Policia e Vlorës ka zbuluar një arsenal të madh armësh në fshatin Babicë të Vlorës.
Janë sekuestruar me dhjetëra armë, lëndë plasëse, kallashnikov, snajper, kallëpe tritoli e dinamiti e të tjerë. Policia ka vënë në pranga dhe një person.
Efektivët e lartë të Policisë së Vlorës deklaruan se janë sekuestruar me mijëra fishekë, radiomarrëse, pajisje kompjuterike etj. Blutë sqaruan se i arrestuari Luciano Feraj dyshohet se ka lidhje me grupet kriminale, ndërsa shtuan se detajet e reja do të dalin në ditët në vijim.
“Falë një pune intensive të Policisë së Vlorës, kemi arrestuar shtetasin Luciano Feraj, banues në Babicë e Madhe, Vlorë. Ky shtetas u arrestua për posedimin e armëve në një banesë në fshatin Babicë. Kemi sekuestruar sasi të madhe municione, mijëra fishekë, radiomarrëse, pajisje antene, disa njësi qendrore kumpjuteri do iu nënshtrohen ekspertizës, pajisje policie, veshje të ndryshme.
