Drejtoria Vendore e Policisë Fier
Komisariati i Policisë Fier ndaloi shtetasin U. H., 50 vjeç, banues në Roskovec, pasi ka dhunuar një shtetas 33 vjeç dhe i ka marrë celularin duke e kanosur me mjet prerës (thikë).
Gjithashtu referoi materialet në Prokurori ku nisi procedimi penal për shtetasit:
-B. Xh., 62 vjeç, banues në fshatin Gorishovë, pasi në banesën e tij u konstatua lidhje e paligjshme e energjisë elektrike;
-A. D., 45 vjeç, banues në fshatin Muçaj, pasi duke djegur disa barishte në tokën e tij, zjarri i ka dalë jashtë kontrollit dhe si pasojë është djegur një sipërfaqe toke (vreshtë) e një shtetasi tjetër.
Komisariati i Policisë Lushnjë referoi materialet në Prokurori ku nisi procedimi penal për shtetasin P. N., 65 vjeç, pasi ka vrarë me armë gjahu (që e posedonte me leje), një qen i cili e ka sulmuar.
Materialet procedurale i kaluan Prokurorisë, për veprime të mëtejshme.
