Lëvizja Bashkë ka ftuar qytetarët në një tubim në datën 20, që sipas Arlind Qorit do të jetë si një sinjal për ti kërkuar drejtësisë ndëshkimin e politikanëve të korruptuar dhe për të ushtruar presionin e duhur për një qeverisje të drejtë.
“Prandaj duke protestuar ditën e shtunë në orën 11:00 në sheshin “Skënderbej”, duke u nisur drejt Kryeministrisë, do të protestojmë për shtetin ligjor, korrupsionin dhe për demokraci.Sipas Qorit Shqipëria renditet në vendet më të korruptuara. Sipas tij në këtë mënyrë është cenuar edhe sistemi demokratik.
Përmes parave të vjedhura blihen votat, mediet dhe ngrihet një sistem i tërë klientelist dhe një demokraci formale.”
Varfëria, shprehet ai, vjen pikërisht nga korrupsioni.
“Është ulëritës që pensioni minimal është 8000 lekë të reja. Pensionisti mesatar është në pikë të hallit.”
Një apel ai e kishte edhe për drejtësinë e re.
“Të vendosen të gjithë politikanët e korruptuar para drejtësisë dhe tu sekuestrohet pasuria.”
Për mediet Qori theksoi se në varësi të pjesëmarrjes në protestë do të vendoset edhe vijimi ose jo i tyre.
