Ballina Shqiperia ime Policia e FIERIT ne 24 oret e fundit disa te arrestuar per...

Policia e FIERIT ne 24 oret e fundit disa te arrestuar per vepra te ndryshme penale

Drejtoria Vendore e Policisë Fier

Specialistët e Sektorit të Qarkullimit Rrugor arrestuan në flagrancë shtetasit:
-L. K., 47 vjeç, banues në Fier, pasi u kap duke drejtuar automjetin, në gjendje të dehur;
-L. H., 34 vjeç, banues në Tiranë, pasi në aksin rrugor “Lushnjë-Rrogozhinë”, automjeti që drejtonte ky shtetas, në gjendje të dehur, është përplasur me automjetin me drejtues shtetasin A. K., 27 vjeç. Si pasojë e përplasjes ka patur vetëm dëme materiale.

Shërbimet e Komisariatit të Policisë Fier referuan materialet në Prokurori, ku nisi procedimi penal për shtetasit:
-A. R., 60 vjeç, banues në Fier, pasi dyshohet se për motive të dobëta, ka thyer disa karrige në lokalin në administrim të një 34-vjeçari;
-A. T., 42 vjeç, banues në Fier, pasi ka kundërshtuar punonjësin e Policisë, gjatë ekzekutimit të një vendimi të Këshillit Bashkiak.

Specialistët e Komisariatit të Policisë Lushnjë referuan materialet në Prokurori, ku nisi procedimi penal për shtetasen A. K., 54 vjeçe, banuese në Golem, pasi dyshohet se ka ushtruar dhunë ndaj vjehrrës së saj.

Materialet procedurale iu referuan Prokurorisë së Fierit, për veprime të mëtejshme.