Shpërthimet e fruthit në mbarë botën , kanë vënë në alarm edhe autoritetet shëndetësore në vendin tonë. Vetëm gjatë muajit mars 2025 në Fier janë identifikuar 9 raste , ndërsa fëmijët e prekur kanë rezultuar të pavaksinuar. Sipas mjekes epidemiologe pranë Njësisë Vendore té Kujdesit Shëndetësor Parësor në Fier, Anila Moçi , rasti i parë i konfirmuar ka qënë i një fëmije i cili pas qëndrimit 2 javor në Itali është kthyer i infektuar ndërsa prindërit e tij kishin refuzuar bërjen e vaksinës kundër fruthit. Një tjetë vatër infeksioni shpërtheu më pas në një kopësht dhe pavarësisht se të gjithë fëmijët e prekur janë trajtuar në spital dhe aktualisht janë né gjëndje të mirë shëndetësore , mjekja Moçi paralajmëron rrezikun e përhapjes së fruthit në rast refuzimi të vaksinës.
Mjekja epidemiologe pohon gjithashtu se vaksinimi mbetet mbrojtja më e sigurt ndaj kësaj sëmundjeje për të parandaluar shpërthimet epidemike teksa ka theksuar se prindërit nuk duhet të bëhen prehë e zërave se vaksina kundër fruthit shkakton autizëm, debat i tejkaluar tashmë.
Një shpërthim i tillë i fruthit në Fier është regjistruar në vitin 2018 ku në Qarkun e Fierit u prekën 8 persona. Përballë kësaj situate mjekja Moçi u ka bërë apel të gjitha institucioneve arsimore parashkollore dhe shkollore të mos pranojnë fëmijë të pavaksinuar sipas kalendarit kombëtar të vaksinimit pasi bëhen shkak për përhapjen e fruthit edhe te fëmijët e tjerë.
