Fier
Specialistët për Hetimin e Krimeve të Komisariatit të Policisë Fier arrestuan në flagrancë shtetasin M. M., 38 vjeç, banues në Fier, pasi ka ushtruar dhunë fizike ndaj vëllait të tij.
Specialistët për Hetimin e Krimeve Ekonomike dhe Financiare të DVP Fier referuan materialet në Prokurori ku nisi procedimi në gjendje të lirë për veprën penale “Shpërdorimi i detyrës”, për shtetasen A. K., 25 vjeçe, banuese në Fier, me detyrë përmbaruese gjyqësore, pasi ka kallëzuar një shtetase 30 vjeçe, se shtetasja A. K. nuk ka ekzekutuar vendimin e Gjykatës, për detyrimin financiar që ish-bashkëshorti i 30-vjeçares ka ndaj fëmijës së tyre.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
