Zbardhen detaje nga ndalimi i Liam Osmanit, i cili ndodhej brenda ambienteve të shtëpisë së Big Brother Vip 3 kur iu komunikua urdhri, me firmën e prokurorisë.

Konkurrenti më i ri i Big Brother, i cili i ishte bashkuar spektaklit mbrëmë, ndërpreu garën e tij pasi rezulton i dënuar për mashtrim. Madje gjykata e ka dënuar me 2 vite e 6 muaj burg. 

Osmani, sipas burimeve zyrtare, akuzohet se në vitin 2019, nëpërmjet mashtrimit, ka përvetësuar 17 bileta turistike për në Gjermani, për të cilat nuk ka kryer pagesat përkatëse

Dy ditë pas ngjarjes së rëndë që tronditi Lushnjën, ku pas një shërbimi në një kapanon në ndërtim humbën jetën dy persona dhe u plagosën 7 të tjerë, zbardhen detaje nga gjendja shëndetësore e deputetit të PS-së, Bujar Çela. Ky i fundit ishte mes të plagosurve, nga shpërthimi në këtë subjekt që ishte në pronësi të tij. 

Mësohet se Çela ndodhet në spitalin e Traumës, në gjendje të mirë shëndetësore. Ai iu nënshtruar një ndërhyrje kirurgjikale ditën e premte, kur ndodhi edhe ngjarja. 

Sakaq, në kujdes intensiv është i plagosuri Sokol Lumi, ndërsa të tjerët janë në gjendje të mirë. Kujtojmë se babë e bir humbën jetën nga shpërthimi, Roland dhe Elidon Hoxha.

Fier

Specialistët e Policisë Rrugore të DVP Fier arrestuan në flagrancë shtetasin G. B., 48 vjeç, banues në Lushnjë, pasi është konstatuar nga shërbimet e Policisë duke drejtuar automjetin në gjendje të dehur.

Po këta specialistë referuan materialet në prokurori, për një shtetase të mitur 17 vjeçare, e cila u konstatua nga shërbimet e Policisë duke drejtuar automjetin, pa leje drejtimi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Një 48-vjeçar është vënë në pranga të Policisë së Shkodrës, pasi tentoi të vriste ish-vjehrrin e tij.

Sipas policisë, i arrestuari ka përplasur me makinën ish-vjehrrin e tij, i cili po lëvizte me biçikletë në qytetin verior.

Ish-vjehrri i të arrestuarit po lëvizte në korsinë e dedikuar për biçikleta, ndërsa papritmas është përplasur me makinëPas ngjarjes, 68-vjeçari u dërgua për ndihmë në spital dhe sipas mjekëve ndodhet jashtë rrezikut për jetën.

GREQI- Janë zbuluar emrat e dy shqiptarëve të arrestuar ditën e djeshme me rreth 100 kilogramë drogë. Ata fillimisht tentuan t’i arratisen policisë greke me një automjet, por u ndaluan pasi u përplasën me një automjet tjetër të parkuar.

Sipas burimeve policore, gjatë ndjekjes një prej drejtuesve të operacionit ka hapur zjarr paralajmërues. Pasi kanë braktisur mjetin me 4 çantat me drogë, dy shqiptarët janë larguar me vrap, por më pas janë prangosur

Drejtuesi i mjetit është identifikuar si Aristidhi Dalipi, 24 vjeç me kombësi shqiptare e shtetësi greke, ndërsa pasagjeri si Amarildo  Omeri, 35 vjec nga Fieri.

Pronar i automjetit rezulton vëllai i Dalipit, shtetasi Dhionisios Lulëzim Dalipi, aktualisht i burgosur në Koridhalo.

Nje automjet “Range Rover” eshte perfshire nga flaket kete mbremje ne aksin rrugor Fier-Seman. Drejtuesi i automjetit sa ka pikasur tymin ka dale nga automjeti dhe ka njoftuar sherbimin zjarrfikes te cilet kane shkuar ne vendngjarje .

Fier/Informacion paraprak

Rreth orës 19:05, në fshatin Grykë, dyshohet se për shkaqe aksidentale, ka marrë flakë gjatë lëvizjes, automjeti tip “Land Rover”, me drejtues shtetasin F. R.
Si pasojë janë shkaktuar vetëm
dëme materiale në këtë automjet.

Grupi hetimor vijon veprimet në vendngjarje, për zbardhjen e plotë të rrethanave të rastit.