Administrata e presidentit amerikan Donald Trump ka vendosur të pezullojë të gjithë punonjësit me kontratë të Agjencisë së Shteteve të Bashkuara për Zhvillim Ndërkombëtar (USAID) në të gjithë botën dhe të tërheqë mijëra nga ata që punojnë jashtë SHBA-ve.
Njoftimi i shpërndarë nga USAID tregon se të gjithë punonjësit e USAID-it me kontratë do të pezullohen, ndërkohë që faqja e internetit e agjencisë ka qenë jashtë funksionit që nga fundjava.
“Të premten, më 7 shkurt, të gjithë punonjësit me kontratë të USAID-it do të pezullohen në gjithë botën”, thuhet në njoftimin e sajtit të agjencisë.
USAID ka më shumë se 10,000 punonjës, dhe rreth dy e treta e tyre shërbejnë jashtë Amerikës.
