DVP Fier/Vihet në pranga 1 shtetas dhe procedohen në gjendje të lirë 6 të tjerë, për vepra të ndryshme penale.
Specialistët për Hetimin e Narkotikëve të DVP Fier, në vijim të veprimeve hetimore dhe procedurale të kryera në kuadër të operacionit të koduar “Tempulli 2”, arrestuan në flagrancë shtetasin D. H., 19 vjeç, banues në fshatin Fiershegan, Lushnjë, pasi gjatë kontrollit fizik, shërbimet e Policisë i kanë gjetur dhe sekuestruar një sasi të vogël lënde të dyshuar narkotike kokainë.
Specialistët e Sektorit për Hetimin e Krimeve të Komisariatit të Policisë Divjakë referuan materialet në Prokurori, për shtetasit:
O. L., 32 vjeç, banues në Divjakë, pasi me automjetin që drejtonte, ka dëmtuar 3 shenja kufizuese plastike të sinjalistikës rrugore;
N. J., banues në Divjakë, pasi për shkak të konflikteve për motive pronësie, ka dëmtuar kanalin vaditës në pronën e një shtetaseje.
Specialistët për Hetimin e Krimeve të Komisariatit të Policisë Mallakastër referuan materialet në Prokurori, për shtetasin K. J., 20 vjeç dhe për 3 shtetas të moshës 17 vjeç, banues në Mallakastër, pasi gjatë një konflikti të çastit për motive të dobëta, në një lokal, në Mallakastër, kanë thyer nga pakujdesia, xhamat e disa tavolinave. Shërbimet e Policisë kanë sekuestruar në cilësinë e provës materiale një dorezë metalike, të cilën dyshohet se e posedonte njëri prej 17 vjeçarëve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
