Një ish depozitë e naftës bruto e kapacitetit 10 mije meter kub por me mbetje te naftës bruto ka shpërthyer në flakë pasditen e sotme. Depozita ka qënë e repartit të transportit të baftës në ish KPTHN në Ballsh e repartit 16/1.

Shkaku i rënies së zjarrit ka qënë sepse një grup pune që po kryejnë shkaterrimin e depozitave per skrap duke prerë me troko dhe oksigjen ka rënë në kontakt me mbetje të gazrave e naftë bruto e ka shpërthyer në flakë.

Fatmirësishtë nuk ka pasur viktima apo të plagsour.

Ish-depozitat me lëndë djegëse në qytetin e Ballshit janë përfshirë ditën e sotme nga flakët.

Ministri i Brendshëm Taulant Balla ka konfirmuar përmes rrjeteve sociale se zjarrfikësit kanë shkruar në vendngjarje dhe po punojnë për shuarjen e flakëve.

“Shërbimet zjarrfikëse po punojnë për fikjen e një zjarri në disa ish-depozita lëndë djegëse dhe vendosjen e flakëve nën kontroll”, shkroi Balla në Facebook.

Fier/Informacion paraprak

Rreth orës 16:05 në vendin e quajtur “Rrethrrotullimi i Plasmasit”, në një kapanon në ndërtim dyshohet se gjatë punës, një vinçier duke drejtuar një vinç, aksidentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm.

Si pasojë e shpërthimit ka humbur jetën shtetasi L. V., dhe janë plagosur 8 shtetas mes tyre dhe deputeti B. Ç., të cilët ndodhen në spital për ndihmë mjeksore.

Menjëherë nga Drejtoria Vendore e Policisë Fier dhe Komisariati i Policisë Lushnjë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe shkakut të shpërthimit.

DVP Fier/Goditje të njëpasnjëshme kundër armëmbajtjes pa leje, në vijim të megaoperacionit kombëtar “Sundimi i ligjit”.

Finalizohet operacioni policor i koduar “Armed”, për parandalimin e ngjarjeve kriminale.

Qarkullonin të armatosur me armë zjarri pistoleta, falë ndërhyrjes në kohë, kapen dhe vihen në pranga 3 shtetas, 2 prej të tyre vëllezër.

Shtetasit që qarkullonin me armë zjarri, kanë tentuar t’i shmangen Policisë dhe t’i fshehin armët, por janë arrestuar në flagrancë.

Sekuestrohen 2 armët e zjarrit, municioni luftarak dhe 2 automjete të blinduara.

Armët e zjarrit do të dërgohen në Institutin e Policisë Shkencore, për ekzaminime të mëtejshme, për të parë nëse janë përdorur në ndonjë ngjarje kriminale të ndodhura më parë.

Në zbatim të masave të përcaktuara në planin operacional kombëtar “Sundimi i ligjit”, kontrolleve të ushtruara bazuar në inteligjencën polciore, strukturat hetimore dhe operacionale të DVP Fier dhe të Komisariatit të Policisë Fier, në bashkëpunim sherbimet e Forcës së Posaçme “Shqiponja” dhe me mbështetjen e Forcës Kombëtare të Sigurisë Njësia Fier, organizuan dhe finalizuan operacionion policor të koduar “Armed”.

Si rezultat i operacionit, shërbimet e Policisë kapën dhe arrestuan në flagrancë në fshatin Fermë Çlirim, shtetasit R. K., 25 vjeç, B. K., 24 vjeç (vëllezër) dhe B. A., 50 vjeç, të tre banues në fshatin Sulaj, Fier. Këta shtetas qarkullonin të armatosur dhe në momentin që kanë parë shërbimet e Policisë, kanë tentuar të largohen dhe të fshehin armët duke i hedhur në një zonë me bimësi, por nuk kanë mundur dot të largohen pasi janë kapur nga shërbimet e Policisë.

2 armët e zjarrit pistoleta janë gjetur dhe janë sekuestruar në cilësinë e provës materiale.

Në vijim të veprimeve procedurale, shërbimet e Policisë kanë sekuestruar në cilësinë e provës materiale edhe 2 automjete të blinduara, që u gjetën gjatë kontrollit të ushtruar në një subjekt (karburant).

Vijon puna hetimore për dokumentimin e plotë të veprimtarive kriminale të këtyre shtetasve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Dronët ‘Bayraktar’ kanë tashmë janë në Shqipëri. Kështu bën me dije ministri i Mbrojtjes, Niko Peleshi. Prej dy ditësh, ka filluar montimi dhe paralelisht po kryhet instalimi i infrastrukturës mbështetëse për operimin dhe kontrollin e tyre, ndërsa dronët janë vendosur në bazën e NATO-s në Kuçovë.

Dronët Bayraktar, të njohur për efikasitetin dhe teknologjinë e tyre të avancuar, tashmë janë në Shqipëri! Prej dy ditësh, ka filluar montimi dhe paralelisht po kryhet instalimi i infrastrukturës mbështetëse për operimin dhe kontrollin e tyre.

Ky zhvillim jo vetëm që rrit aftësitë e mbrojtjes së Shqipërisë, por shërben edhe si dëshmi e angazhimit të vendit për të garantuar sigurinë kombëtare dhe për të përmbushur standardet më të larta të mbrojtjes. Kjo arritje, simbol i dedikimit tonë drejt modernizimit dhe inovacionit në Forcat tona të Armatosura”, shkruan Peleshi.