorimi i detyrës”.

Nga hetimi i kryer nga AMP u dokumentua me prova se punonjësi i policisë, Inspektor R. A., gjatë kryerjes së detyrës së tij funksionale, kryente veprime korruptive me drejtues automjetesh duke mos i ndëshkuar ata me masa administrative.

AMP mbetet e përkushtuar në misionin për garantimin e zbatimit të ligjit dhe vetëpastrimin e Policisë.

Proteta e opozites-Flakë para Kryeministrisë

Hidhen molotov, kapsolle dhe shashka në drejtim të Kryeministrisë

Nis protesta kombetare e opozites para Kryeministrise

Ka nisur para pak çastesh protesta e opozitës e thirrur nga Berisha-Bardhi, ku qindra qytetarë janë mbledhur para Kryeministrisë.

Godina e Kryeministrisë është rrethuar nga 1200 forca policie, të cilat janë në gatishmëri në rast të ndonjë indicenti.

Dyert e godinës janë blinduar ndërsa në gatishmëri janë Forcat e Ndërhyrjes së Shpejtë, Forcat e Sigurisë Kombëtar, Garda dhe Forcat Shqiponja. Po ashtu, prezente janë forca zjarrfikëse dhe ambulanca.

Bulevardi po mbikëqyret nga kamerat, të cilat janë pozicionuar sipër godinave.

Ndërkohë, deputetët e opozitës së bashkuar i janë drejtuar sheshit para kryeministrisë për të mbajtur fjalën e tyre.

Basha në gjumë..por me lekë-KQZ i jep 1 milion euro të tjera

Ky 20 shkurt e gjeti Lulzim Bashën sërish humbës përballë shumicës dhe pakicë brenda pakicës.

Megjithëkëtë, kur vjet puna te paratë, atij i shkojnë punët vaj.

Këtë të martë, kryetarit zyrtar të PD-së, Komisioni Qendror i Zgjedhjeve i arkëtoi plot 106 milionë lekë, ose gati 1 milionë euro.

Kaq i vlen Bashës vula e PD-së dhe kjo me sa duket, është një tjetër arsye për ta mbajtur vulën fort me cdo cmim.

KQZ shpërndau fondet vjetore për partitë politke, dhe formula ju jep subjekteve zgjedhore financim në bazë të numrit të votave të marra në zgjedhjet e fundit parlamentare.

Kështu, Lulzim Basha ka marrë para për të gjitha votat që PD-ja, aosokohe e bashkuar, mori në vitin 2021.

Sot, Basha ka 11 deputetë ndërsa 41 të tjerë i ka kundër, e të shpërndarë o me Berishën, o me Bardhin, ose me askënd.

Megjithëkëtë, ligji ia jep paratë kryetarit zyrtar të partisë, pa marrë në konsideratë se si kanë rrjedhur ngjarjet në vijim.

Me fjalë të tjera, Basha humbet votat, humbet edhe deputetët, por nuk do të humbasë paratë.

Ky bonus financiar për të do të vijojë edhe vitin tjetër, dhe vetëm kur të bëhen zgjedhje të reja për parlamentin, paratë do të llogariten ndryshe.

Ai do të vazhdojë t’i ketë këto favore, edhe sikur të vijojë me kokëfortësi të bëjë atë që ka në stilin e tij të pakonkurrueshëm:  të mos bëjë beteja, të zhduket kur ka krizë, të rishfaqet i buzëqeshur muaj më pas, dhe të mos flasë atëherë kur i kërkohet.

FONDET E SHPËRNDARA NGA KQZ

Partia Socialiste                     151.494.783 lekë

Partia Demokratike               106.661.181 lekë

Partia e Lirisë                          15.577.215 lekë

Partia Social Demokrate      12.266.269 lekë

PR                               11.488.669 lekë

PDIU                           9.753.658 lekë

PBDNJ                       8.018.647 lekë

PAA                            8.018.647 lekë

LZHK                         8.018.647 lekë

PLL                             8.018.647 lekë

Nisma Thurje           6.283.636 lekë

Miratohet Amnistia Penale në Komisionin e Ligjeve, të enjten votohet në Parlament

Pas mbledhjes së Komisionit të Ligjeve, është miratuar Amnistia Penale. Ajo do të votohet këtë të enjte, në seancën parlamentare të rradhës.

Do të amnistohen të gjithë burrat që u kanë mbetur dhe 4 vite nga kryerja e dënimit dhe gratë që u kanë mbetur 5 vite burg. Pra mund të jesh dënuar me 9 apo 10 vite por të kanë mbetur 4 dhe 5 vjet nga vuajtja e dënimit.Amnistia mori parasysh edhe propozimet e bëra nga Partia Demokratike, ndërkohë që në votim nuk mori pjesë deputeti Enkeled Alibeaj, i cili tha se duhej më shumë kohë për shqyrtimin e amendamenteve.

1...317318319...431Faqja 318 nga 431