Kryeministri dhe njëherazi kryetari i Partisë Socialiste, Edi Rama ndodhet sot në Fier, ku po prezanton arritjet kyçe në prodhimin dhe diversifikimin e burimeve të energjisë, investimet e realizuara në këtë sektor, si dhe objektivat afatgjata për zhvillim të qëndrueshëm deri në vitin 2030.
Në këtë takim, i cili zhvillohet edhe në kuadër të fushatës elektorale për zgjedhjet parlamentare të 11 majit, kryesocialisti Rama shoqërohet nga zv.kryeministrja dhe ministre e Infrastrukturës dhe Energjisë, njëherazi drejtuese politike e PS për qarkun Fier, Belinda Balluku.
Kryeministri Edi Rama në Fier u ndal tek arritjet kyçe në prodhimin dhe diversifikimin e burimeve të energjisë. Rama tregoi dhe planet për të ardhmen për këtë sektor. Kryeministri tha se në krahasim me Shqipërinë post-komuniste, kemi pasur një dyfishim të rritjes së prodhimit të energjisë.
Kreu i qeverisë me optimizëm tha se Shqipëria tashmë i ka të gjitha kapacitetet që të jetë e pavaruar për furnizimin me energji elektrike, madje brenda sipas Ramën brenda kësaj dekade vendi ynë do të ketë mundësinë që të eksportojë energji elektrike në vlerën neto.
“Vetë panorama e kësaj tryezë flet më shumë se sa 100 fjalë për ecurinë e sektorit dhe praninë e aktorit të rëndësishëm në të gjitha zonat e kësaj fushe. Për më tepër që ne sot jemi aq pranë anëtarësimit në BE, ku nuk mendohej që të ishim nëse do kishim sektorin e energjisë ashtu siç ishte para këtij transformimi.
Janë fakte që na bëjnë mjaft optimistë për të nesërmen e këtij sektori. Fakti që sot ne flasim për një prodhim të brendshëm thuajse të dyfishuar është shumë domethënës. Për më tepër që u kthyem nga komunizmi dhe hidrocentralet iu hoqën shtetit dhe iu dhanë privati, që është një vepër penale e pastër. Sot kemi dyfishin e prodhimit nga u nisëm. Nuk është vetëm rritja e prodhimit, por dhe diversifikimin e bazës. Diversifikimi i prodhimit që sot vjen nga dielli, me fillimin e disa projekteve të erës dhe me inovacionin e jashtëzakonshëm që do të kemi në Shqipëri.
Kemi të gjitha arsyet që të mendojmë se jemi afër pavarësisë së plotë të energjetikës së Shqipërisë. Nga një vend me hall të madh energjinë në një transferues neto të energjisë është afër. Nëse të gjitha shkojnë sipas planeve dhe kërkesave që kemi nga investitorët, brenda kësaj dekade Shqipëria do të jetë energjitikisht e pavarur dhe do të kalojë në eksport neto. Nuk është vetëm prodhimi, por dhe transmetimi që ka njohur një proces të rëndësishëm. Ku qershia mbi tortë është marrëveshja me Italinë për lidhjen e konfeksionet në anën tjetër të botës. Sa i përket pjesës së shpërndarjes dhe transmetimit, është një monument i sektorit të gjallë. Jemi në parametrat normalë të një vendi europian, ndërkohë që ishim një fenomen jashtë Evropës”, tha kreu i qeverisë.