Dueli në boks për femra në peshën 66 kilogram mes italianes ngela Carini dhe transgjinores algjeriane Imane Khelif që zgjati vetëm 45 sekonda solli shumë polemika në rrjet.Shumë persona reaguan ndaj fitores së sportistes transgjinore, duke kërkuar që ajo të mos garojë në disiplinat për femra.
Boksierja’ algjeriane Imane Khelif është një nga dy boksierët që u lejohet të garojnë në Lojërat Olimpike, pavarësisht se u skualifikua nga kampionati botëror i femrave vitin e kaluar për dështimin në testin e testosteronit dhe testeve të përshtatshmërisë gjinore. Ata janë meshkuj biologjik, që përmes terapive të caktuara identifikohen si femra.
“Unë jam zemërthyer. Shkova në ring për të nderuar babanë tim. Më thanë shumë herë që isha luftëtare, por preferoja të ndaloja për shëndetin tim. Unë kurrë nuk kam ndjerë një grusht si ky”, tha ajo.
25-vjeçarja nga Napoli shtoi: “U futa në ring për të luftuar. Nuk u dorëzova, por një grusht më lëndoi shumë dhe kështu thashë mjaft. Unë po dal me kokën lart.”
Menjëherë ka ardhur dhe reagimi i Komitetit Olimpik Algjerian, që shpjegon se këto nuk janë gjë tjetër veç se sulme dashakeqe dhe përpjekje për shpifje e gënjeshtra nga ana e mediave të huaja.
Nderkohe -Komiteti Olimpik Algjerian dënon me fjalët më të forta sulmet dashakeqe dhe joetike të drejtuara kundër atletes tonë të shquar, Imane Khelif, nga disa media të huaja. Këto përpjekje për shpifje, të bazuara në gënjeshtra, janë krejtësisht të padrejta, veçanërisht në një moment vendimtar në të cilin ajo ndodhet, përgatitja për Lojërat Olimpike, kulmi i karrierës së saj”, shkruan si fillim KOA.
Kjo është ajo që lexojmë në një shënim nga Komiteti, i cili shton: “Ne kemi marrë të gjitha masat e nevojshme për të mbrojtur kampionen tonë. Imane Khelif mishëron në mënyrë të përsosur frymën e përsosmërisë, vendosmërisë dhe qëndrueshmërisë së sportistëve tanë. Pavarësisht nga këto kritika të pabaza, ne ka besim të palëkundur në aftësitë e saj dhe ne jemi të bindur se ajo do të shkëlqejë në Lojërat Olimpike”. “Ne jemi të gjithë me ty, Imane,” vazhdon shënimi.
“I gjithë kombi ju mbështet, krenar për arritjet tuaja dhe nderin që i sillni Algjerisë. Le të përqendrohemi në talentin tuaj të jashtëzakonshëm dhe punën tuaj të palodhur për të përfaqësuar vendin tonë në skenën botërore. Ne kërkojmë nga të gjithë të mbështesin kampionen tonë, Imane, niveli i përsosmërisë së të cilit shqetëson disa njerëz”, përfundon KOA.
