Transporti i fletës së votimit në diasporë do të bëhet nga një postë me eksperiencë ndërkombëtare dhe për këtë proces, KQZ ka caktuar një fond prej 10 milionë eurosh.
Sipas të dhënave të Agjencisë së Prokurimeve Publike, kompania postare do te zgjidhet me procedure tenderimi me negocim.
E thënë ndryshe, KQZ vihet drejtpërdrejt në komunikim me një apo disa kompani që i ka studiuar në treg si të përshtatshme dhe lidh marrëveshje me njërën prej tyre
Kjo formë prokurimi parashikohet nga ligji në rastet e emergjencës, siç dhe Kodi Zgjedhor ka autorizuar KQZ-në që për shërbimin postar të përdorë procedurën më të shpejtë që lejon ligji.
