Kryeministri zgjidhet president i përkohshëm pas vdekjes së Karimov

44

Parlamenti uzbek miratoi sot emërimin e kryeministrit, Chavkat Mirzioiev, si president të përkohshëm, një shenjë kjo që shefi i qeverisë së këtij vendi të Azisë qendrore mund të pasojë Islam Karimov që vdiq më 2 shtator pas më shumë se çerek shekulli në pushtet.

Chavkat Mirzioiev, 58 vjeç, pranoi këtë post pasi presidenti i Senatit, Nigmatilla Iouldachev, që zinte funksionin e presidentit të përkohshëm sipas kushtetutës, miratoi kandidaturën e Mirzioiev, sipas një komunikate të qeverisë që thekson se Parlamenti urdhëroi organizimin e zgjedhjeve presidenciale brenda tre muajsh.