Autoritetet në Korenë e Jugut deklaruan se 122 persona mbetën të vdekur pasi një avion u rrëzua teksa po bënte ulje në pistën e aeroportit të dërkombëtar Muan.
Avioni, i operuar nga linja ekonomike Jeju Air ishte duke u ulur në aeroport kur ndodhi përplasja, thanë zyrtarët lokalë.
Pamjet e aksidentit tregojnë një avion duke përshpejtuar në pistë derisa kapërcen atë dhe godet një barrierë e më pas shpërthen në flakë.
Raprtohet përplasja me një shpend se bërë që mjetet e uljes së avionit të mos funksionojnë, duke e detyruar atë të rrëzohet.
Në avion ndodheshin 181 pasagjerë, teksa vetëm dy prej tyre kanë shpëtuar dhe të tjerë ende nuk janë identifikuar.
