Drejtoria Vendore e Policisë Fier
Specialistët për Hetimin e Krimeve të Komisariatit të Policisë Lushnjë ndaluan shtetasin A. R., 39 vjeç, banues në fshatin Krutje e Poshtme, pasi dyshohet se ka ushtruar dhunë ndaj bashkëshortes së tij, si dhe ka keqtrajtuar dhe ngacmuar seksualisht vajzën e saj 11 vjeçe.
Specialistët e Sektorit të Policisë Rrugore të DVP Fier arrestuan shtetasin A. K., 23 vjeç, banues në fshatin Fiershegan, pasi duke drejtuar automjetin, në gjendje të dehur, ka humbur kontrollin dhe për pasojë automjeti ka dalë nga rruga. Shtetasi ka pësuar dëmtime të lehta dhe është dërguar në spital, për ndihmë mjekësore.
Specialistët për Hetimin e Krimeve Ekonomike dhe Financiare të DVP Fier referuan materialet në Prokurori ku nisi procedimi penal për shtetasin Sh. P., 52 vjeç, banues në fshatin Mbrostar Ura, pasi dyshohet se ka aplikuar për pasaportë biometrike, duke dhënë gjeneralitete të rreme.
Specialistët për Hetimin e Krimeve të Komisariatit të Policisë Fier referuan materialet në Prokurori ku nisi procedimi penal për shtetasin V. A., 32 vjeç, banues në fshatin Gorishovë, pasi ka goditur me grushte dhe send të fortë, një shtetas, për motive të dobëta.
Materialet procedurale i kaluan Prokurorisë, për veprime të mëtejshme.
