Greqia kërkon të rifitojë prestigjin që gëzonte dikur në fushën ushtarake.
Athina ka hartuar një plan blerjeje shumëmiliardësh 10-vjeçar, që përfshin blerjen e deri në 40 avionëve të rinj luftarakë F-35 nga Shtete e Bashkuara, tre fregata nga Franca dhe helikopterët Black Hawk të prodhimit amerikan.Ministri i Jashtëm, Nikos Dendias, e shpjegoi rolin e Greqisë në krijimin e industrisë ushtarake, me rastin e nisjes së fregatës luftarake për mision në Detin e Kuq kundër rebelëve të Huthit.
Ne jemi anëtarë krenarë të familjes evropiane të Bashkimit Evropian.
Pra, ajo që ne po përpiqemi të bëjmë është të kemi një industritë mbrojtjes vendase për Greqinë dhe Evropën, të cilat mund të shërbejnë për nevojat e Bashkimit Evropian.
Bashkimi Evropian ka aftësinë për të mbrojtur veten, në bashkëpunim të ngushtë me NATO-n, në bashkëpunim të ngushtë me Shtetet e Bashkuara dhe aleatët tanë jashtë shtetit, por ne duhet të jemi në gjendje të mbrohemi”, tha Dendias.
Greqia, një anëtare e NATO-s, dëshiron të reformojë ushtrinë e saj sipas shembullit të Finlandës.
Ajo synon gjithashtu të rindërtojë industrinë e saj të mbrojtjes dhe të nxisë biznesin e kantiereve të saj detare, ndërsa rimëkëmbet nga një krizë borxhi prej një dekade që e detyroi atë të ulë shpenzimet.
Gjithashtu, Greqia dëshiron të prodhojë sisteme drone dhe anti-drone dhe është në bisedime me Shtetet e Bashkuara për të bashkëprojektuar dhe ndërtuar fregata të klasit Constellation për Marinën Greke.
Fregatat e huaja mund të shërbehen në kantieret greke, tha Dendias.
“Për Greqinë kjo paraqet një sfidë të madhe. Ne jemi një komb detar, një komb detar krenar, por është hera e parë në historinë tonë që ne mund të jemi në gjendje të bashkëprojektojmë një platformë aq të rëndësishme sa Konstelacioni”, tha ai.
Pas pushtimit të Ukrainës nga Rusia në shkurt 2022, Bashkimi Evropian dëshiron të rrisë rolin e tij të mbrojtjes si një bllok dhe jo si një grup prej 27 kombesh ku politika ushtarake hartohet në nivel kombëtar.
Greqia, vend bazë i operacionit të BE-së për të mbrojtur anijet nga sulmet e rebelëve Houthi në Detin e Kuq, shpreson të luajë një rol më qendror në garantimin e sigurisë së bllokut 27-vendesh, tha ministri i Mbrojtjes.
