Pas kapjes së 210 kg kokainë ditën e djeshme dhe goditjes së një grupi kriminal të përbërë edhe nga shqiptarë, një tjetër ngarkesë me drogë është kapur në Portin e Pireut.Policia thotë se ngarkesa e dytë nuk ka lidhje me të parën dhe se është në konteiner me tjetër ngarkesë dhe destinacion.
Sipas mediave greke konteineri në fjalë dyshohet se është karrem, pra është dërguar enkas prej trafikantëve me adrese dhe pritës jo realë për të ngatërruar autoritetet në mënyrë që të kalohet ngarkesë tjetër droge.
