DVP Fier/

Specialistët për Hetimin e Krimeve të Stacionit të Policisë Patos arrestuan në flagrancë shtetasin F. Sh., 20 vjeç, banues në Fier pasi dyshohet se ka përndjekur për një periudhë 2 mujore, një shtetase 17 vjecare.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Fier/Goditje të njëpasnjëshme kundër armëmbajtjes pa leje, në vijim të megaoperacionit kombëtar “Sundimi i ligjit”.

Finalizohet operacioni policor i koduar “Shinat”. Sekuestrohen armë zjarri, armë gjahu dhe një sasi e konsiderueshme municioni luftarak.

Policia kap në flagrancë dhe vë në pranga poseduesin e armëve dhe të municionit.

Si rezultat i administrimit të menjëhershëm të informacioneve nga inteligjenca policore, të siguruara në kuadër të planit operacional “Sundimi i ligjit”, specialistët për Hetimin e Krimeve të Komisariatit të Policisë Fier në bashkëpunim me shërbimet e Forcës së Posaçme “Shqiponja”, të DVP Fier, kanë finalizuar operacionin policor të koduar “Shinat”, si rezultat i të cilit u godit një tjetër rast i mbajtjes pa leje, të armëve dhe municionit.

Gjatë operacionit u kap në flagrancë dhe u vu në pranga shtetasi E. I., 31 vjeç, banues në Fier.

Nga kontrollet, 31-vjeçarit iu gjetën 1 armë zjarri kallashnikov, 1 armë gjahu, 2 krehra me fishekë dhe 530 fishekë luftarak, të cilët u sekuestruan në cilësinë e provës materiale, së bashku me celularin e të arrestuarit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Në vrasjen e 50-vjeçarit Pëllumb Meta në Durrës, një ngjarje e rëndë që u zbardh një ditë më parë, rezultoi se në këtë krim ishin të përfshirë familjarët.

Fillimisht ishte vajza 19-vjeçarja, Hygerta Meta, ajo që rrëfeu se kishte kryer krimin e rëndë, duke thënë se vrau babanë e saj për shkak të konflikteve dhe se donte ta fejonte pa dëshirë.

Por me pas me vijimin e hetimeve ngjarja mori tjetër rrjedhë, pasi u zbulua se autori i dyshuar i krimit ishte djali i viktimës, 25 –vjeçari Hysen Meta.

Megjithatë për këtë ngjarje u arrestuan të tre fëmijët. Ndërsa hetimet vijojnë ende për të zbardhur të plotë këtë krim horror të ndodhur në fshatin Shënvlash të Durrësit.

50-vjeçari u gjet më (23 shkurt 2024) i groposur në një gropë rreth 1.5 në kasollen pranë banesës, ku ishte i mbështjellë me plasmas. Ndërkohë pas ekzaminimit të armës policia arriti të shkonte drejt autorëve të dyshuar të kësaj vrasje.

Zhdukja e Pëllumb Metës u denoncua më 13 shkurt 2024, nga djali i madh Hyseni, 25 vjeç, kallëzim që vuri në lëvizje policinë e Durrësit.

“”Po unë e qëllova. Debatuam keq. Ishin edhe anëtarët e tjerë të familjes në shtëpi. Ishte data 10 shkurt. Ne mesdite ka ndodhur ngjarja. Nuk ishte hera e parë që debatonim. Aty u mbush kupa. Kur ikte ai ne pune i thoshim njeri tjetrit na nxiu jetën, me këtë njeri nuk jetohet. Mesditën e dhjetë shkurtit, gjatë debatit mora pistoletën dhe e qëllova disa herë. Nuk me kujtohet sa herë e shkrepa armen. Ishim ne dhome, atë e mbuloi gjaku. Bashke me motrën dhe vëllain e morëm trupin, e mbështollëm me plastmas mos të rridhte gjak. Me pas hapëm gropën brenda kasolles me qëllim mos të na shikonte njeri. Gjate mbrëmjes zhvendosem trupin nga shtëpia deri te kasollja. E mbuluam aty. Me pas planifikuam se çfarë do të thoshim në polici. Pasi zhdukem trupin, duhet të zhduknim makinën. E morëm makinën dy ditë me pas dhe çuam diku afër sektorit Rinia. Pastaj erdhëm ne polici. Me pas dihet, ndodhi ajo qe e dini edhe ju. E zbuluat. Donte ta merrte përsipër motra pasi në një farë mënyre ishte shkaku i sherrit. Por e vërteta është kjo që them unë. Marrë përsipër autorësinë, nuk jam penduar. Me vjen keq vetëm për motrën dhe vëllain se nuk kanë faj fare”,- ka qenë kjo një pjese e dëshmisë se 25 vjeçarit.

Një ngjarje e rëndë është regjistruar në Durrës, ku një 19-vjeçare u mendua se ka vrarë babain e saj, ndërsa më pas e ka varrosur në oborrin e shtëpisë por nga hetimet e policisë së Durrësit mësohet se autor i ngjarjes ka qenë djali i madh i viktimës.

I ftuar në studion e emisionit “3D” në RTSh, eksperti i kriminalistikës Ervin Karamuço tha se autorësia e vrasjes së Pëllumb Metës u zbuluar nëpërmjet përgjuesve që ishin vënë shtëpi.

