Drejtoria Vendore e Policisë Fier
•Specialistët për Hetimin e Narkotikëve referuan materialet në Prokurori, ku nisi procedimi penal për shtetasin E. Sh., 25 vjeç, banues në Fier, pasi gjatë kontrollit në automjetin me të cilin lëvizte, iu gjet një sasi e vogël Cannabisi.
•Specialistët e Sektorit të Qarkullimit Rrugor arrestuan në flagrancë shtetasin B. T., 44 vjeç, banues në Lushnjë, pasi u kap duke drejtuar automjetin, në gjendje të dehur. Gjithashtu, ai ka kundërshtuar punonjësit e Policisë, gjatë kryerjes së veprimeve procedurale për rastin.
•Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi penal për shtetasin S. B., 28 vjeç, banues në Dërmënas, pasi dyshohet se për motive të dobëta, ka goditur me grushte, një 26-vjeçar.
•Në lagjen “Mustafa Matohiti”, Patos, në automjetin e parkuar të shtetasit Sh. S., 56 vjeç, ka rënë zjarr. Grupi hetimor vijon hetimet për zbardhjen e shkakut të rënies së zjarrit.
Materialet procedurale i kaluan Prokurorisë së Fierit, për veprime të mëtejshme.
