Në orët e para të kësaj të hëne oficerët e Drejtorisë së Ndjekjes së Drogës dhe Kontrabandës pranë Autoritetit Qendror Portual Pire, kanë sekuestruar 30 pako me një sasi kokaine me një peshë totale bruto prej 34 kilogramë dhe 354 gramë me vlerë 1 milionë euro.
Nga hetimi i autoriteteve greke në bashkëpunim me Zyrën HSI (US Homeland Security Investigations) të ambasadës amerikane në Athinë, sasia e kokainës u gjet brenda një anijeje që ishte ankoruar në terminalin e kontejnerëve në port të Pireut.
Pllakat e kokainës ishin vendosur në një enë frigoriferike me një ngarkesë të ligjshme me banane që ishte ngarkuar në një port ekuadorian.
Lënda narkotike e gjetur u sekuestrua pranë Autoritetit Qendror Portual të Pireut, i cili po kryen hetimet paraprake.