“Ka rezultuar se familjarët nuk nxirrni versione të njëjta kur flisnin në deklarimet e tyre por edhe logimi i celularit i cili dilte se babai pavarësisht ishte zhvendosur makina vendodhja përfundimtare kishte qenë aty dhe mbas disa orësh kur dyshohej mund të kishte humbur ai ishte zhvendosur me makinë dhe celularit i kishte humbur sinjali. Kuptohej që nga shtëpia ishte larguar diçka dhe jo anasjelltas.

Menjëherë u vunë përgjues në shtëpi në kuadër edhe të dyshimeve që kishte dhe aty rezultojë edhe nga diskutimet që kishte midis tyre sidomos gjatë natës flitej për kufomën, gropa historia që kishin të bënin me perimetrin brenda banesës”, u shpreh Karamuço.

Në të paktën 8 bashki të audituara nga KLSH procedurat e ndjekura për lejet e ndërtimit apo përmbushja e kritereve teknike dhe urbane ka shfaqur probleme në disa aspekte

Të publikuara së fundmi raportet e auditit kanë marrë në analizë bashkinë Vorë për të cilën nënvizohet se për disa objekte nuk janë respektuar distancat minimale nga objekti në objekt dhe për këtë janë sjellë edhe rastet konkrete. Ndërkohë edhe një tjetër bashki ajo e Pogradecit duket se ka të njëjtin problem.

Raporti i auditit nënvizon se lejet e ndërtimit të audituara janë miratuar në mos përmbushje të dokumentacionit të rregullt sektorial për ndërtimin, duke evidentuar mangësi që lidhen me treguesit e distancave ndërmjet ndërtimeve dhe pronave.

Për Bashkinë Mirditë sa i takon lejeve problematika e evidentuat lidhet me dokumentet që nuk janë të nënshkruara elektonikisht.

“Nga DPKZHT dhe Bashkia Mirditë të merren masa për të kontrolluar nënshkrimin elektronik në të gjithë dokumentacionin e dorëzuar në sistemin e-lejet,

të vërtetojë nëse këto dokumente janë nënshkruar ose jo elektronikisht, nëse ky nënshkrim është kryer sipas përcaktimeve ligjore dhe nëse është kryer nga personat përgjegjës për hartimin e këtyre dokumenteve” thuhet në raport.

Për bashkinë Selenicë problematika sa i takon lejeve ka të bëjë me komunikimin institucional ku sipas raportit nuk është saktësuar se cilat sipërfaqe kanë kaluar për ndërtim objektesh.

“Drejtoria e MTPM, Bordit të Kullimit, Pyjeve dhe Kullotave nuk ka bashkëpunuar me DPZHT Bashkia Selenicë, për të marrë informacion lidhur me sipërfaqet që kanë kaluar për ndërtim objektesh, si dhe nga ASHK për ato sipërfaqe me transaksion për shitje tokash apo për regjistrim të lejeve të ndërtimit” thuhet në raport.

Edhe për Bashkinë Klos KLSH ka konstatuar se ka problematika me afatet kohore të shqyrtimit të dokumentacionit për lejet si dhe distancat minimale.

“Nga DPZHT Klos të merren masa që lejet e ndërtimit të miratuara të jenë në përputhje dhe të respektojnë distancat minimale të lejuara ndërmjet objektit dhe kufirit të pronës.

Nga Bashkia Klos të merren masa për shqyrtimin brenda afateve kohore të kërkesave për pajisje me leje ndërtimi.

-Nga Bashkia Klos të merren masa për respektimin e të gjitha kritereve të përcaktuara, për rregullimin e veprimtarisë ndërtimore të subjekteve zhvilluese” rekomandon KLSH.

Për Bashkinë Delvinë KLSH ka konstatuar se gjatë auditimit të rasteve konkrete distancat ndërmjet objektit dhe kufirit të pronës nuk janë respektuar sipas kritereve të Rregullores së Zhvillimit të Territorit dhe Planit të Përgjithshëm Vendor për Bashkinë Delvinë.

Po kështu mungon dokumentacioni shoqërues si dhe projektet teknike, që në tërësinë e tyre, përbëjnë projektin ndërtimor, siç janë relacioni teknik për projektin e mbrojtjes nga zjarri, studimi sizmik dhe gjeologjik, projekti i instalimeve të ngrohje-ftohjes, si dhe raporti i auditimit të eficiencës energjetike.

Në Bashkinë Tropojë auditimi ka dalë në konkluzionin se gjatë viteve 2021-2022 në Bashkinë Tropojë nuk është miratuar Leje Ndërtimi për subjekte private në pronë shtetërore.

Të gjitha Lejet e miratuara kanë qenë në truall privat të personave apo subjekteve që kanë aplikuar dhe janë pajisur me leje ndërtimi. Për Kukësin KLSH ka vlerësuar në raport se janë konstatuar anomali në fushën e lejeve të ndërtimit dhe zbatimit të tyre në teren.

“Në 2 raste plan vendosja e paraqitur nuk është në përputhje me projektin e miratuar. Në 2 raste nuk janë respektuar distancat minimale ndërmjet objektit dhe kufirit të pronës.

Në 1 raste dokumentacioni i ngarkuar në sistemin e-leje, paraqitet me deviacione të sipërfaqes ekzistuese të truallit para miratimit të shtesës për leje. Në 2 raste realizimi i punimeve të ndërtimit nuk është në përputhje me leken e ndërtimit të miratuar” thuhet në dokument.

Burimi: Monitor