Një banesë është përfshirë sërish nga flakët në lagjen “Kadri Qystri” në Lushnjë.Si pasojë e flakëve është dëmtuar një dhomë e banesës ndërsa raportohet se nuk ka të lënduar. Ndërhyrja në kohë e zjarrfikëseve bëri të mundur nxjerrjen e një të moshuare e cila ishte e paralizuar
Shkak i zjarrit dyshohet të jetë një shkëndijë elektrike, sakaq theksohet se kjo është hera e dytë që banesa përfshihet nga flakët.Ndërkohë shërbimet zjarrfikëse, policia dhe ambulanca ndodhet në vendin e ngjarjes për të shuar flakët dhe për të zbardhur plotësisht ngjarjen.
