Drejtoria Vendore e Policisë Fier
Në vijim të informacionit të dhënë mbrëmjen e djeshme, për një aksident rrugor në fshatin Petovë, Fier, si pasojë e të cilit u dëmtua rëndë shtetasi Z. Xh., 60 vjeç, informojmë se specialistët e Policisë Rrugore arrestuan shtetasin M. P., 43 vjeç, drejtuesi i automjetit që përplasi motomjetin që drejtonte shtetasin Z. Xh., i cili vijon të marrë mjekim në spital.
Gjithashtu, specialistët e Policisë Rrugore arrestuan shtetasin S. M., 43 vjeç, pasi u konstatua duke drejtuar automjetin, në gjendje të dehur.
Sektori për Hetimin e Narkotikëve i DVP Fier referoi materialet në Prokurori ku nisi procedimi penal për shtetasin M. M., 38 vjeç, banues në Fier, pasi gjatë kontrollit fizik, shërbimet e Policisë i gjetën dhe sekuestruan një sasi të vogël lënde të dyshuar narkotike cannabis sativa.
Specialistët për Hetimin e Krimeve të Komisariatit të Policisë Lushnjë referuan materialet në Prokurori ku nisi procedimi penal për një shtetas 15 vjeç, pasi gjatë kontrollit fizik, shërbimet e Policisë i gjetën dhe sekuestruan një elektroshok.
Stacioni i Policisë Roskovec referoi materialet në Prokurori ku nisi procedimi penal për shtetasin E. M., 37 vjeç, banues në Fier, pasi ka goditur me grusht një shtetas, për motive të dobëta.
Materialet procedurale i kaluan Prokurorisë, për veprime të mëtejshme.
